Booklovercouple

https://youtu.be/d9LRrQj-v6Y?si=S56CaKIca2p8QNv1

"Telba" ni o'qib tugatgandim habaringiz bor. Asarga review yozish uchun va Telbani anglash uchun kitob haqida podcastlar ko'rib chiqyapman. Bugun youtubeda ajoyib o'zbekcha ana shunday podcastlardan birini ko'rib qoldim. O'zbek universitet professorlari tomonidan Telba ni kitobxonlarga yanada chuqurroq yetkazib berishibdi. Albatta ko'rib chiqing ushbu kanalda Dostoyevski va uning boshqa kitoblari haqida juda ham qiziq podcastlar olingan. Bu ma'lumotlarni bilganimdan so'ng yana o'qiganlarimni qaytarib chiqishga to'g'ri kelmoqda

@booklovercouple

​Qiz talashgan o'smirlar - Xudoyberdi To'xtaboyev

#book_review

Yoshligimizda hammamiz albatta Xudoyberdi To'xtaboyevning "Sariq devni minib" kitobini miriqib o'qiganmiz. Esimda mening oyim ham har doyim shu kitobni o'qimaysan - o'qimaysan, qachon odam bo'lasan bunaqada deb "Sariq devni minib" ni o'qitar edilar. Hattoki har kuni nechadir bet ushbu kitobdan o'qisam pul mukofoti ham berib turar edilar. Maktab paytim "Sariq devni minib" ni o'qib tugatdim. Ishonasizmi "Sariq devni minib" dan so'ng, "Sariq devni o'limi" ni qanday o'zim majburlab sotib oldirganimni bilmay ham qoldim. Televizorda , (ming shukurki u vaqtlarda telefonlar bo'lmagan) har kuni Xudoyberdi To'xtaboyev chiqib bir hikoya so'zlab berar edilar.

Afsuski ushbu mohir yozuvchimiz endi oramizda yo'q. Fevral oyini ko'proq O'zbek adabiyotiga qaratamiz deb aytib o'tgan edik. Bugungi kitobimiz balki orangizda ko'pchilik allaqachon mutoola qilib bo'lgan kitobingiz "Qiz talashgan o'smirlar " beg'ubor o'smirlik paytlarimizni eslatuvchi kitob. Kitob judayam qiziqarli - quvnoq, voqealarga boy'. Haqiqiy milliyligimizga mos eski qadriyatlarimizni hotirlaydi. Asardagi voqealarga kelsak: Yo'ldoshxon va Zulhumor , ularning anjirzordagi do'stlarining o’smirlik davrlaridagi sevgisi, do’stlik va yoshlar o’rtasidagi munosabatlar haqida hikoya qilinadi. Kitobda o’smirlarning hayotidagi turli qiyinchiliklar, ularga duch kelgan muammolar, va bu davrda yuzaga keladigan his-tuyg’ularni o’rganish bilan birga, sevgi, do’stlik, xiyonat kabi mavzular ham ko’tariladi. Xudoyberdi To'xtaboyev o'smirlarni ich - ichidan anglab, ularning ruhiy dunyosini, o'y - hayollarini ajoyib tasvirlaydi. Hammada ham albatta o'smirlik paytida kitobda yozilgan hislar olamida yashagan. Kitob yakuni ham o'zgacha . Xo'sh Yo'ldoshxon va Zulhumor birga bo'la olishadimi ? Bu kitobni bugun dam olish kuni albatta o'qib ko'ring. Bir o'tirishda mazza qilib o'qib tugatasiz. Hech qanday falsafa qidirmay, yoshlikga qaytib o'sha paytdagi hislaringiz qaytadan his qiling.

