ADVOKAT | Azizxon Eshonkulov | Rasmiy |

Судда:

— Сиз ёлғон гувоҳлик берсангиз, сизни нима кутишини биласизми?

— Ҳа, албатта! “Сизни BMW кутяпти”, дейишган…!!!

https://t.me/advokat_eshonkulov

Ассалому алайкум, азиз дўстлар!

Ушбу муборак Рамазон ойида барчамизнинг қалбимизга хотиржамлик, танамизга сиҳат-саломатлик, ризқимизга барака ато этсин! Тутган рўзаларимизни, қилган дуо ва ибодатларимизни қабул айласин!

Қийинчиликда қолганларга осонлик берсин, қарздорларга қарзларидан қулай ва ҳалол йўллар билан қутулишни насиб этсин! Хасталарга шифо, ғамгинларга сабр ва юксак ирода ато этсин!

Бизга қарши қилинган ноҳақликларга адолат билан ечим берсин! Инсофсизлик ва хиёнатга учраганларга ўзи паноҳ бўлсин! Хонадонимизга тинчлик, ҳаётимизга файз ва барака насиб айласин!

Омин!

🛑 Ота фарзанди билан учрашиши рад этилди! Суд қарорига сабаб нимада?

📌 Боладан алоҳида яшайдиган ота фарзандини кўра оладими?

Фуқаролик ишлари бўйича судда бола ва ота ўртасидаги учрашув ҳақидаги даъво кўриб чиқилди. Даъвогар собиқ рафиқаси билан қонуний никоҳда бўлган ва фарзанди туғилгандан сўнг бирга яшамаган. Шундан сўнг она никоҳ бекор қилингач, янги никоҳ тузиб, фарзанди билан бирга янги оилада яшаб келган.

📝 Биринчи инстанция суди. даъвогарнинг фарзанди билан учрашиш ҳақидаги талабини рад этди. Апелляция инстанцияси бу қарорни бекор қилиб, отага муайян вақтда фарзанди билан кўришиш ҳуқуқини берди.

🚨 Бироқ, Олий суд масалага чек қўйди!

Боланинг руҳий ҳолати ва манфаатларини инобатга олган ҳолда, апелляция қарори бекор қилинди ва биринчи инстанция қарори ўз кучида қолдирилди.

🔎 Нима учун?

1️⃣ Ота фарзанди билан умуман учрашмаган ва бола уни танимайди.

2️⃣ Суд психологларининг хулосасига кўра, учрашув боланинг руҳий ҳолатига салбий таъсир кўрсатиши мумкин.

3️⃣ Оталик мажбуриятларини бажармаганлиги аниқланган.

✅ Ота (она) фарзанди билан учрашиш ҳуқуқига эга.

❌ Аммо бу учрашув боланинг жисмоний ва руҳий ҳолатига зарар етказмаслиги керак.

📢 Ҳуқуқий билимларингизни ошириш учун бизга обуна бўлинг.

📱 📱 @advokat_eshonkulov

#Суд_амалиёти #Фуқаролик_ишлари #Ота_ва_Бола #Ҳуқуқий_маслаҳат

‼️ Ота-она фавқулодда ҳолатлар (боланинг оғир шикастланиши, касал бўлиши ва бошқалар) туфайли келиб
чиққан, боланинг таъминоти учун зарур бўлган қўшимча харажатларда иштирок этиши шарт.

С.Ҳасанова судга мурожаат қилиб, собиқ турмуш ўртоғи А.Ибрагимовдан 2017 йил 10 мартда туғилган фарзанди Жасурбекнинг моддий таъминоти учун қўшимча харажатларни ундириб беришни сўраган.

Биринчи инстанция суди даъвони қисман қаноатлантириб, Жасурбекнинг таъминоти учун 1 000 000 сўм ундирилишини белгилаган.

Олий суд фуқаролик ишлари бўйича судлов ҳайъати шикоят асосида ишни қайта кўриб чиқиб, Жасурбекнинг тиббий харажатлари ва таълим муассасасидаги сарф-харажатларини ҳисобга олган ҳолда бу миқдорни 3 000 000 сўмга оширган.

