dilm

***

she'rlarga aldanib qolma
agar u she'r yozishni bilsa.
gullarga aldanib qolma,
u hammaga gul beradi!
"o, gul sotiladi-a?"
aldanib qolma,
gaplarga aldanib qolma
u hammaga gapiradi
u gapga usta
tabassumiga aldanib qolma
u kulishni biladi
u inson kulishni biladi
mehriga aldanib qolma
"o, u mehribon!"
u mehribon!
u hammaga mehr beradi.
u hammaga mehr beradi.
sevgisiga aldanib qolma,
muhabbatiga aldanib qolma
"inson sevaveradi-da,
nima qilsin boshqa"
aldanib qolma...

iloji bo'lsa, ishonma umuman.
ishongan bo'lsang, endi aldanib qolma...

sen esa she'r yozma boshqa,
gul berma,
joyingda o'tir.

dunyo aybdor bo'lmasin,
sen sevma,
sen esa aldanib qolma.

bilganingni qilinglar.

she'r yozma,
boshqa nima qiladi yana.

aldanib qolma,
nega ishonding.

insonlar nima qiladi endi...
bilganingni qilinglar.

@ahmadali_writer
2024

***

seni
takror-takror ko'rib
nega endi
seni bir ko'rishda sevmadim
deb o'ylamoqdaman.

***

"yordam beraymi?"
degan so'z qutqaradi insonni.
"yordam beraymi?.."
men yig'lagim keladi bu so'zni o'qisam,
men tushungan eng tushunarli so'z bu.
qayerda eding?
avvalroq qayerda eding?
demayman,
seni kutganimni aytmayman,
men indamayman,
ayt:
"yordam beraymi?"

sen yomon eding,
xato eding,
agar,
koshki
hech yo'qsa,
demaysan,
indamaysan,
faqat
"yordam beraymi?"
deysan.

ikkimiz haqimizda shular:
men yig'layman,
sen esa yordam berasan.

@ahmadali_writer
2024

***

bir-birimizni
yaxshi ko'rishimizni qara!
men buni
suratga muhrlagim keladi.
kim bilsin...

***

bir-birimizni
yarim gapimizdan tushunadigan
odamlar...
so'nggi gaping
yig'lab, bosh silkish bo'ldi.

***

sevgi faqat ikki kishiga kerakmi?
nega hammani rozi qilging keladi...
sevgi -
ikki kishiga kerak!
o, bu endi kurash
bu endi jang
hammadan so'rab chiq
bitta-bitta
ahmoqlar!
sevgi -
endi ikki kishiga kerak-ku,
azizim!
sevgi
endi ikki kishiga kerak!
nega hamma norozi bo'ladi?
nega hamma o'z gapini aytadi sevgida?
"sudyalar o'zi kim?"*
"ota-onalar o'zi kim?"
nega hamma manfaatini o'ylaydi...
yo'q, bu oddiy she'r emas
huddi sening sevgingga o'xshagan
yo'q, yo'q
bu oddiy she'r emas
sening sevgingga o'xshagan
mening she'rim boshqa
mening sevgim boshqa
"ota-onalar o'zi kim?"
sevgi nechi kishiga kerak?
dunyo sevgisiz qoldi-ku, azizim!
dunyo sevgiga kerak bo'ldimi?
yo'q, yo'q
bu oddiy savollar emas
sevgi nechi kishiga kerak?
faqat ikki kishigami?
sen va menga...
yo'q, yo'q
faqat bir kishi qoldi.

@ahmadali_writer
2024

(*Александр Грибоедов, Горе от ума)

***

men siqilmayman baribir,
onam bor,
otam bor,
hammasi yaxshi
hammasi joyida
men vergul qo'yishni bilaman
kichkina harfda yozaman
tez orada o'chirib yuboradigan
kanalim bor.

men siqilmayman baribir,
opam bor,
jiyanlarim bor,
hammasi yaxshi
hammasi joyida
men vergul qo'yishni bilaman
kanalim bor
ichida odamlari bor.

men siqilmayman baribir,
ertaga o'g'limni ko'raman
u xursand bo'ladi
men vergulni bilaman
men vergulni yomon ko'raman
men nuqtani yomon ko'raman
nega men imlo xato qilmayman?
haqqim yo'qmi?
bor-ku,
haqqim,
bor-ku...

men siqilmayman baribir,
kanalimda sen borsan.

siqilayotib,
oxiri shuni o'ylayman,
kanalimda sen borsan.

