Prezidentimizning tegishli qarori bilan ichki turizmni rivojlantirish hamda yoshlarning qishki ta’til kunlarini mazmunli o‘tkazish maqsadida har yili yanvar oyining birinchi o‘n kunligida “Yoshlar turizmi haftaligi” tashkil etilishi belgilangan. Mazkur haftalik doirasida Surxondaryo viloyati Turizm boshqarmasi tashabbusi bilan vohamizning iqtidorli va faol o‘quvchi yoshlari uchun Samarqand shahriga sayohat tashkil etildi.

Sayohat davomida ishtirokchilar Samarqandning boy tarixiy merosi, qadimiy obidalari va zamonaviy inshootlari bilan yaqindan tanishdilar. Yoshlar Registon majmuasi, Shohi Zinda yodgorlik majmuasi, Ulug‘bek rasadxonasi kabi diqqatga sazovor joylarni ziyorat qilib, tarixiy ma’lumotlarga ega bo‘lishdi.

Ushbu tashabbus yoshlar ongida milliy qadriyatlarni targ‘ib qilish, tarixiy va madaniy merosga bo‘lgan qiziqishni oshirish hamda vatanparvarlik ruhini mustahkamlashga xizmat qiladi.

Surxondaryo.uz | Telegram | Facebook | Instagram | YouTube | X