***
Sen bilan birga sigareta
Chekishni xohlayman
Eng baland binoning
Tomi ustida.
Sen tamakini tutatasan
Men esa uning uchquni bilan
O'zimnikini yondiraman
Xuddi seni nigohlaring
Vujudimni kuydirgani kabi.
Senga yoqdi sovg'am-tikanli kaktus,
Unga hiyol qarab, surding xayollar.
Men esa mashinalar shovqinin
eshitardim. Qara, osmonga qanchalik
Yaqinmiz, qanchalar yiroq.
Telefoning jiringladi,
Paganining iblisona kuyi.
Ko'tarmading go'shakni.
Qushlar yerdagidek xurkak
Emas edilar. Go'yo bizdek
O'zlarin yengil his etardilar.
Sen tomning qirrasiga yaqin kelding,
Shubertni men eshitmagan
Qaysidir simfoniyasini qo'yding.
Meni imlab yoningga chaqirding,
Bora olmasdim, qo'rqardim balandlikdan,
O'zligimdan.
Menga qo'l cho'zding,
Uzoqdaliging va past sirpanchog'ligi
Sabab yeta olmadim.
Kutding qayta turishim,
So'zlar aytding ilhombaxsh.
Lekin quloqlarim bitgan edi tom
Axiri, jur'atsizligimdan
Pir bo'ldi xafsalang.
Yerga qarab, quloch ochib
Sakrading...O'zing...
Yelkangdan shu zahot chiqdi
Qanotlar. O'grilib qaramading
Quyoshga teskari uchding-u
Ketding...
Shundan buyon o'sha tomdan
Tushmadim. Xali hamon uning qirrasi
Mening makonim. Sakrasam
Senga yetishimni bilaman,
Kishanlagan lekin qo'rquvim.
Biroq, kutajakman-
Qaytib kelishing.
Umid qilamanki, kaktus gullagan
Tikanlari esa yarador etmagan
Qanotlaringni!

Axtamov A
15.1.24