Алишер Абдухамидов

Охирги вақтларда “Ўзбекистонни хитойликлар босиб оляпти” деган пост, видео ва подсастлар кўпайди. Ҳамма ростан хитойликлар кўпайди бирдан деяпти.

Биринчидан, хитойликлар бирдан кўпайиб кетгани йўқ. Шунчаки, ўзбек медиасида бирдан ҳамма шу мавзуга эътибор қаратди. Бу аслида ёмон иш эмас, журналистларнинг вазифаси мавзу кўтариш. Аммо мавзу пиарга айланиб кетяпти.

Хитойликлар, масалан, 10 йил олдин ҳам бизда тез -тез учраб турарди. Қандим, Қоравулбозор ва Бухородаги бошқа йирик заводларда улар анчадан бери ишлайди.

Иккинчидан, бу глобализация. Одамлар бир давлатдан бошқасига боради, ишлайди, инвэцитсия киритади. Ўзбеклар ҳам Германия, Россия, Кореяга бориб ишлаяпти. Шундай десам бир яқин одам “ўзбек ишчилар билан, хитойликларни солиштириб бўладими, улар бизни давлатга келиб, бизни ишлатяпти” деди. Умуман олганда ҳа, фарқ нисбий.

Қолаверса, Хитойда ҳам немислар, америкаликлар келиб, завод қуриб, хитойликларни ишлатяпти. Яқинда Wolkswagen концерни Германиядаги барча заводларини Хитойга кўчиришга қарор қилди. Тесла ҳам асосан Хитойда ишлаб чиқариш амалга оширади. Бундайлар кўп. Хитойликлар “немислар мамлакатимизни эгаллаб, бизни қул қиляпти” дегани йўқ.

Учинчидан, нима қилиш керак? Ёппасига ҳайдаш керакми? Трамп ва Путин каби чет элликларни ҳар кўйга солиш яхши амалиётми?

Хитойликлар кўпайётган бўлса, балансни сақлаш керак. Унга муқобил ҳинд, европа, америка инвестициясини жалб қилиш лозим. Тўғри, улар осонликка келмайди. Чунки бизда уларнинг ишончини йўқотувчи бир қатор ишлар содир бўлди. Буни 2024-йилда инвестиция киритиш ҳажми олдинги йилга қараганда ярмига камайгани ҳам исботлаб турибди.

Хитой билан эса ҳазиллашиб бўлмайди. Ҳукумат бошқалар билан ҳам ҳазиллашишга йўл қўймаса ҳаммаси маромида кетади. Лэкин ҳеч қачон миграцияни чеклаб, бутун бир миллатни душманга айлантириш тўғри қарор бўлмайди.

@пан дипломат

https://t.me/alisher_abduhamidov

Мол-дунёни ўз ўрнида сарфла, уни ўзингдан бошқалар учун тўплаб юрма.

«Унванул байан» китобидан.

https://t.me/alisher_abduhamidov

Шайтоннинг инсонга қўядиган энг биринчи тузоғи унинг тилини зикрдан тўхтатишдир. Агар тил боғлаб, чеклаб қўйилса, инсон танасининг асосий қисмлари шайтонга таслим бўлади.

«Уларни шайтон эгаллаб олиб, уларга Аллоҳни эслашни унуттирди»

(Мужодала сураси, 19 оят)

arabicuz

https://t.me/alisher_abduhamidov

Аҳнаф айтди:

«Ўзига зулм қилган киши ўзгаларга бундан-да золимроқ бўлади. Динини яксон қилган киши шарафини ундан-да ортиқроқ яксон этувчи бўлади».

«Унванул байан» китобидан.

https://t.me/alisher_abduhamidov

Намоз ва рўза қандай фарз бўлса, худди шундай қалбдан кибр, ҳасад, ҳирсни йўқотиш ҳам вожибдир.

Абул Ҳасан Ҳарақоний

https://t.me/alisher_abduhamidov

Нафсимдан ҳам кўра муолажаси менга оғирроқ нарса бўлмади. Бир марта ғалаба қилсам, бошқа сафар мағлуб бўлардим.

