أفكار

#

— Nega baʼzan bizga hech qachon yomonlik tilamagan, qalbdan chuqur joy olgan insonlarimiz bilan xayrlashishimizga toʼgʼri keladi?

— Taqdirdan. Barchasi Allohning irodasi. Muqaddas kitobimizda yoziladi: "Ehtimol, siz bir narsani yoqtirarsiz-u, lekin u siz uchun yomon bo‘lishi mumkin. Yoki bir narsani yomon ko‘rarsiz, lekin u siz uchun yaxshidir. Alloh biladi, siz esa bilmassiz" (Baqara, 216)

Chuqurroq tahlil qiladigan boʼlsak, hayotimizga kirgan har bir inson, hattoki yoʼlda uchratgan har bir notanish kimsa bizga biror belgi yoki saboq bilan keladi. Yoki esa biz ularga... Oʼz vazifasini bajargach, albatta, yana oʼz yoʼlida davom etadi. Xuddi egri-bugri chiziqlardek. Baʼzan kesishadi, baʼzan ustma-ust tushadi, keyin ajraladi... Biz bundan saboq olishimiz kerak, xolos. Taqdirimizni oʼzgartira olmaymiz. Rozilik va qanoat bilan sakiynatga erishiladi...

— Xoʼsh, bunday paytda nima qilish kerak?!

— Aniq bilmayman... Lekin... men yigʼlayman. Ichimga yutmayman. ...yigʼlasam, fikrim teranlashadi. Vaziyatni tahlil qilishim oson boʼladi. Oʼzimga kelgach, "Yaratganga isyon qilib qoʼymadimmikin?" deb istigʼfor qilaman. Alamli koʼz yoshlar bilan kimgadir aytgim, yozgim keladi. Lekin koʼpincha ular sir boʼlib qoladi. Shunisi yaxshi...

#parcha

Paygʼambarimiz Muhammad alayhissalom Aziz va Jabbor (istaganini qildirishga qodir) Robbiga yuksaltirilib, yaqinlashtirildi. Barcha ovozlar toʼxtadi. Alloh taoloning: "Qoʼrqma, ey Muhammad! Yaqinlash!" degan ovozi eshitildi. Nihoyat, hech bir kishi hech qachon erisha olmagan yaqinlik maqomiga, Ilohiy Huzurga, Ilohiy Ikrom va Ilohiy Ehsonga noil boʼldi. Robbini koʼrdi.
Alloh taolo Meʼroj kechasida Paygʼambar alayhissalomga vahiy qilmoqchi boʼlganini Oʼzi istagan shaklda vahiy etdi.

📖 Paygʻambarlar tarixi

*🥹Jannatda Robbimizning Jamolini koʼrish nasib qilsin

Erta turishning siri erta uxlashdir...

#misra

Odamiy ersang, demagil odamiy,
Onikim yoʼq xalq gʼami, din gʼami.

©️ Alisher Navoiy

Bugun turkiy til asoschisi Nizomiddin Mir Alisher Navoiy bobomizning 584 yilligi nishonlanibdi.

Bugun yakshanba. Har yakshanba onajonimdan shunday xabar keladi:

"Yakshanba muvaffaqiyatli insonlar uchun imkoniyatdir. Shohsupaning tepasidan har doim eng koʼp harakat qilganlar joy oladi. Yakshanbangni uyquga va foydasiz narsalarga boy berma!"

Hech qachon tavba qilishdan bosh tortmang, hatto o'sha bir gunohni takror qilsangiz ham. Kiyimlaringiz har gal kirlanganda yuvmaysizmi? Gunohlar ham huddi shunday, har bir gunoh qilganingizda tavba qiling va Allohdan mag'firat so'rang. Tavba qilishni kechiktirmang, chunki bizning yakunimiz qachon kelishini hech kim bilmaydi...

©️العلم نور

Jam’iki gunohlaringni samimiy tavba qilib yig‘laganingda ko‘zingdan oqqan bir tomchi yosh bilan o‘chirishga Qodirdir Alloh.
Shayton nega yig‘lamaydi?
Chunki uning ko‘z yoshlarini kibrining olovi quritgan. O‘sha uchun shaytonda ko‘z yoshi yo‘q.

🌾 @Hikmatlar _ Hikmat mo‘minning yo‘qotganidir, qayerda topsa olishga haqli...

#tavsiya

Fevral oyida 5 ta kitob o'qiyman.

Bu maqsadimiz bo'lsa, uni yanada aniqlashtirishimiz kerak. Aynan qaysi 5 ta kitobni o'qimoqchisiz?
1.
2.
3.
4.
5.

Ularning betlarini hisoblab chiqing. Jami betlar sonini fevral oyi kunlari soniga, ya'ni 28 ga bo'ling.

Masalan, men tanlagan kitoblarning umumiy betlari soni 1040 bet ekan. 1040 ni 28 ga bo'lsak, 37 chiqyapti. Demak, har kuni kamida 37 betdan kitob o'qisam, fevral oyida 5 ta kitobni tugataman.

Har kuni 37 bet kitob o'qishim davomiy bo'lsagina, bu maqsadimga erisha olaman. Ammo qanday qilib buni davomiy qila olaman?

