USAID "40 qiz" loyihasi orqali ayol hunarmandlarni qo‘llab-quvvatlamoqda

USAIDning Biznesni qo‘llab-quvvatlash loyihasi tomonidan qo'llab-quvvatlanayotgan "40 qiz" loyihasi muallifi Ovasiya Teatr Modi xususiy korxonasi treninglar o'tkazishda davom etyapti. 50 dan ortiq xotin-qizni qamrab olgan ushbu treninglar Buxoro viloyatining Buxoro, Shofirkon va G'ijduvon tumanlarida bo'lib o'tmoqda.

Treninglarni tashkillashtirishda yana bir mahallik kichik biznes korxonasi — "Tarika" markazi jamoasi yordam ko'rsatmoqda. "40 qiz" o'quv dasturi dekabr oyi oxirigacha davom etadi. Ishtirokchilar qo'lda kashta tikish, tikuv mashinasida an’anaviy tikish va o'zbek milliy to'qimachilik san’atiga oid boshqa turli yo'nalishlarda malakalarini oshirish imkoniyatiga ega bo'lishadi.

“40 qiz" loyihasi Buxoroning olis hududlaridan, jumladan, G‘ijduvon, Shofirkon va Buxoro tumanlaridan bo‘lgan ayollarni birlashtiradi. Ular turli sabablar: yosh bolalariga yoki nogironligi bo'lgan oila a'zolariga g'amxo'rlik qilish kabi yumushlar tufayli uylarini tark eta olmaydilar. Loyiha orqali bu hunarmand ayollar bizneslar, elchixonalar va mehmondo‘stlik sanoati uchun interyer dizayni mahsulotlarini savdoga chiqarish imkoniyatiga ega bo‘ladi va qiymat zanjirida ishtirok etishadi.

Telegram | Facebook | YouTube | LinkedIn