Суфён Саврий раҳимаҳуллоҳ

https://t.me/alisher_abduhamidov

Имом Шофеъий айтдилар:

«Ким Қуръонни ўрганса, қадру қиммати ошади.
Ким фиқҳни ўрганса, шаъни юксалади.
Ким ҳадисни ёзиб олса, ҳужжати кучаяди.
Ким ҳисобни ўрганса, фикри равонлашади.
Ким араб тилини ўрганса, табиати мулойимлашади.
Ким ўз нафсини (шаҳват ва гуноҳлардан) эҳтиёт қилмаса, амали наф бермайди.

https://t.me/alisher_abduhamidov

Атрофингизга эътиборли бўлинг.

Атрофингиз сизнинг тамойилларингиз, одатларингиз ва идеалларингизга мос бўлиши керак.

Ақлли инсон ҳеч қачон ўз атрофида “қон сўрувчилар” ва ҳиссий “вампирлар” тўпланишига йўл қўймайди. Уларни енгил бир ҳаракат ёки кескин сўз билан узоқлаштиради. Унинг муҳити эътибор билан танланган. Бу – шахсий элита. Унга фақат ривожланишга туртки берадиган ва қўллаб-қувватлайдиганлар киради.

У ҳеч қачон ўзини пастга тортувчилар билан бирга бўлмайди. Унинг даражани ушлаб қолиш жуда муҳим ва бунинг учун уни кибр ва сноубизмда айблашса ҳам, ўз ҳаётини ҳамманинг манфаатига бағишлашни истамасликда айблашса ҳам, унинг иши йўқ.

bektoshkhatamov

https://t.me/alisher_abduhamidov

Қалб юмшоқлиги зикрдан юзага келади. Чунки Аллоҳнинг зикри қалбда қўрқув, ислоҳ ва юмшоқликни вожиб қилади. Ҳамда ундан ғафлатни кетказади.

Ибн Ражаб Ҳанбалий

https://t.me/alisher_abduhamidov

Тасаввуф қалбни фақатгина Аллоҳга йўналтирмоқ ва Аллоҳдан бошқа нарсалардан кўнгилни мутлақо узмоқлик демакдир.

Ибн Халдун роҳимаҳуллоҳ

https://t.me/alisher_abduhamidov

Инсон машғул бўладиган энг афзал ибодат – илм талаб қилиш, ўрганишдир.

Шайх Муҳаммад Ҳасан Деду.

https://t.me/alisher_abduhamidov

Агар таҳажжуднинг бир лаҳзасини Нуҳ умри ва Сулаймон мулки баробарига сотсам ҳам, зиён қилган бўлардим.

Ибн Жавзий роҳимаҳуллоҳ

https://t.me/alisher_abduhamidov

Абдулвоҳид ибн Одам ат-Тавовисий айтадилар:

Мен тушимда Расулуллоҳ саллаллоҳу алайҳи васалламни кўрдим. У киши бир жамоат саҳобалари билан турган эдилар. Мен у кишига салом бердим, у зот алик олдилар. Мен: Ё Расулуллоҳ! Бу ерда нега турибсиз?-деб сўрадим. У зот саллаллоҳу алайҳи васаллам: Муҳаммад ибн Исмоил Бухорийни кутиб турибман, дедилар. Бир неча кундан кейин Имом Бухорийнинг вафот этганлиги ҳақидаги хабарни эшитдим. Ўйлаб қарасам, мен Расулуллоҳни тушимда кўрган вақтга тўғри келди.

(Сияру аъламун нубало - Шамсуддин Заҳабий).

https://t.me/alisher_abduhamidov

Тушкунлик қондаги кортизол миқдорининг камайиб кетишига олиб келади, ғазаб эса қонда адреналин ва тироксин миқдорининг кескин ошишига сабаб бўлади. Агар инсон қаттиқ ғазабланиш, ташвиш, уйқусизлик ва тушкунлик ҳолатига тушса, у осонгина ошқозон яраси, диабет, ичакларнинг қисқариши, қалқонсимон без касалликлари ва юрак хуружи каби касалликларнинг қурбонига айланади. Бу касалликларнинг ягона давоси эса, меҳр-муҳаббат кўрсатиш, хушҳоллик кайфиятини уйғотиш, кенгбағрлик ва софдилликдир.

