Advokat Fayzulla

Қонунни билишнинг ўзи айрим ҳолатларда ҳуқуқингизни тиклаш учун етарли эмас, балки қонунни айнан керакли вазиятда, керакли ТАРЗДА қўллай олиш ҳуқуқингизни тиклаши мумкин. Кўр-кўрона қонунни талаб қилавериш ҳам вазиятни оғирлаштириши мумкин.

Бир хил гапни ҳар хил тонда, ҳар хил вазиятда ишлатсангиз натижаси бир хил бўлмайдику. Ақлни ишлатинг. (эслатма: ақлни ишлатиш қонунда ёзилмаган)


Каналга уланиш:
👉 @advokat_fayzulla

👉 Facebook

👉 Instagram

СУД МИНБАРИ.

Судда сўзланган нутқлардан парча.

"Саводларингга от тепсин" рукнидан

исмлар ўзгартирилган.

Ҳимоям остидаги судланувчи Салимовга тергов органининг фикрига кўра, 7 та эпизод бўйича юқоридаги моддалар билан айблов эълон қилинган. Ушбу жиноят иши 3 жилд 715 варақдан иборат. Мен ушбу жиноят иши билан тўлиқ танишиб чиққанман.

Тан оламанки, адвокатлик фаолиятим давомида бунақанги даражадаги савиясизлик билан тергов қилинган, бунақанги даражадаги саводсизлик билан иш ҳужжатлари тўпланган жиноят иши билан биринчи бор танишдим.

Терговни сифатига ўтишдан олдин, ҳужжатларни тўпланиш тартиби ҳақида 2 оғиз фикр билдириб ўтмасам бўлмади. Очиғи чидолмадим.
Жиноят иши ҳужжатларини рўйхатлаб, жилдларга тўплаш тартиби ҳақида Бош прокурорнинг соҳавий ўринбосарини ҳам, ИИВнинг соҳавий ўринбосарини ҳам раҳбарий кўрсатмалари мавжуд.

Шунга кўра, жиноят иши ҳужжатлари 2 хил тартибда йиғилиб, рўйхатланиб тикилади. 1-хронологик кетма кетликда. 2-мантиқий тартибда. Амалиётда баъзида аралаш тартиби ҳам учраб туради.

Лекин мен бу жиноят иши билан танишиб чиқиш жараёнида 4-хил тикиши тартиби ҳам борлигини билдим. Бу хилни номини аниқ билмадимкуя, мен буни “саводсизлик ёки судья керак бўлса тушунади” деб номлаб қўя қолдим.

Жиноят иши билан бошидан танишиб чиқиш жараёнида бир қарасанг аризаси йўқ тушунтириш хати берилган, бир қарасанг сўроқ қилинганда, кейин аризаси пайдо бўлиб қолган. Сўроқлар бошланди, демак кейинги ҳужжатлар тергов давомида тўпланган ҳужжатлар десанг, тушунтириш хатлари ҳамон давом этмоқда.

Бир қарасанг жисмоний тарбия ўқитувчисини таржимон сифатида ишга жалб қилганда, нимани таржима қилганию, у нима кераклиги номаълум бўлиб қолган. Хуллас бошидан охиригача, “каша”.

Жуда юмшоқ қилиб айтганда, “оёғини осмондан қилиб” тикиб қўя қолган. Ажабланарлиси, жаноб прокурор ўринбосари бунга эътибор ҳам бермаган.

Мақсад нима? Ҳақиқатни шу тарзда яширишми, ишни кўрадиган судга ҳурматсизликми ёки саводсизликнинг “уникал” вариантими? Таърифлашга қийналдим. Шундай бўлсада, бир амаллаб тушунишга ҳарақат қилдим. Ўйлайманки, раислик қилувчи бу ҳолатларга ўз муносабатини билдирмасдан қолмайди.

давоми янада қизиқ😃...


Каналга уланиш:
👉 @advokat_fayzulla

👉 Facebook

👉 Instagram

Имкони бўла туриб қарзни ўз вақтида қайтармаётган, ўзим тўлайман деб ваъда қилиб, кредитни бировнинг номига олиб, тўламасдан қочиб юрганларни ҳам ФИРИБГАРЛАРнинг ЯНГИ ТУРЛАРИ десак бўлар. Кимга юборишни биласизлар...


Каналга уланиш:
👉 @advokat_fayzulla

👉 Facebook

👉 Instagram

Презумпция бу - оддий сўз билан айтганда “акси исботлангунга қадар дастлабки фикр тўғри” деган маънони англатувчи принцип ҳисобланади. Дейлик айбсизлик презумпцияси. Айбдор эканлигингиз суд натижасида исботлангунга қадар, Сиз айбдор ҳисобланмайсиз. Яъни айбдорлигингиз исботлангунга қадар дастлабки фикр – “айбсизман” деган фикрингиз тўғри ҳисобланади.


Каналга уланиш:
👉 @advokat_fayzulla

👉 Facebook

👉 Instagram

“БЕМОР ТАБИБИНИ” АЛДАСА (ёхуд сўнгги пушаймон)

Табибга дардингиз ҳақида АТАЙИН ёлғон маълумот берсангиз касаллигингизга қанақа ташхис қўяди? Натижада кимга зарар?

