Alibaba chakana savdo do'konlarini katta zarar bilan sotdi

Alibaba Group Holding Xitoyning Intime do‘konlar tarmog‘idagi ulushini 7,4 milliard yuan (taxminan $1 mlrd) evaziga sotmoqda, bu esa kompaniyaga 9,3 milliard yuan zarar keltirdi. Bu haqida Forbes yozmoqda.

Reuters ta'kidlashicha, 2017-yilda Alibaba Intime tarmog‘ini 2,6 milliard dollarga sotib olgan edi.

Bu sotuv Alibaba'ning o‘z e'tiborini asosiy e-tijorat faoliyatiga qaratish maqsadidagi qayta tuzilish jarayonining bir qismi hisoblanadi.

Shuningdek, kompaniya o‘zining mahalliy va xalqaro e-tijorat platformalarini birlashtirishni rejalashtirmoqda, chunki Pinduoduo va Temu kabi raqobatchilar arzon narxlar bilan xaridorlarni jalb qilmoqda.

Alibaba, shuningdek, Freshippo va RT-Mart kabi boshqa chakana savdo aktivlarini ham sotishni ko‘zlamoqda.

Kompaniya asoschisi Jek Ma ushbu qayta tuzilish harakatlarini qo‘llab-quvvatlab, o‘tgan xatolarni tan olgan.

Intime do‘konlari — bu Xitoydagi yuqori darajadagi chakana savdo tarmog‘i bo‘lib, asosan hashamatli brendlar va yuqori sifatli mahsulotlarni sotishga ixtisoslashgan savdo markazlaridan iborat. Intime Mall yoki Intime Retail deb ataluvchi ushbu tarmoq, moda, aksessuarlar, uy jihozlari va boshqa turdagi mahsulotlarni taklif qiladi.

Telegram I Instagram I Veb-sayt