Мустафо Маҳмуднинг "Сирлар олами" китобидан.

https://t.me/alisher_abduhamidov

Гитлер — Муаллим

Гитлер, Сталин ва яна кўплаб диктаторларнинг инсонларни бошқариш услублари ҳақида ҳужжатли фильм кўриб чиқдим.

Барча ёвуз даҳолар ўз халқини бошқариш учун — террор, қатл қилиш, ОАВʼни ишлатишларидан хабарим бор эди.

Аммо инсонларни бошқаришдаги бир ҳийла менга янгилик бўлди — бошқа давлатга қарши уруш бошлаш.

Бир кўринишдан бир-бирига зид бўлган ғояга ўхшаб кўринади.

Лекин қачонки бир давлат бошқа юрт билан уришар экан, инсонлар ичидаги негатив энергиясинини золим раҳбарларга эмас, балки мамлакат ташқарисига тўкиб сочади.

Бунданда манфаатлиси — умумий мақсадларга эришиш учун халқ бирлашишга мажбур бўлиб, улар орасидаги бўлиниш ва адоватга ҳам чек қўйилади.

Энг яхши ҳимоя бу — ҳужум.

Натижада, диктаторларга қарши исёнлар олди олинади.

Бундан ташқари, уруш ва қийинчилик мамлакат аҳолисини бирлаштиришга ҳам ёрдам беради.

Яъни аввал уришиб юрган душманлар — уруш вақтида бир-бирига елкадош бўлиб, аҳил дўстга айланади.

Қиссадан устозлар учун ҳисса:

Вақти-вақти билан синфлараро мусобақалар ташкил қилиб туринг:

1. Ўқувчилар ичидаги салбий энергияни мусобақада чиқариб юборади;
2. Синф ўқувчилари орасида бирдамлик ва аҳилликка сабабчи бўлади.

Ustoz_kundaligi

https://t.me/alisher_abduhamidov

Муоз Жуҳаний розияллоҳу анҳудан ривоят қилинади:

“Бир киши Расулуллоҳ соллаллоҳу алайҳи ва салламдан сўради:
“Қайси мужоҳидларнинг даражаси энг баланд?” Расулуллоҳ соллаллоҳу алайҳи ва саллам: “Аллоҳни кўп зикр қилувчиларнинг”, дедилар.
Яна сўради: “Рўзадорларнинг энг кўп савоб оладиганлари қайси?” Расулуллоҳ соллаллоҳу алайҳи ва саллам: “Аллоҳни кўп зикр қилувчилари”, дедилар.
Сўнг ўша киши намоз, закот, ҳаж ва садақа ҳақида сўради.
Расулуллоҳ соллаллоҳу алайҳи ва саллам ҳар бир саволга: “Аллоҳни кўп зикр қилувчилари”, деб жавоб бердилар.
Абу Бакр розияллоҳу анҳу Умар розияллоҳу анҳуга: “Аллоҳни зикр қилувчилар ҳар бир ишда ўзлари билан яхшиликни олиб кетдилар”, деди. Расулуллоҳ соллаллоҳу алайҳи ва саллам: “Ана шундай”, дедилар.

https://t.me/alisher_abduhamidov

«Дунё ва охират севгиси, бир қалбда жамланмайди»

Маъруф Кархий

https://t.me/alisher_abduhamidov

Ибн Ражаб дедилар:

«Ҳомиладор аёл ой-куни тўлиб, кўзи ёришини кутиб тургани каби, сочига оқ тушган одам ҳам ўлимини кутиб турган ҳисобланади. Шундай бўлишига қарамай гуноҳда бардавом бўлиши нақадар хунук».

“Латоифул маъориф”.

https://t.me/alisher_abduhamidov

Ибн Аббос ва Қатода розияллоҳу анҳумо айтади:

“Гиёҳларнинг ердан униб чиқиши, дарахтларнинг кўкариб, гуллаб мева қилиши, полиз маҳсулотлари ва ҳоказолар инсонларнинг саъй-ҳаракати, жидду жаҳди, куч-қуввати ва талаби билан эмас, балки Аллоҳ таолонинг раҳмати ила ҳосил бўлади”.

https://t.me/alisher_abduhamidov