Blogme.uz | Official

Xayrli eshiklarni ochuvchi kalit

Chiqib boʼlmas va qiyin yoʼllardan faqat bitta kalit yordamida chiqish mumkin.

U shunday kalitki, agar u kalit sizda boʼlsa, butun dunyo sizga qarshi boʼlsa ham baribir oxirida oʼzingiz xohlagan niyatingizga yetasiz.

Lekin, agar bu kalitni yoʼqotsangiz, hamma narsangizni yoʼqotasiz.

Bu kalitga ega insonlar, aslida dunyodagi eng baxtli odamlardir.

Mana shu kalitni mahkam tutsangiz, ikki dunyoda ham sizga xayrli eshiklar ochiladi.

Xulosa qilib aytadigan boʼlsam, bu kalit aslida Allohga boʼlgan ishonch hamda Allohdan umid qilishni oʼzida jamlagan va iymonga bogʼlangan tuygʼudir.

Ishoning, chiqib boʼlmas yoʼllardan va oxiri yoʼq muammolar eshigidan faqat va faqat shu kalit yordamidagina chiqib keta olasiz.

Kalitni mahkam tuting. U orqali siz hayotdagi toʼfon va boʼronlar eshigidan yorugʼ yuz bilan chiqib ketasiz. Bunga aniq ishoning!

@blogme_uz

Aytishlariga qaraganda umidsizlikka tushmay, qancha magʼlub boʼlmay, oxirigacha kurashgan insonlar, xuddi Real Madrid dek soʼnggi daqiqalarda come back qilib, gʼalabaga erishar ekan :)

Shuning uchun ham hayotga real koʼz bilan qarash kerakda.

@blogme_uz

Professional burch haqida

Professional burch oʼzi nima?
Keling avval shuni tushunib olaylik.

Professional burch deganda men ota-onamga bergan vadamda oxirigacha sodiq turib, qancha magʼlub boʼlmay baribir oʼzimda qayta oyoqqa turishda kuch topib, ularni ishonchini oqlashni tushunaman.

Shu kabi burchiga sodiq boʼlib, rekord natijalarga erishgan insonlar qatoriga C. Ronaldo ni kiritish mumkin.

U ichmaydi, chekmaydi va tanasiga tatirovka chizdirmaydi. U sogʼlom turmush tarziga amal qiladi va koʼplab natijalarga erishganda bu yutuqlarini onasi bilan birga nishonlaydi va onasini qadrlaydi.

Oxirgi xulosam shuki, professional burchga sodiqlar ancha uzoqqa boradi. Bu aniq!

@blogme_uz

Aqlli boʼlish kifoya emas, muhimi uni ishlata bilishdir.

✍ Rene Dekart

@blogme_uz

Asl yolg‘izlik - haqqingga hech kimning duo qilmasligidir. Yaxshisi sen, haqqingga duo qiladigan kishilardan ajralma. Shunda zinhor g'am chekmaysan.

✍️ Nabi Yildiz
📚 Ohing Allohga omonat...

@blogme_uz

Yashash shunchaki nafas olish emas. Yashash - bu kurashish, his qilish, yoʻqotish va qayta topishdir.

📚 Yashamoq kitobidan

@blogme_uz

"Oʼqib olim boʼlarmiding" deyishadi koʼpchilik.

Toʼgʼri, oʼqiganlarning hammasi ham olim boʼlavermaydi.

Lekin, shu oʼqiganlariga amal qiladiganlar yaxshi odam boʼladi bir kun kelib.

Maqsad ham shu aslida.

@blogme_uz

Barchasi boshlangan kun

29-yanvar mening hayotimdagi eng muhim va qadrli sanalardan biri hisoblanadi.

Sababi, men aynan 2017-yil 29-yanvar kunida matematika fanidan birinchi marta kursga borib boshlaganman.

Oʼsha paytda 14 yoshli bolaning kelajakda Respublikada oʼqishga kirish koʼrsatkichi boʼyicha TOP 3 ga kirgan NAVDPI akademik litseyida oʼqishi va TATU ning yangi ochilgan Nurafshon filialida tahsil olishi yetti uxlab tushiga ham kirmagan aslida :)

Bunday natijalarga erishishimda menga matematikani sanʼat darajasida oʼrgata olgan Sevara Sadirova ustozimning hissasi katta.

Men uchun Sevara Sadirova ustozimning darajasi xuddi futbol olamida haqiqiy afsonani(C.Ronaldo) tarbiyalay olgan Ser Aleks Fergussonniki kabidir.

Mana shu 8 yilda koʼp narsalarni oʼrgandim. Koʼplab fanlardan bilimlar oldim, yangi doʼstlar orttirdim, bir jamoa boʼlib harakat qilishni oʼrgandim.

@blogme_uz

Cristiano Ronaldoga Real Madrid dan ketish qanchalik qiyin boʼlgan boʼlsa, menga ham universitetni bitirib ketish shunchalik qiyin boʼlsa kerak.

Ayniqsa ahil va kuchli jamoa bilan imtihonlarga tayyorlanib ulardan oʼtish bu shunchaki shedevr!