Hammaga yoqimli mutoola .
@booklovercouple

​Yanvar oyi sarhisobi (2025-yil)📚

1. Tadbirkor - Firuz Alllayev

2. Albert Enshteyn - Serqirra daho

3. Oydin Tunlar - Fyodor Dostoyevskiy

4. Bir varoqli - Marketing Allan Dib

5. Leonardo Da Vinchi - Zamonasidan ilgarilab ketgan aql sohibi

6. O'lik uydan maktublar - Fyodor Dostoyevskiy

7. To'rtinchi sanoat inqilobi - Klaus Shvab

8. Savdo San'ati - Grant Kardon

9. Ivan Ilichning o'limi - Lev Tolstoy

10. Anton Chexov - Qiyshiq Oyna

11. Latte Omili - Devid Bax

12. Iqrornoma Va Sergiy ota - Lev Tolstoy

Telbani o'qib bo'ldim. Ikki - uch kundan beri review yozyapman lekin hali tugagani yo'q. Telba ni review si boshqacha bo'lishi kerak deb o'ylayapman. Asarda unchalik tushunmagan qahramonlarimni rolini qaytadan tushunishga urinyapman. Telbani kuting.

Yanvar oyida hozircha shu. Ancha kerakli va o'qishimiz zarur bo'lgan kitoblarni o'qidik deb hisobladik. Fevral oyini esa ko'proq O'zbek adabiyotiga bag'ishlaymiz deb niyyat qib qo'ydik. Chunki judayam kam bloglar O'zbek adabiyotini yoritib beryapti. Bu oy O'zbek adabiyoti uchun bo'ladi nasib qilsa.

Hurmatli bizning kitobxon oilamiz. Auditoriyamiz biroz kichiklashib qoldi. Iltimos bizni qo'llab quvvatlang. Yaqinlaringizga bizni sahifani ham ulashing. Sizlarni biz juda ham yaxshi ko'ramiz.

Barchaga yoqimli hislar ulashuvchi sizning sevimli sahifangiz : @booklovercouple

​Fyodor Dostoyevskiy - Kambag'allar

Kambag'allar asari Dostoyesvkiy ijodidagi eng tushunish oson va voqealar rivoji unchalik katta bo'lmagan lekin inson ruhiyatini chuqur o'rganishga qaratilgan uning faoliyatidagi birinchi kitobidir. U bu asarni 1846 - yilda yozib tugatgandan so'ng, u yozuvchiga katta shuhrat keltirgan.

Asar ajoyibligi shundaki butun voqealar maktub shaklida yozilgan. Ya'niki asar qahramonlari Makar Devushkin va Varvara Dobroselova o'rtasidagi yozishmalar orqali ularning hayoti, qiyinchiliklari va his-tuyg'ulari aks ettirilgan. Makar Devushkin kambag'al amaldor bo'lib, u Varvara Dobroselovaga bo'lgan muhabbatini va unga yordam berish istagini bildiradi. Varvara esa yosh qiz bo'lib, u ham qashshoqlik va hayotning og'ir sharoitlarida yashaydi. Mana shu kamb'agallikdan , qiyinchilik hayotdan qutilish uchun ham asar oxirida Varvara Dobroselova boy lekin ahloqsiz bir amaldorga turmushga chiqib ketadi.

Kambag'allar va nochor insonlar hayotini deyarli Dostoyevskining barcha asarlarida uchratamiz. Bu roman esa inson ruhiyati va ijtimoiy adolatsizlik mavzularini chuqur o'rganishining boshlanishi hisoblanadi. Jamiyatdagi turli toifadagi barcha insonlar kamb'agal nochorlardan boshlab eng yuqori amaldorlargacha uning kitoblarida mujassamlashgan. Asar oxiri tugashi ham Dostoyevskida siz kutmagan tarzda yakunlashi bilan ham sizni jalb qiladi. Ushbu kitobda ham Varvara Dobroselova butun asar oxirigacha Makar Devushkin bilan maktub yoza - yoza, uni seva turib, baribir tashlab ketadi. Kambag'allikdan qutulish, insonni eng oliy tuyg'ularidan ham voz kechishga undaydi.

