Fuqarolar o‘rtasida targ‘ibot tadbirlari davom etmoqda.

🗣Barchamizga ma’lum 05.08.2024-yilda fuqaro va tadbirkorlar tomonidan uzoq yillar mobaynida kutilgan hujjat, O‘zbekiston Respublikasining 937-sonli qonuni imzolandi va Qonun 2024-yilning 8-noyabridan kuchga kirganligi munosabati bilan viloyatimizning barcha tuman, shaharlarida xatlov ishlari boshlab yuborildi.

🟢 Qonun ijrosi yuzasidan xatlov ishlari bilan bir qatorda yangi qabul qilingan Qonunning mazmun-mohiyati, Qonun bilan fuqaro va tadbirkorlarga yaratilgan qulayliklar, xatlov jarayonlarida fuqarolar tomonidan e’tibor qaratilishi lozim bo‘lgan jihatlar yuzasidan tushuntirish, targ‘ibot tadbirlari o‘tkazilib kelinmoqda.

🟢Ana shunday tadbirlarning yana biri Izboskan tumanining Anorzor mahallasi fuqarolari uchun tashkillashtirildi. Tuman prokuraturasi hamkorligida o‘tkazilgan targ‘ibot tushuntirish tadbiri davomida Davlat kadastrlari palatasi Izboskan tumani filiali rahbari Farxodbek Mirzakosimov tomonidan Qonun ijrosi yuzasidan amalga oshirilayotgan ishlar, belgilangan vazifalar yuzasidan ma’lumotlar berildi.

🟢Tadbir yakunida fuqarolar Qonun ijrosi yuzasidan o‘zlarini qiziqtirgan barcha savollariga batafsil javoblar olishdi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube