Бу чўққи ҳақида илк бор 2020 йили Ҳисордаги энг баланд номсиз чўққига чиққанимда эшитгандим. Ўшанда бизга йўл бошлаган қўриқхонанинг илмий ишлар бўйича директор ўринбосари Бахтиёр Оромов атрофдаги чўққилар ҳақида маълумот берган эди. Кечаги сафарни ниҳоялаб, Тошкентга қайтгач, Бахтиёр бобонинг вафот этганини эшитдим. Аллоҳ раҳмат қилиб, охиратини обод қилсин.
2022 йили Ҳисорнинг яна бир азим чўққиларидан Осмонталошга (3686 метр) чиқиш насиб этди. Ўшанда чўққидан тушишда совуқ ҳавода, қор ва дўлга тутилиб, чақмоқ ва момогулдурак ваҳимасида, икки метр уёғини кўриб бўлмайдиган булутлар аро адашиб-улоқиб, манзилимиздан 20 км узоқдаги бошқа қишлоққа тушган эдик. Осмонталошдан 500 метр пастлаганимизда эса ҳаво бироз очилиб, юқоридаги бошқа чўққига ўрнатилган триангуляторни кўриб, адашганимизни билгандик. Ўша чўққи Хўжагул ота деб номланарди.
2022 йили Ҳисорнинг яна бир азим чўққиларидан Осмонталошга (3686 метр) чиқиш насиб этди. Ўшанда чўққидан тушишда совуқ ҳавода, қор ва дўлга тутилиб, чақмоқ ва момогулдурак ваҳимасида, икки метр уёғини кўриб бўлмайдиган булутлар аро адашиб-улоқиб, манзилимиздан 20 км узоқдаги бошқа қишлоққа тушган эдик. Осмонталошдан 500 метр пастлаганимизда эса ҳаво бироз очилиб, юқоридаги бошқа чўққига ўрнатилган триангуляторни кўриб, адашганимизни билгандик. Ўша чўққи Хўжагул ота деб номланарди.