Bu foniy dunyoni adolatli deb bo'lmaydi. Negaki, unda pul, hokimiyat, shon-shuhrat va omad odamlarning barchasiga teng taqsimlangan emas. Nega ayrim odamlarning hamma narsasi bor, boshqa odamlarda esa hech vaqo yo'q? Omadning sabablarini faqat insonning tabiat in'om etgan shaxsiy fazilatlari bilan bog'lash to'g'rimikan?
Malkolm Gladuell har doim mutlaqo tasodif hisoblab kelingan muvaffaqiyatlarning zamirida yotgan yashirin qonuniyatlarni kashf etgan birinchi insondir. Bu qonuniyatlar nega aksariyat buyuk hokkeychilar faqat yanvarda tug'ilishini va hech qachon oktyabrda tug'ilmasligini, nima uchun matematikani osiyolik talabalar boshqalardan ko'ra osonroq o'zlashtirishini, nega Nyu-Yorkning eng obro'li advokati bo'lish uchun albatta yaxudiy bo'lish lozimligini tushuntirib beradi. Bu kitob Bill Geyts, "Bitlz" va Motsart kabi shaxslarni nima bog'lab turishini hamda ular nega o'z tengdoshlaridan o'zib ketganligini ko'rsatadi.
"Zukkolar va landavurlar" - "qanday qilib muvaffaqiyatli inson bo'lish"ni o'rgatuvchi qo'llanma emas. Bu siz o'zingiz foydalanishingiz mumkin bo'lgan hayot qonuniyatlari olamiga zavqli bir sayohatdir.