Қонунчиликка мувофиқ, ота-она фарзанднинг таъминотида тенг иштирок этиши шарт. Суд ота томонидан қўшимча харажатларни қоплаш рад этилган ҳолларда, унинг оилавий ва моддий аҳволидан келиб чиқиб, муайян сумма ундирилиши ҳақида қарор чиқаради.

📌 Сизнинг ҳуқуқларингиз қандай?
Бундай вазиятларда қандай йўл тутиш керак? Юридик билимларни ошириш учун бизга обуна бўлинг!

📲📱📱 @advokat_eshonkulov

#ФарзандТаъминоти #СудҲалҚарори #ЮридикМаслаҳат #АдвокатЭшонқулов

📜 Алимент ўтган давр учун қандай ундирилади?

⚖️ Ўзбекистон Республикаси Оила кодексининг 136-моддасига кўра, алимент умумий ҳолатда судга мурожаат қилинган пайтдан бошлаб ундирилади.

❗️ Бироқ, агар алимент олувчи судгача алимент ундириш чораларини кўрган, аммо тўловлар амалга оширилмаган бўлса, суд ўтган уч йиллик муддат учун ҳам алимент ундириб бериш ҳақида қарор чиқариши мумкин.

🔍 Бу дегани, агар судгача алимент талаб қилиш уринишлари бўлгани исботланса, ушбу муддат ичидаги алимент пулини олиш имконияти мавжуд. Аммо буни исботлаш учун далиллар (масалан, мурожаатлар, хабарлар, хатлар) бўлиши керак.

✅ Бу ерда сиз алимент, никоҳдан ажралиш, мерос ва бошқа ҳуқуқий масалалар бўйича фойдали маслаҳатлар оласиз!

👉📱 📱 @advokat_eshonkulov

#Қонун #Алимент #Ҳуқуқ #Оила #ЮридикМаслаҳат #Адвокат

‼️Қарз бергансиз, лекин қайтариб ола олмаяпсизми? Ечими бор!

Ҳозир кимдир кимдандир қарзни ундира олмай сарсон бўлаётган бўлиши мумкин. Қарз берган, лекин на шартнома бор, на тилхат? Бу ҳолатда қўл қовуштириб ўтириш шарт эмас – ҳуқуқий йўли бор!

✅ Қандай қилиб қарзни қонуний ундириш мумкин?

1️⃣ Қарз олди-берди бўлган жойдаги туман ИИБга ариза беринг. Аризада воқеани баён қилиб, қарздор устидан мурожаат қилинг.

2️⃣ ИИБ ходимлари аризангиз юзасидан суриштирув ўтказади. Агар жиноят аломатлари бўлмаса, сизга расмий жавоб хати берилади.

3️⃣ Ушбу текширув ҳужжатларидан нусха олиб, пулни ундириш юзасидан фуқаролик ишлари бўйича судга даъво киритасиз.

4️⃣ Суд қарори чиққач, давлат ижрочилари орқали қарзингизни ундиришга ҳаракат қиласиз.

⚠️ Агар қарздорнинг мулки ёки расмий даромади бўлмаса, қарзни ундириш жуда қийин бўлади. Шунинг учун аввал унинг молиявий аҳволини ҳам ўрганиш керак!

Бундай ҳуқуқий маслаҳатлар керак бўлса, 📱 📱 @advokat_eshonkulov каналига аъзо бўлинг!

#Қарз #ҲуқуқийМаслаҳат #Суд #Қонун #ИИБ

📌 БИТИМ НИМА?

Оддий қилиб айтганда, БИТИМ – бу икки ёки ундан кўп шахс ўртасидаги келишув. Масалан, сиз кимгадир уйингизни сотдингиз ёки ижарага бердингиз – бу битим ёки кимдандир машина сотиб олдингиз, турли хизматлар кўрсатдингиз – бу ҳам битим.