Albatta o'qib ko'ring. Ba'zi kanallarda shu kitob haqida "nahotki shu asarni ham Dostoyevskiy yozgan bo'lsa" degan fikrlarga ham ko'zim tushdi. Meni ko'zimda esa bu asar ma'lum bir insonlar toifasi hayotini o'zgacha yoritib bergan falsafiy roman.

Yoqimli mutoola!

🕊 Telegram | 📱 Instagram

​Iqrornoma va Sergiy Ota - Lev Lolstoy

Bu ikki Qissaga birdaniga review yozib ketishga qaror qildik. Sababi ochig'ini aytsam, menga bu qissalar yoqdi lekin o'qimasangiz ham Tosltoyni shu kitoblarini o'qiyolmay qoldim deb hafa bo'lmasangiz bo'laveradi. Bu albatta shaxsiy fikr . Ikki kitobdagi voqealar din va hayot o'rtasidagi falsafiy ma'nolarni tushuntirishga urinadi. Qahramonlar o'zligini topishga urinadi. Nima uchun yashayotganini dindor va dinsiz insonlar qanday hayot kechirishi va shunga o'xshash chuqur mavzularni yoritadi. Albatta biz musulmonlar hayotimiz nima uchunligini bilganimiz uchun men bu ikki kitob balki ozroq hayolingizni chalg'itib qo'yishi mumkin deb o'yladim.

Sergiy ota - Yosh kelajagi porloq Sergiy ismli yigit o'zini umrini rohiblikga bag'ishlab bir umr hayot ma'nosini izlaydi. Umrini rohiblikda o'tkazib tarki dunyo qiladi.

Iqrornomada esa juda chuqur ma'no, dinga chuqur urg'u berilgan. Butun umr davomida asar qahramoni hayot mazmuni nima ekanligi, Hudo bor yoki yo'qligi to'g'risida fikrlar yuritadi. Bosh qahramon umrining oxirigacha insonlarni hayoti hech qanday ma'no anglatmasligi shunday ekan qanday yashash kerak o'zi bu hayotda deya shu savolga javob izlaydi.

Tolstoy asarlarini o'qiyotganlar yozuvchini bu mavzularda fikrlari qanday bo'lganligini bilish uchun kitoblarni o'qib ko'ring. Hajmi ham katta emas.

Hammaga yoqimli mutoola

🕊 Telegram | 📱 Instagram

​"Latte Omili. Moliyaviy mustaqillik va erkin hayot sari - Devid Bax"

Hammamiz hayotimiz davomida bir kunda qancha pul sarflashimizni albatta hisob - kitob qilib ko'rganmiz. Doyimo albatta keraksiz harajatlar uchun ham juda ko'p pul sarflab yuborib, oylikdan - oylikgacha yashaydigan insonlar ko'p. Ushbu kitob oddiy misollar orqali sizning pullaringizni tejab qolib , ularni saqlash orqali siz o'zingiz orzu qilgan moliyaviy mustaqil hayot sari yetaklaydi.

Nima uchun kitob Latte omili deb nomlangan ? bu savol barchani qiziqtirishi turgan gap. Bu nom orqali muallif sizdagi har qanday mayda ko'zga ko'rinmas harajatlarni qisqartirish orqali ulkan natijaga erishish mumkinligini ko'rsatgan. Misol uchun asar qahramoni har kuni bir donadan latte qahvasi sotib olar edi. Keyinchalik u bu odatidan voz kechib Latte pulini jamg'arishni boshlaydi.