Баъзида терговчига ёлғон гапирган киши у ишонди, деб ўйлаб худди шу ёлғонини адвокатга ҳам айтиб беради. Натижада иш ҳолати ҳақида адвокатда нотўғри хулоса (ташхис) пайдо бўлади. Бу эса адвокатни ишни олиб бориш борасидаги режаси бошдан нотўғри тузилишига олиб келади.

Адвокат терговдаги далиллар билан танишганидан сўнггина ҳимояси остидаги шахс унга ёлғон гапирганлигини билади. Бироқ энди кеч.

Ҳақли савол туғилади. Агарда ҳақиқатни адвокатига ўз вақтида тўлиқ айтиб берганида жавобгарликдан қутилиб қолса бўлар эдими?

Касаллик ҳақида оғирлашмасидан олдин тўлиқ маълумотга эга бўлган табиб, беморнинг келгуси аҳволини олдиндан билади ва шунга яраша муолажа қилади.

Дўстлар, ишингиз тергов ва суд органларига тушган вақтида адвокатингизга ҳақиқатни ўз вақтида тўлиқ айтиб беринг. Шундагина адвокат муаммонгизни қонун доирасида ҳал қила олади ёки энг камида Сизни нималар кутаётганлигини аниқ биласиз.

Аксарият ҳолларда тузалмайдиган бемор эмас, даволай олмайдиган табиб бўлади (албатта ҳар бир ишга алоҳида ёндашилади).


Каналга уланиш:
👉 @advokat_fayzulla

👉 Facebook

👉 Instagram

Адвокатсиз сўроққа кирганингизда Сизга қарши қандай далиллар терговга тақдим қилинганлигини ҳисобга олиб, уларни рад этувчи асосларни келтириш лозимлигини унутманг.

Агарда кўрсатув бериш жараёнида муҳим ҳолатларни баён қилишда адашиш эҳтимолингиз бўлса, “шпаргалка”лардан фойдаланинг. Бу ҳам қонуний.


Каналга уланиш:
👉 @advokat_fayzulla

👉 Facebook

👉 Instagram

Фирибгарларни устидан ёзиб жиноят иши қўзғатишга эришган одамга 1 та ҳайкал қўйиш керак.

Бу ишни судгача оборолган одамга 2-ҳайкални қўйиш керак.

Суддан айблов ҳукмини чиқаришга эришган одамга эса, 3-ҳайкални қўйиш керак.

Гапларимни иши тушганлар тушунади.


Каналга уланиш:
👉 @advokat_fayzulla

👉 Facebook

👉 Instagram

Ҳар хил соҳадаги қонунларни ёддан билиш имконсиз. Лекин бир хил соҳадаги қонунларни чуқур билишнинг имкони бор.


Каналга уланиш:
👉 @advokat_fayzulla

👉 Facebook

👉 Instagram

ҲАР ҚАНДАЙ ДАЛИЛ АҲАМИЯТСИЗ

Агарда иш ҳужжатларида Сиз келтирган фактлар қайд этилмаган бўлса, албатта ҳар қандай далилингиз аҳамиятга эга эмас.

Дейлик Сизга нисбатан жиноят иши қўзғатилиб, дастлабки тергов ҳаракатлари олиб борилмоқда. Ишда айбингизни тасдиқловчи далиллар йиғилган. Сизда эса, бу далилларни инкор қилувчи фактлар борлиги ҳақида терговчига ҳам, юқори турувчи раҳбарига (ёки судьяга) ҳам бир неча бор айтгансиз. Бироқ натижа Сиз кутгандай эмас.

Қарор қабул қилиш вақтига келганда эса иш ҳужжатларида тўпланган (айнан ёзма) далилларга асосланишади. Шикоят берган тақдирингизда ҳам назорат қилувчи раҳбар иш ҳужжатларини ўқиб кўради.

Шу сабабли Сизнинг оғзаки фактларингиз иш ҳужжатларида тўлиқ ёзма акс этмаса фойдасиз.


Фаолиятим давомида мавжуд бўлган фактларни иш ҳужжатига ёзма тарзда қўшилганлигининг ўзи ҳимоям остидаги шахсларни оқланишига ёки енгил жазо тайинланишига ёхуд (агар жабрланувчини ҳимоя қилган бўлсам) етказилган зарарни ундирилишига сабаб бўлган ҳолатлар кўп учрамоқда (мисолларим бир талай).

Дўстлар, такрорий шикоятларингиз натижасиз бўлаётган бўлса, Сиздаги фактлар иш ҳужжатига тўлиқ қўшилганлигига ҳамда уларга тўғри баҳо берилганлигига эътиборингизни қаратишингиз лозим бўлади.

Ҳуқуқий саводхонлиги етарли бўлмаганлар муаммонгизни ечолмаса қонунчилик тизимидан ёки давлатдан норози бўлманг.


Каналга уланиш:
👉 @advokat_fayzulla

👉 Facebook

👉 Instagram