☕️ Yil oxiri keldi, yana bir yil o‘tdi.

Ko‘pchilik shu paytda o‘ylab ko‘radi: "Bu yilda qanday maqsadlarga erishdim? Kelasi yil uchun qanday maqsadlar qo‘ysam ekan?" ❓

🟢Bugun sizlarga Basecamp kompaniyasi asoschisi Jeyson Fridning "Mening hech qachon maqsadlarim bo‘lmagan" deb nomlangan qisqa maqolasi haqida gapirib bermoqchiman.

Maqolada u shunday deydi:
Men hech qachon o‘zimga aniq bir maqsad qo‘yib ishlamaganman.

Ba'zi narsalarni qilishni xohlaganman, lekin agar ularga erishmasam ham uncha qayg‘urmayman. Ba'zan biror ishni qilish foydali bo‘lishi mumkin, lekin uni qila olmasam, o‘zimni aybdor his qilmayman.

Mening yondashuvim boshqacha.

Men ishlayman, harakat qilaman, yangi narsalarni yarataman. O‘zim, oilam, kompaniyam va jamiyat uchun yaxshilik qilishga intilaman. Lekin bu uchun qat’iy maqsadlar qo‘ymayman.

Maqsad shunaqa narsaki, unga yetganingdan keyin u yo‘qoladi. Keyin yangi maqsad qo‘yishing kerak. Lekin men bunday qadam-baqadam ishlamayman.

Men shunchaki o‘zimni qiziqtirgan ishni qilaman, va shu yo‘l bilan hozirgi joyimga yetib kelganman. Bugun ham hayot va ishga shunday qarayman.

@botirziyatov