Asar syujeti haqida qisqacha :
Siz boysiz lekin o'zingiz bilmaysiz. Asar qahramoni Zoe ismli qiz o'zi gazetada tahrirlovchi lavozimida ishlasa ham hayotidan qoniqmas edi. Orzulari ulkan qiz nahotki hayoti oylikdan - oylikgacha o'tib ketishini o'ylab, bundan qutilish uchun choralar izlay boshlaydi. Ushbu Latte omili nazariyasi esa unga mayda harajatlarini tejab qolish orqali uni moliyaviy mustaqil inson bo'lishga undaydi. Asar eng avvalo kichik kundalik xarajatlar masalan har kuni qahva yoki boshqa kichik narsalarga sarflanadigan pullarning uzoq muddatda qanday katta moliyaviy ta’sir ko’rsatishini ko’rsatadi. Bax bu fikrni kitobdagi asosiy qahramon Zoe— bir nechta moliyaviy muammolarni boshdan kechirayotgan o’rtacha yoshdagi bir insonning misolida tushuntiradi. (Aynan mening yoshimda 27 - yosh) U, o’z hayotida oddiy o’zgarishlar qilsa, qanday qilib o’zining moliyaviy holatini yaxshilab, orzulariga erishish mumkinligini anglaydi. Kitob o’quvchini o’zining moliyaviy kelajagini rejalashtirishga undaydi va har kim o’zining moliyaviy mustaqilligiga erishish uchun katta mablag’ga ega bo’lishi shart emasligini tushuntiradi. Baxning fikricha, kichik o’zgarishlar va qarorlar orqali har bir kishi o’z moliyaviy hayotini yaxshilash imkoniyatiga ega.

Kitob judayam qiziqarli. Menimcha bir o'tiriishda miriqib o'qib tugatib qo'yasiz. Kitobdan minimal hech bo'lmagan taqdirda ortiqcha harajat qilmaslik va kunlik pullaringizni qanday hisob kitob qilishni o'rganasiz. Albatta o'qib ko'ring.

Yoqimli mutoola!

🕊 Telegram | 📱 Instagram

​#review

Anton Chexov “Qiyshiq oyna”

Rus adabiyoti o'zing yorqinligi bilan boshqa adabiyotlardan ajralib turadi. Rus adabiyoti deganda ko'z oldimizga shubhasiz Dostoyevskiy, Chexov, Pushkinlar keladi. Dostoyevki trend bolganda Tolstoyga endi esa Chexov asarlariga murojaat qildim.

Anton Chexovning “Qiyshiq oyna” hikoyasi – qisqa va mazmunli asar bo‘lib, insonlarning his-tuyg‘ularini va hayotiy vaziyatlarni nozik, o‘tkir tahlil qilishda muallifning mahoratini namoyish etadi. Ushbu hikoya o‘zining satirik yo‘nalishi va kishilarni o‘ziga xos tarzda tahlil qilishi bilan ajralib turadi.

Hikoyaning markazida oddiy bir ko‘rinish yotadi: qiyshiq oyna odamlarni o‘z qiyofasini buzib ko‘rsatadi. Bu oyna oddiygina buyum emas, balki metafora sifatida xizmat qiladi – hayotning o‘ziga xos “oynasi”. Bu narsa Chexov uslubining o‘ziga xos xususiyatlaridan biri – kichik detallardan katta hayotiy haqiqatlarni ochib berish san’atini ko‘rsatadi. Oyna orqali Chexov odamlarning o‘z-o‘zini ko‘rishi va boshqalar bilan munosabatlarini o‘zgacha yoritadi.

Asarning asosiy g‘oyasi shundaki, hayotda hamma narsa har doim ham ko‘ringanidek emas. Odamlar ko‘pincha o‘zlarini boshqalarga boshqacha ko‘rsatishga, o‘z xatolarini yashirishga yoki voqealarni bo‘rttirishga intiladilar. Chexov o‘quvchini hayot haqiqatlari ustida mulohaza qilishga chorlaydi: biz haqiqatni qanchalik noto‘g‘ri qabul qilamiz va o‘zimizni o‘zimiz qanday aldaymiz?

Chexovning til uslubi sodda, ammo juda ta’sirli. U qisqa jumlalarda ham chuqur mazmunni etkaza oladi. Dialoglar hayotiy va jonli, ular o‘quvchiga qahramonlarning ichki dunyosini his qilishga yordam beradi. Hikoyadagi qiyshiq oynaning obrazli tasviri esa inson tabiatining murakkabligini va o‘z-o‘zini anglash jarayonining noaniqligini o‘quvchiga chuqur his qildiradi.