@ahmadali_writer
2024

***

men ko'p narsani bilmayman.

men dunyoni bilmayman,
fanni bilmayman,
o'qimaganman -
maktabga kam borganman.

men urushni bilmayman,
jangni bilmayman,
qurol nomlarini
pichoq ishlatishni ham bilmasam kerak

men hayvonlarni bilmayman
o'simlikni bilmayman
havo nega issiq
nega sovuq
yaxshi bilmayman

dunyoni bilmayman xullas -
qayerga borish
qayerda qolish...
tavba, inson shuncha ham
sodda bo'ladimi?

insonlar esimda emas,
so'zlar esimda emas,
insonlarni bilmayman,
chehralarni bilmayman,
kim nima degan esimda yo'q
kecha qo'shnimni ko'rib
kim edi, deb eslab turibman

nega men xotiramni bilmayman?
nega men eslab qolishim kerak?
nega men dunyoni bilishim kerak?

men dunyoni bilmayman,
men seni yaxshi ko'rishimni bilaman, xolos

qolgani esimda yo'q.

@ahmadali_writer
2024

***

sen katta bo'lishing kerak
ajrashgan odaming bilan
oddiy salomlashish
farzanding haqida gaplashish
oddiy gaplashish
sen mudom yig'lab yubormaysan
sen oddiysan!
sen katta bo'lishing kerak
endi uning gaplari
senga oddiy
"u o'zi shunaqa edi"
sen katta bo'lishing kerak
insonlarni boricha qabul qilishing
urushyaptimi
jahl qilyaptimi
yoki o'zi shunaqamidi
fe'li shunaqamidi
sen katta bo'lishing kerak
ajrashgan odaming bilan
oddiy salomlashish
ko'p yil yashagan odaming bilan
oddiy salomlashish
begonalardek salomlashish
sen katta bo'lishing kerak.

@ahmadali_writer
2024

***

xotirada faqat
yaxshi narsalar qoladi, deyishadi,
men nega
sen bilan o'tgan
baxtsiz kunlarni ham eslayman?

***

men bilan yig'lashni
qayerdan o'rganding?
bunga rozi bo'lmay
ko'z yoshingni
artib qo'yaman.

@ahmadali_writer
2024

***

sen ketishni o'ylaysan
kimdir she'r o'qiydi
kimdir so'z yozadi
sen esa ketishni o'ylaysan

qayoqqa?
qaniydi bilsang,
bilsang allaqachon ketgan bo'larding,
toqqami,
o'rmongami,
uzoq-uzoqqa...

men doim rost gapirishni yaxshi ko'raman
mana men senga aytyapman-ku azizim
"men yana ketishni o'yladim"
endi ketsam
meni sendan so'rashadi

endi ketsam
meni sendan so'rashadi
demak, men sen bilan ketmagan bo'laman

demak, yana qaytib kelaman qachondir.

@ahmadali_writer
2024

***

men senga siyosat ishlatgim kelmaydi
shundanmi
senga doim tabassum qilaman.

men siyosat ishlatgim kelmaydi
sen nima desang
shuni javob beraman
sen nima desang
shunga qarab savol yozaman.

men senga siyosat ishlatgim kelmaydi
men axir hech narsa qilganim yo'q-ku!

nega men hech narsa qilmadim?
men siyosat ishlatgim kelmaydi...

men sening hayotingni qurmadim
men sening hayotingni buzmadim
men baxtli qilmadim
baxtli qilmadim

men siyosat ishlatgim kelmaydi...
sen meni aybla
yuzimga tarsaki ur
menga tushuntir
hayotni menga tushuntir
hamma tushungan narsani menga tushuntir
men nega seni baxtli qilmaganimni menga tushuntir
men nega baxtli bo'lmaganimni menga tushuntir

men siyosat ishlatgim kelmaydi
men senga siyosat ishlatgim kelmaydi

men seni yaxshi ko'raman.

