صبر🤍

TOLIBI ILM VA YOSHLARGA DA'VAT

Diniga qayg'urgan odam = Diniy ilmlarga qay'g'urgan odam = Diniy ilmni fahmlashga qayg'urgan odam = Unga etkazuvchi qurol ilmlarni o'rganishga bel bog'lagan odam.

Aksi aks natija beradi.

Dinga etkazuvchi qurol ilmlarni o'rganishga bel bog'lamagan odam = Diniy ilmni fahmlashga qayg'urmagan odam = Diniy ilmlarga qay'g'urmagan odam = Diniga qayg'urmagan odam*.

Eslatma: Qur'on, Hadis, Fiqh, Tafsir, Usul fiqhga oid Ilmiy kitoblarni o'qib anglashga, ulardan sahih diniy tushunchalarni hosil qilishga qurol bo'ladigan ilmlarning eng muhimlari:
Nahv-sarf, Balog'at, Mantiq, Bahs va munozara qonunlari ilmi, Maqulot ilmi, Vaz' ilmi.

Yoshlar dindan gapirib talashib tortishish o'rniga shu ilmlarda peshqadamlik qilsalar, shu fanlarda sobit qadamliklarini ko'rsata olsalar haqiqiy tahsinga sazovar ish, haqiqiy qahramonlik shu bo'lardi.

Sport olamidagi olimpiadalardagi g'oliblardan ham kattaroq pahlavonlik ko'rsatishgan bo'lardi.

Tasavvur qiling, bahs va munozara odobi ilmini o'rniga qo'yib, maromiga etkazib gaplashyapti ikki muxolif!

Bu butun madaniyatli xalqlarni lol qoldirmay qo'ymaydi!
(Eng muhimi bu dinimiz talabi )

Shunday ekan, nima uchun biz shunday bebaho hazinaga qo'limiz eta turib unga qo'l cho'zmaymiz?!
Yoshlarimiz chala ilm bilan, balki ilmsiz og'iz juftlashga shay?!
(shu fanlarni eshitmaganlari ham bor kerak bo'lsa)

Keling, ijtimoyi tarmoqlarni bemazaga aylantirmay, shu ilmlarni o'rganihsga bel bog'laylik, o'z ustimizda ishlab o'zimiz bilan band bo'laylik ko'proq.

Shunda dinimiz uchun ham jamiyatimiz uchun ham isloh vazifasini bajargan bo'lamiz!

Alloh yordamchimiz bo'lsin!
-----------------------------
*Ya'ni dinni yetkazish darajasiga loyiq tarzda qayg'urmagan.

R. Hanafiy.

ILM OLUVCHILARGA DOLZARB ESLATMA

Ilmda yaxshi natijaga erishmay, yillab qolib ketishga sabab bo'ladigan narsa - hali u kitob, hali bu kitob, bir qarasang bir ustoz, bir qarasang yana yangi darsu yangi ustoz, yangi programma qilib yurishdir. Mana shunday aylanaveradi, qarabsizki bir necha yilni qo'ldan boy berib qo'ygan bo'ladi o'quvchi, umid qilingan natija olisda qolaveradi.
Boshlang'ich talaba dastlab bir ustozni lozim tutish kerak, bo'lmasa parokanda bo'ladi. Vaqtini zoye qiladi.

R. Hanafiy.

#duolarim)

Роббим! Сен билан учрашишга ҳеч нарса тайёрламаган ҳолимда умрим тугаб қолишидан қўрқаман.
Аллоҳим! Муроду мақсадим Сени рози қиладиган амаларни қилиш бўлсин, қалбимни Сени норози қиладиган ишлардан буриб қўйгин!

«اِلَهِي أَنْتَ مَقْصُودِي وَرِضَاكَ مَطْلُوبِي»
Илоҳим! Ўзингсан мақсадим, ризоингдир матлабим.