Ha biz 410-21 telekom guruhimiz bilan shu semestrda universitet tarixini qayta yozdik. Birorta fandan qayta oʼqishga qolmasdan 5ta gʼalaba bilan oʼtdik!

Bu bir necha kishini emas, butun jamoa ning ishi va birgalikda erishgan gʼalaba si desam toʼgʼri boʼladi.

Vaqtlar oʼtib, bizdan ham yaxshi talabalar shu universitetga, xuddi shu yoʼnalishga oʼqishga kirar, ammo lekin baribir biz kabi afsona boʼla olisholmaydi! Bu aniq!

Bu gʼalaba hozircha boshlanishi. Alloh nasib qilsa hali bundanda zoʼr natijalarga erishamiz!

@blogme_uz

Shunday boʼlsa ham doim, ota-onam meni muvaffaqiyatga erishganimni koʼrishlari kerak harakat qilishda davom etaveraman.

@blogme_uz

Qanchalik yaxshi boʼlmay, koʼksimdan itarishgan. Menga ishonishmagan. Meni shunchaki kimdirga chiqarishgan.

Aniqrogʼi, men odamlarning hikoyalari uchun ortiqcha bir personaj boʼlganman xolos.

Odamlarning aytmagan gaplari, qilmagan tuhmatlari qolmagan.

Shuncha dardlarga chidagan bu yurak, yana qancha vaqtga chidaydi bilmadimku :) , lekin men oxirigacha yaxshi inson boʼlishga harakat qilaveraman.

Bu darajada harakat qilishimga, taslim boʼlmasligimga va eng asosiysi yaxshi inson boʼlishga harakat qilishimga asosiy sabab shu mendagi ogʼriqlar boʼlsa kerak.

@blogme_uz

Eng muhimi ozgina boʼlsa ham sizlar uchun foydali boʼlgan boʼlsa boʼldi yozganlarim.

@blogme_uz

Kanalni baʼzida shunchaki oʼchirib yuborgim keladi.

Lekin, shuncha postlarni yozishga ketgan vaqtimga va oʼqigan kitoblarimga achingan holda bunday qilolmayman.

Bu kanal meni kundaligimga aylanib qolgan aniqrogʼi.

Bilaman, biroz zerikarli yoki boshni ogʼritadigan uzun postlar yozaman.

Nima ham derdim, hech kim bu yozgan postlarimga reaksiya bosishga yoki kanalda qolishga majbur emas. Tanlov oʼzingizda.

@blogme_uz

Shunday ulkan koinot sohibining kun tartibida sen borsan, sening kun tartibingdan esa uch qurushlik masalalar o'rin olgan...
Telefoningni yoʼqotsang, besh daqiqada, hamyoningni yo'qotsang oʼn besh daqiqada topishing mumkin, biroq iymoningni yoʼqotib oʼlib ketsang-chi?
Unda nima boʼladi?..

✍️ Mehmet Yildiz
📚 Izlash kitobidan

@blogme_uz

Halol boʼlmagan puldan davlat ham, jamiyat ham hech qachon boy boʼlmaydi

Afsuski, Oʼzbekistonda ham totalizator va qimor oʼyinlari bilan shugʼullanadigan kompaniyalarga yillik soliq toʼlash evaziga ularning faoliyatiga ruxsat berilgani juda ham yomon holat.

Sababi, odamlar koʼp pul topaman deb, nafsga berilib, mana shu oʼyinlarni deb oʼz joniga qasd qilishyapti va oʼzini hamda oilasini kelajagini yoʼq qilishyapti.

Shu oʼyinlardan pul topayotganlar esa mana shu pulni deb oʼlib ketgan odamlarning xarom puliga ega chiqishyapti.

Inson hech qachon qimor oʼyinlaridan boy boʼla olmaydi. Boʼlgan taqdirda ham bu pullar halol emasligicha qoladi.

Qimor oʼynagan emas, uni boshida turganlar va oʼynatganlargina foyda qiladi.

Soʼnggi yillardagi statistikaga qaraydigan boʼlsak, oʼz joniga qasd qilishlarning katta qismining asosiy sababi aynan mana shu totalizator oʼyinlariga toʼgʼri keladi.

Bunaqa oʼyinlarni bizda shunaqangi taqiqlash kerakki, odamlar vpn bilan ham kira olmasin hattoki. Buni oʼynaganlar esa katta jarimaga tortilishi kerak.

Baribir, haloldan rizq topganga yetmaydi.

Bunaqa totalizatorlardan koʼra kelajak kasblarini oʼrganib, hattoki uydan turib ham frilanserlik qilib pul topsa boʼladi (100$ dan 1000$ gacha va undan koʼp ham, tajribaga bogʼliq).

Toʼgʼri, bunga biroz vaqt ketadi, sabr qilish kerak boʼladi.

Lekin, shu vaqt va chiroyli sabrga yarasha Allohdan xayrli yengillik ham keladi albatta!

@blogme_uz

Onam: Qachon ketmaydigan boʼlib kelasan bolam?

Men: 😢

@blogme_uz