@ahmadali_writer
2024

***

inson ber menga!
inson ber!
yo'q, insonni yaxshi ko'rsa bo'ladi
tushunsa bo'ladi insonni
eshitsa bo'ladi
ko'zlariga qarasa bo'ladi
yonida o'tirsa bo'ladi
yo'q, yonida jim o'tirsa bo'ladi
unga savol bermasa ham bo'ladi -
inson bilmaslikka haqqi bor!
sen ham bilmaysan,
sen axir uning yonida o'tiribsan-ku

yo'q, insonni quchoqlasa bo'ladi
bag'ringga bosib
uning isini sezsa bo'ladi

inson ber menga,
inson ber, dedim
inson ber menga!

uning jim turishiga qarab tursa bo'ladi
uning tabassumiga
bekorchi narsalarga xaholab kulishini qara!
oh inson,
inson ber menga!
men inson bilan birga kulmoqchiman
insonga hazillarim bor
insondan hazil eshitmoqchiman

insonning hotirjamligini qara
topgan pulini yoqib
isinib o'tirishini qara!
inson ber menga,
tog'dan olov otilsa
men u bilan hotirjam qolmoqchiman
hotirjam o'tirmoqchiman

inson ber menga!
ko'zining nuri ketadigan inson
qo'l-oyog'i sinadigan inson
boshi yoriladigan inson
zirapcha kiradigan inson
esidan chiqib qolib
onasining tug'ilgan kunini eslaydigan inson

inson ber menga!
yer chopadigan
piyoda yuradigan
buzilgan narsalarni tuzatadigan inson

gapirishni o'ylaydigan inson
gapirishdan qo'rqib qolgan inson
tili borligini unutgan inson
gap o'rniga tabassum qiladigan inson

inson ber menga
faqat inson ber menga .

@ahmadali_writer
2024

***

seni baxtli qilaman!
deb aytgim kelmagandi
o'shanda,
aytmay baxtli qilmoqchi edim,
ko'rmaysanmi.

@ahmadali_writer
2024

***

hech bo'lmasa
mushugim meni yaxshi ko'rsin, deb
mushuk boqib oldim.

@ahmadali_writer
2024

***

bir qarashda bilinmaydi sevgi
bir qarashda bilinmaydi

sen kechqurun uyquga yotib
bilib qolasan

yolg'iz qolganingda
qorning ochganida
havo toza payti
qushlar sayrasa
havo iliq bo'lib tursa

ko'chaga chiqib ketging kelsa
baqirging kelsa tog'larga qarab
hech kim senga qo'ng'iroq qilmasa
hech kim sovg'a bermasa

tabriklamasa biror bayram bilan
xayrli tong tilamasa
bekordan bekor bo'lsin
senga xabar yozmasa

birdan bilinmaydi sevgi
kechqurun uyquga yotib
bilib qolasan
kechqurun uyquga yolg'iz yotib.

@ahmadali_writer
2024

***

yo'q, mening yuragim g'alati
men qo'rqaman

go'yo, senga hamma narsa bo'ladigandek
go'yo, senga hamma narsa bo'ladigandek

men o'zimni ovutaman,
go'yo
senga hech nima bo'lmaydi

ammo, bo'lsa nima?
senga nimadir bo'lsa, nima?
senga nimadir bo'lsa nima qipti? -

men o'zimni shunday ovutaman,
bu yurak joyida turmaydiganga o'xshaydi

yo'q, mening yuragim g'alati
men o'zimni ovutishni qayerdan o'rgandim?

menga baribirlikni qayerdan o'rgandim?
menga baribirmi?
mening yuragim g'alati.

go'yo, senga hamma narsa bo'ladi
go'yo, senga hech narsa bo'lmaydi

menda faqat sen bordek
yo'qotadiganim faqat sendek

go'yo, hamma narsamni yo'qotishga
oldindan tayyorlanib qo'ygandek...

yo'q, mening yuragim g'alati
yig'lab olishim kerak
go'yo, senga hamma narsa bo'ladigandek.

@ahmadali_writer
2024

***

ketayotganlargina
iliq xayrlashadi.
kun oxirida
sen bilan
yaxshi xayrlashmadim.

@ahmadali_writer
2024

***

achchiq choyni o'zim damlay olaman
bu menga oson
suvni olaman
qaynataman
choyga asta quyib turaman
achchiq choy...

kir yuvish ham menga ish emas
nima bo'pti kir yuvish

yaqinda uy supurdim
supurgini suvga botirib
silkitib
bir chetdan supurdim
toza bo'ldi.

ovqatmi?
oh, ovqat...
men oshni sendan shirin pishirsam kerak,
qozonkabobni boplayman.
shirinliklarni aytmasa ham bo'ladi,
men shirinlik zavodida
ikki yil ishladim.

unda sen menga nega keraksan?
ovqatni o'zim pishirsam,
uy supursam,
choyni o'zim damlasam

sen menga nega keraksan?
men o'zimni sevmadim.

@ahmadali_writer
2024