Akobir's blog

Sizlarga ham ulashgim keldi ...)

Kitob sotib oladiganlar kam.

Sotib olganini ochadiganlar kamroq.

Ochganini tugatadiganlar undan ham kam.

Tugatganini eslab qoladiganlar yanada kamroq.

Eslab qolganiga amal qiladiganlar eng kami.

Kamchilik erishayotgan narsalarga erishish uchun, kamchilik qilayotgan ishlarni qilish foyda beradi.

Juma Mubarak

Zerikkanlar yutadi

2004-yilning bir kunida uch do’st zerikkanidan bir-biriga video ulashish uchun platforma yaratishga qaror qiladi.

Hozirda 2,5 milliardan ortiq odam Youtubedan foydalanadi.

Kreativ g’oyalar miyya bo’sh bo’lganda keladi.

Arximedning dush qabul qilayotkanida “Evrika!” qichqirig’i. Steve Jobsning sayr vaqtida Iphone konsepsiyasini yaratishi. “Harry Potter” romanining g’oyasi poyezd safarida kelishi - buning yaqqol misollaridir.

O’zingiz bilan bog’lanmoqchimisiz, dunyodan uziling.

Har 10 daqiqada telefoningizni tekshirishni, bo’sh bo’lib qolishingiz bilan suhbatdosh qidirishni to’xtating.

“Insoniyatning barcha muammolari odamning bir xonada tinchgina o'tira olmasligidan kelib chiqadi” deb bekorga Pascal ~400 yil oldin aytmagan.

15 daqiqa bo’lsa ham o’zingiz bilan yolg’iz qoling. Zerikkandan muvaffaqiyatga erishib qo’ysangiz hayron qolmayman.

2024-yilda olgan saboqlarim:

1. Allohdan ilojisi yo’q bo’lgan narsani so’rayolish asl iymon belgisi. So’rayver Akobir , ammo natijasidan shubha qilma!

2. Dunyodagi eng boy inson ham 0 dan boshlagan

3. Puling bo’lsa, hamma do’st! Unutma!

4.Seni orqangdan kimdir gapiryaptimi, qo’rqma, ular orqada!

5. Nohaq insonga asli haq emasligini isbotlashga urunma! U dunyoni bari bir seni ko’zlaring bilan ko’rolmaydi.

6. So’zlarga ishonma, zamon boshqa. Hozir so’zida turadiganlar kamayib ketgan.

7. Boshqalarni hayron qoldirish uchun yo obro’ uchun ish qilma.

8. Hech qanday harakat javobsiz qolmaydi. Qaytar dunyo. Alloh ko’rguvchi va bilguvchidir.

9. Gunohi kabira qilgan bo’lsang ham chin dildan tavba qilib unga qaytmadingmi, unut. Alloh seni kechirishidan gumon qilma, doim umidda bo’l.

10. Ilm o’rgan ammo niyyatni unutma: Allohdan nafi tegadigan va xayrli ilmni so’ra!

11. Iltimos siringni insonlarga aytma. Eng yaqin do’sting eng katta dushmaningga aylanishi mumkin; chunki u sen haqingda boshqalardan ko’ra ko’p narsani biladi.

12. Ota-onani doim xursand qil, duosini ol. Chiroyli muomala qil (ammo hamma qarorlaringni ularga tashlama! O’zing hal qil, o’zing hayotingni boshqar. Shunda vaqtlar o’tib, baxtsiz his qilsang ota-onangni ayblamaysan).

13. Ehsonni kanda qilma. Yashirin, ko’rsatmasdan ehson qilaver. (Avvalo oilang, qarindoshlaringdan boshla)

14. Odamlarning aybini ochma. Gunohini yashir, shunda Qiyomatda Alloh sening aybingni yashiradi. Hech kim begunoh emas. Hamma inson xato qiladi.

15. Qiynalyapsanmi? Ajoyib.. Dard berib qo’ygan Allohga hamdlar ayt. Bu dunyoda qiynaldingmi, narigi (abadiy) dunyoda osonroq bo’ladi.

16. Musulmon sifatida ba’zan katta ishlar qo’lingdan kelmasa-da, qalbingda katta niyyat bilan yasha. Chunki bir kun o’sha niyyat bilan o’lib ketsang ham senga o’sha ish qilgandek savobi beriladi.

Unutma, amallar niyyatga bog’liq!

Qisqa video ko’raveradi, uzunlariga sabr yetmay qoladi.

Uzun videoga yetmagan sabr, matnga ham yetmaydi.

Matn o’qimagan, kitob o’qimaydi.

Uzun video va kitoblarsiz ilm olinmaydi.

Ilm olmasa, hayotida muammolar to’xtamaydi.

Muammolardan qochish uchun yana qisqa videolar ko’radi…