Buxoroda Nima Gap? | Buxoro yangiliklari

Buxoroda IIBdagi rahbarlar ishdan olindi

Ichki ishlar vazirligi tekshiruvi natijasida quyidagilar lavozimidan ozod etildi:
Ichki ishlar vazirining buyrug‘i bilan viloyat IIB boshlig‘ining o‘rinbosari – Tergov boshqarmasi boshlig‘i, viloyat IIB Huquqiy statistika va tezkor hisob ma’lumotlar markazi boshlig‘i, Buxoro shahar IIO FMB boshlig‘ining o‘rinbosari – Jamoat xavfsizligi xizmati boshlig‘i, G‘ijduvon tumani Ichki ishlar boshqarmasi boshlig‘ining birinchi o‘rinbosari – Tezkor qidiruv xizmati boshlig‘i hamda yana bir o‘rinbosari — Tergov bo‘limi boshlig‘i, shuningdek Kogon tumani Ichki ishlar bo‘limi boshlig‘ining birinchi o‘rinbosari – Tezkor qidiruv xizmati boshlig‘i egallab turgan lavozimidan ozod etildi.
Shuningdek, viloyat IIB Jamoat xavfsizligi xizmati boshlig‘ining o‘rinbosari – Huquqbuzarliklar profilaktikasi boshqarmasi boshlig‘i, Tergov boshqarmasi boshlig‘ining ikki nafar o‘rinbosari, viloyat IIB Kotibiyat boshlig‘i, G‘ijduvon tumani Ichki ishlar boshqarmasi boshlig‘ining o‘rinbosari – Jamoat xavfsizligi xizmati boshlig‘i, Kogon tumani Ichki ishlar bo‘limi boshlig‘i va uning o‘rinbosari – Jamoat xavfsizligi xizmati boshliqlariga intizomiy jazolar qo‘llanildi.

👉@Buxoroda_NimaGap Obuna bo'ling

Buxoroda aviatsiya yoqilg‘isi terminali quriladi — Saneg yangi kompaniya tashkil etdi

Saneg kompaniyasi aviatsiya yoqilg‘isi yetkazib beruvchi yagona operator — Saneg JetWhitesni tashkil etdi. Kompaniya Farg‘ona neftni qayta ishlash zavodida ishlab chiqarilgan yoqilg‘ini yetkazadi. Yil oxirigacha 240 ming tonna aviakerosin ishlab chiqarish rejalashtirilgan. Buxoro va Samarqandda yangi yoqilg‘i terminallari barpo etiladi.

👉@Buxoroda_NimaGap Obuna bo'ling