***

Atirgul bargidek alvon yuragim,
Hasratning toshlari to'sdi yo'limni.
Men bugun o‘zimdan seni so‘radim,
Taqdirga uzatsam tutmas qo‘limni


Nahot bari oson topmoqda yakun
Muhabbatning qadri qachon yo‘q bo‘ldi,
Sendan so'ramoqqa savollarim jo‘n
Afsus, kurashmoqqa bardoshim to‘ldi.


Qoshlaring dorida uzilsa jonim,
Mayli devonadek o‘tsa giryonim
Ayriliq yo‘lidan qaytolmay netay
Sening ishqing deya kechsa har onim


Kunduzlar tovonim tiladi yo'llar
Tunlari yuragim sen deb so‘ylar
"Unutdi" deysanku bir kun ehtimol
Unutma, noming ila aylanar tillar.


Netay yurak qurg‘ur to‘xtamas hech ham,
Armonim qoldirdi dunyo biri kam,
Mening bir orzuyim baxt edi, ammo
Firoq ikkimizni siyladi bekam.


©️Baxtiyor qizi

#something