Umuman olganda, “Qiyshiq oyna” – bu Chexovning iste’dodini va uning inson tabiatini chuqur tushunishini namoyish qiluvchi asar. Ushbu hikoya o‘quvchiga nafaqat kulgili, balki o‘ylantiruvchi taassurot qoldiradi. Bu asar insoniyatning o‘zini qanday ko‘rishi va hayot haqiqatlarini qay darajada to‘g‘ri qabul qilishi haqida o‘ylashga undaydi.

🕊 Telegram | 📱 Instagram

​"Ivan Ilichning o'limi - Lev Tolstoy"

E'tibor bergan bo'lsangiz hamma kitobga oid kanallarda Dostoyevski trendda bo'layotgani haqida yozishmoqda. Bu yaxshimi yoki yomon mavzusidagi savollarga ham ko'zim tushdi. Bu albatta yaxshi. Kitoblarga mehrni Dostoyevski asarlari uyg'otsa albatta yaxshi. Bu asarlarni o'qigandan so'ng albatta o'quvchi chinakam kitobxonga aylanadi. Rus adabiyotiga chuqur kirib boryapti hamma lekin shu qatorda bu asarlar jahon adabiyoti durdonalari ham hisoblanadi. Eski Rus , Fransuz Jahon adabiyotlarini albatta o'qish kerak. Faqatgina o'zimizning adabiyotni ham unutmagan holatda. Bugun Dostoyevski davrida unga raqobat qilgan klassik yozuvchi Lev Tolstoyning bir ajoyib qissasi haqida yozmoqchimiz. Dostoyevskiy trendda bo'lib turgan bo'lsa, Tolstoy ham bo'lsin.

Ivan Ilichning o'limi. Demak Ivan ilich shaxsiga to'xtalsak, butun umri davomida jamiyatda eng oldi qatorlarda bo'lishni hohlagan, yaxshi davralarda obruli lavozimlarda faoliyat yuritgan shaxs. U kutilmaganda og'ir kasallikga duchor bo'ladi va umrining oxirida o'limini kuta turib butun hayotini sarhisob qiladi. Hayot mazmunini anglashga harakat qiladi. Albatta Tolstoyning har qanday asarlarida jamiyat, din, falsaviy, yaxshilik va yomonlik , ozodlik mavzulari chuqur yoritiladi. Qahramonimiz avvaliga sevib turmush quradi. Ayoli bilan bir yilgina bahtli yashab, keyin to'xtovsiz tortishishlar boshlanadi. Ishidan mahrum bo'ladi. Bir qancha muddat ishsiz yuradi. Hamma ustidan kuladi. Lekin Ivan Ilich o'zining tanish - bilishlari orqali yana lavozimga ko'tariladi. Qimmat uy sotib oladi. Ana endi yaxshi hayotga erishaman degan vaqtda og'ir kasallik uni kundan - kunga o'limga yaqinlashtiradi. Ayolini va farzandlarini ko'rgani ko'zi yoq bo'lib qoladi. Doctorlar tinimsiz tekshiruv o'tkazib ham uni dardiga davo topisha olmaydi. Umrining oxirgi kunlarida u hayot va o'lim o'rtasidagi ichki o'ylarini bayon etadi. Butun umrini bekorga yashab o'tganini anglaydi. Shu Ivan Ilich yotoqga miqlanib qolgandan so'ng, u yuritgan fikrlari qissaning eng ta'sirli nuqtalari... Albatta o'qib ko'ring. Unchalik katta kitob emas. Qissa Tolstoyning eng oxirgi yozgan kitoblaridan hisoblanadi.

Ivan Ilichning : Hayotimda hech qanday maqsad yo‘q, faqat vaqtni o‘tkazib kelganman.” oxirgi so'zlaridan.

Qissada keltirilgan iqtiboslar bilan quyida tanishishingiz mumkin .

🕊 Telegram | 📱 Instagram