Sherimga javob she‘r

Kuting

Kuting gulim albat boraman,
Dengizlarni hatlab boraman.
Yuragimni qatlab boraman,
Kuting gulim albat boraman.

Talqon qilib tog'lar toshini,
Metin qilib dil bardoshini,
Bir ko'rgani yorning qoshini,
Kuting gulim albat boraman.

Men boraman siz aniq kuting,
O'zgalarning bahridan o'ting.
Sadoqatni mustahkam tuting
Kuting gulim albat boraman.

Imkon izlab toparman chora,
Hijronlarni qilarman pora.
Men aytaman sizga ming bora,
Kuting gulim albat boraman.

Manzil aniq, bilaman hanuz,
Bahor kelar, kelmas endi kuz.
Uchrashgani sizla yuzma-yuz
Kuting gulim albat boraman.

Yuragimda ishqning ovozi,
Yondirdiku Dilnozning nozi.
Sof sevgimga bo'lsangiz rozi
Kuting gulim albat boraman.

Baxtdan sarxush bo'lib tolgani,
Olovli bo'salar olgani.
Manguga siz bilan qolgani,
Kuting gulim albat boraman.

Dildan olov o'chmagan hali,
Keldi endi diydorning gali.
Yo'lga chiqdim, men Yigit Ali,
Kuting gulim albat boraman.

Yigit Ali. 05-12-3023.