37 betni kunning turli qismlariga bo'lamiz.
Masalan, men ertalab uygʼonganimda, darslardagi tanaffuslar orasida va uyquga yotishdan oldin oʼqiy olaman.
Yaʼni 2 mahal ertalab va kechqurun 15-20 betdan, tanaffusda 5-10 betgacha o'qiy olaman. Jami bir kunda 35 betdan 50 betgacha kitob oʼqiy olarkanman.
Demak, bir kunda shunday tartibda o'qisam, bemalol qo'yilgan maqsadimga erishaman.

Bir martada o'tirib bir kunlik vazifa — 40-50 bet o'qish qiyin bo'lishi mumkin. Lekin shunday kunning bir necha qismlarida 5-10 betdan o'qilsa, qiyinligi yo'qoladi va aksincha, bu bo'sh vaqtdan unumli foydalanish hisoblanadi)

Bu usuldan boshqa oylarda ham foydalanib koʼring. Xohlasangiz, kitob ustiga chiroyli stiker yopishtirib, belgilab boring. Bu ham ajoyib natija olishga yordam beradi.

#parcha

"Men endi o’likman, quduqning ichidagi bir jasad. Oxirgi bor nafas olganimga, yuragimning to’xtaganiga ko’p vaqt bo’ldi. Biroq, olchoq qotilimdan boshqa hech kim boshimga nimalar tushganini bilmaydi. U razil meni o’ldirganiga to’la ishonch hosil qilish uchun, avval nafas olishimga va tomirimning urishiga quloq tutdi, so’ngra ko’ksimga bir tepdi–da quduqqa tashladi. Biroz oldin tosh bilan urib sindirgan bosh chanog’im quduqqa tushayotganimda parcha– parcha bo’ldi. Yuzim, manglayim, yonoqlarim ezildi, suyaklarim sindi, og’zim qonga to’ldi."

📖 "Mening otim Qirmizi"
✍️ Oʼrxon Pamuk

#tafakkur #hikoya

Imomi A'zamni uch dahriy savolga tutdi:
-Alloh qachon tug'ilgan?
-Qur'onda "U tug'magan va tug'ilmagan" deyiladi.
- Xo'p, qachondan bor?
- U zamondan oldin ham bor edi, hech bir narsa uning borligiga sabab bo'lmagan.
- Misol bilan tushuntir?
- Uchdan oldin ikki bor. Ikkidan oldin bir. Birdan oldin esa, hech narsa yoq. Birdan oldin hech qanqa son bo'lmaganidek, haqiqiy ma'noda bir bo'lgan Allohdan oldin hech narsa yo'qdir.
- Alloh qayoqqa qarab turadi?
- Qorong'u bir honada chiroq qayoqqa qaraydi? Hamma yoqqa. Xuddi shuningdek, yer va osmonlarning nuri bo'lmish Alloh ham hamma yoqqa qaraydi...

Imomi A'zamning javoblaridan so'ng ular yana bittadan savol berishdi. Birinchisi: "Bizga Allohni ko'rsat", dedi. Ikkinchisi: "Jahannamda olov bilan azob beriladi. Holbuki, jinlar olovdan yaratilgan. Olov olovdan ta'sirlanadimi?" deb so'radi.
Uchinchisi: "Hamma narsa qazo va qadar bilan bo'ladi, deysan. Demak, har bir odam qiladigan ishlarini majburan qiladi. Shundaymi?"-dedi.
Shunda Imomi A'zam yerdan bir siqim tuproq olib ularning yuzlariga sochdilar. Ular qoziga shikoyat qilishdi.
Qozining so'roviga Imomi A'zam:
- Men uchta savolga bitta tuproq sochishim bilan bitta javob berdim. Birinchi javob: tuproqdan uning ko'zi og'ridi. Ammo og'riqni ko'rolmadi. Bu bilan oddiygina ko'z og'rig'ini ko'rolmas ekan, Allohni ko'rishni da'vo qilmasa ham bo'lishini tushuntirdim. Ikkinchi javob: o'zi tuproqdan yaratilishiga qaramay, tuproqdan ozor ko'rdi. Olovning olovdan ta'sirlanishini angladi. Uchinchisi esa, jabriya farqasidan edi. "Odamlar ishlarini majburan qiladi", derdi. Insondagi juz'iy irodani unitardi. Ammo mening juz'iy irodamni unutmadi, "tuproqni majburan otdi", demadi. Mendan shikoyat qilib o'zini yolg'onchiga chiqardi, - dedilar.

Ota-onamning 13 yil oldingi oilaviy kundaligini topib oldim. Oʼzi 2 yil oldin topgandim, Toshkentga kelmasimdan naqd 1 oy oldin. Oʼzim ham bir varoq gap yozgandim. Keyin uyda qolib ketgan ekan. Bu safar borganimda eski kitoblar orasidan qayta topib oldim. Yana yangidan quvondim xuddi sandiq toʼla oltin topgandek. Toʼrvamning bir burchagiga uniyam joylab keldim)
Koʼp narsa yozilmagan-u, lekin shu ozgina qoralangan varoqlardan oʼsha paytdagi, yaʼni men 4-5 yoshlar paytimdagi hayotimiz haqida ancha narsani bilsa boʼladi.
Oʼylab, oʼylarimning xulosasiga yetolmadim... va keyin... Yozish kerak!

"...shunday bir qalbki, bizdan boshqasi boʼlmagan qalb...
...oramizda turganini oramizdan ketkiz...
...sendan kimni sevasan deb soʼrasalar, men sevgan menman, meni sevgan oʼzim deb ayt..."