Book_universe🪐

Agarki, mendan bir yaxshilik ko’rgan bo’lsangiz, duolaringizda bo’lishni xohlayman!✨ Loyiq ko’rsangiz, albatta!

Duo - bizni qutqaradi!✨

Agarki, mendan sizga bir yomonlik yetgan bo’lsa, buni o’zimga bildiring. Va tuzatish yo’lini topay.

Bir lahza ham umidsizlikka berilmadi. U intilganga tole yor bo’lishini bilardi. Biroq u qidirayotgan, topishga urinayotgan narsa ham imkonsiz narsa edi.

Shunday bo’lsa ham yo’qdan bor qiluvchi Zot borligini anglab turardi.

Taslim bo’lmadi, maqsadidan voz kechmadi!


📚”Men”
🖇️Fotih Duman

Ichidan to’plangan insonning nishoni har doim eng birinchi to’g’ri tegadi!🎯

Bu TIKLANISHdir!✨

Bir necha oylab o'zimni qo'lga ola olmadim. Hech kim sezmadi.

Parchalangan odam faqat boshqarilishga mahkum!

O’z matematikangizni chiqaring:

Siz bir insonga ming parchalanasizmi yoki ming jarayonga bir parchalanasizmi?!

#mythoughts

Atrofga qarang! Yo’l to’la odam. Na siz ularga qiziqsiz, na ular sizga.

Endi ichingizga qarang. Dard bilan to’la! Na ularni yenga olasiz, na unuta olasiz.

Xo’sh, nima qilsin, inson!? Uni nima yashatyapti yana!? Dardlari borku, o’lib qolmayapti lekin shunchasining ichida.

Demak, iloji bor. Demak, bir tuynuk bor. Chiqib ketsa bo’ladi. Faqat hozir topa olmayapsiz, yoki shu siqilishlar ichida hech bir javob ham, yechim ham kelmayapti.

Balki sizning hozirgi ojizligingiz ham bir yechimdir. O’ylab ko’ring.

Dardi kuchlining so'zi kuchli bo'ladi.

O’qing!

Ilm sizni siz xohlagan barcha narsaga erishtiradi!

Bugun 14-fevral “Sevishganlar kuni” ni nishonlamaydiganlar uchun Boburning tug’ilgan kuni😄

“Kitoblar hadya qilish” kuni ham degan gaplar ham bor. Mayli, menga kitob podarka qiling.

Qaysi birini sovg’a qilsam ekan deb qiynalmasligingiz uchun nomini yozib qo’yaman:

“Yashamoq”
“Muqaddima”
“Qur’oni Karim tafsiri”
“6 daqiqa kundaligi”

😁😁😁

Inson odamlardan uzoqlashib, tafakkur qilish uchun yolg’iz qolsa, Allohga yaqinlashadi.

Men esa bunday bo’lishini istamayman, chunki inson Allohga yaqinlashgan sari mendan uzoqlashadi!

*Men - bu nafs

📚”Men” asari
🖇️Fotih Duman

Iloji yo'q dema, hamma narsaning iloji bor.


📚"Men" asari
🖇️Fotih Duman

“Bo’l!” - de Allohim, bo’lsin✨
Men Sening bir ojiz bandangman. Men Sening eng ojiz qulingman. Sen esa mening Rabbimsan! Sen esa Butun Olamlarning Rabbisisan!

Ey, barcha narsaga qodir Al-Qodir Zot! Ey, eng behojat - As-Somad Zot bo’lmish Allohim. Men yana gunohkor holimda sening ostonangdaman. Duolarimni qabul qil, meni ostonangdan haydama!

Yagona umidim Sensan! Yagona najotim ham Sen! Meni o’z holimga tashlab qo’yma! Mayli, butun dunyo mendan yuz o’girsin. Sen yuz o’girma!

Ey, marhamatlilarning marhamatlisi bo’lmish Robbim, mening shu duoga qo’limni ochtirgan ham, dilimdagilarni tilimga ko’chirtirayotgan ham Sen!

Ey, Allohim, ey barcha yaratilmishlarning ko’nglini sultoni bo’lmish Robbim! Ko’nglimdan nimalar o’tayotganini o’zing yaxshi bilasan. Men so’zlamasamda eng birinchi Sen bilasan!

Yo Robbim, dilimdagi niyatlarimni o’zing ijobat qilgin! Payg’ambarlarning zakovati kabi zakovat, avliyolarning fikrlashi kabi aql bergin! Ey Allohim, menga fikrlash nurini bergin! O’zing to’g’ri yo’ldan adashtirmagin!
Ilmimni ziyoda qilgin toki ularni ko’pchilikka o’rgata olay!

Ey barcha narsadan pok Zot, gunohlarimni kechirgin. Yashirin va oshkor gunohlarimni avf et! Tilimni Sening zikring bilan band qil!

Ey, Allohim, huzuringdan haydama! “Bo’l!” - de, bo’lsin.✨

Allohuma amiyn!

#mythoughts

Agar hammasi boshqacha bo’lganda
Agar hammasi men o’ylaganday bo’lganda
Agar hammasi biz istaganday bo’lganda nima bo’lardi.

Balki siz duoga qo’l ochmasdingiz.
Balki siz Ey Allohim deb Unga intilmasdingiz.
Balki haqiqiy umid nimaligini bilmasdingiz.
Balki ixlos nima ekanligini hech qachon tushunmasdingiz.

Agar va balki o’rtasida qolib ketyapmiz ko’pincha. Lekin qarorda sobit tursangiz, balki hammasi so’ngida siz o’ylagandek bo’lar…

Yagona umid Allohdan!
“Bo’l!” - desa hammasi oson va shubhasiz bo’ladi.

#mythoughts

Siz himoyasizligingiz qadar himoyalangansiz. Nega bunday deyapman: biz aytamizku, bo’ldi tamom, man hech kimsiz qolganman. Mani eshitguvchi va yordam berguvchi bir inson yo’q - deymizku.

Aslida, Biz imkonsizligimiz qadar imkonlimiz. Biz himoyasizligimiz qadar Alloh tomonidan himoyalanganmiz.

Buni bugun dars o’tayotgan paytim yanada chuqur angladim. Homilada qon aylanishi - mavzusini tushuntirayotgandim.

Tasavvur qiling, homila naqadar kuchsiz va hatto u kuchli harakat ham qilolmaydi kurashish uchun. Lekin u shunchalik Yaratuvchi tomonidan himoyalanganki, jarayonlar mukammal va tiniq.

Agar siz ham qandaydir ilojsiz bir vaziyatda bo’lsangiz, tushuning, siz ilojsizligingiz qadar himoyaga olingansiz. Hech kimsasizman - demang, U har doim yoningizda va siz har doim Uning himoyasidasiz.

Haq olinur, berilmas