➡️ Агар битим ёзма равишда расмийлаштирилмаган (одиий қоғозга тилхат шаклида бўлса ҳам) бўлса, унинг ҳақиқийлигини исботлаш жуда қийин бўлади.

♨️ ҲАЁТДАН ОЛИНГАН ҚИЗИҚАРЛИ ҲОДИСА!

Бир киши бошқа бировдан дўкон ва ошхона сотиб олади. Лекин орадан вақт ўтиб, сотувчи:

— Бу ердаги 1,5 квадрат метр ер участкаси сотилган эмас! – деб чиқади.

Судда аввал даъвогарнинг сўзи тўғри деб топилади. Аммо кейинчалик юқори суд бу қарорни бекор қилади, чунки:

📜 Ёзма далил йўқ экан!

📢 Ҳурматли юртдошлар!

Шартномаларни фақат оғзаки эмас, қора қоғозга оқ қилиб ёзинг! Кейин пушаймон бўлмаслик учун!

📍 Бундай қизиқарли ҳуқуқий маслаҳатлардан хабардор бўлиш учун каналимга аъзо бўлинг! 👇👇👇

🔗📱 @advokat_eshonkulov

#битим #шартнома #судқарари #адвокат #юридикмаслаҳат #ҳуқуқ

ОТА-ОНАЛИК ҲУҚУҚИДАН МАҲРУМ ҚИЛИШ: ҚАЧОН ВА НЕГА?

Адвокат сифатида амалиётимда энг кўп учрайдиган саволлардан бири:
"Ота ёки оналик ҳуқуқидан маҳрум қилиш тартиби қандай?"

Бу саволга Ўзбекистон Республикаси Оила кодексининг 79 ва 80-моддалари конкрет жавоб келтирилган.
Келинг, шу моддалар асосида аниқ ва тушунарли тарзда ёритамиз.

📌 ҚАНДАЙ ҲОЛАТЛАРДА ОТА-ОНАЛИК ҲУҚУҚИДАН МАҲРУМ ҚИЛИШ МУМКИН?

Суд ота ёки онани қуйидаги сабаблар билан ота-оналик ҳуқуқидан маҳрум қилиши мумкин:

1️⃣ Ота-оналик мажбуриятларини бажаришдан бош тортиш, шу жумладан алимент тўлашдан бўйин товлаш.

2️⃣ Узрсиз сабабларга кўра ўз боласини туғуруқхона ёки бошқа даволаш муассасасидан, тарбия, аҳолини ижтимоий ҳимоялаш муассасаси ва шунга ўхшаш бошқа муассасалардан олишдан бош тортиш.

3️⃣ Ота-оналик ҳуқуқини суиистеъмол қилиш, болаларга нисбатан шафқатсиз муомалада бўлиш, жумладан жисмоний куч ишлатиш ёки руҳий таъсир кўрсатиш.

4️⃣ Муттасил ичкиликбозлик ёки гиёҳвандликка мубтало бўлиш.

5️⃣ Ўз болаларининг ҳаёти ёки соғлиғига ёхуд эри (хотини)нинг ҳаёти ёки соғлиғига қарши қасддан жиноят содир қилиш.

⚖ Ота-оналик ҳуқуқидан маҳрум қилиш қандай амалга оширилади?

🔹 Бу жараён фақат суд тартибида амалга оширилади.

🔹 Прокурор, васийлик ва ҳомийлик органлари, ота (она) ёки бошқа тегишли органлар даъво киритиши мумкин.

🔹 Суд қарори билан ота-она боласига нисбатан ҳеч қандай ҳуқуққа эга бўлмайди, лекин боланинг таъминоти учун алимент тўлаш мажбурияти сақланиб қолади.

🛑 Ота-оналик ҳуқуқидан маҳрум қилиш – жазо эмас, боланинг манфаатларини ҳимоя қилиш чорасидир!

🔴 Шу каби ҳуқуқий саволларга жавоб топишни истайсизми?

Унда телеграм каналга обуна бўлинг! 👇

📱 @advokat_eshonkulov

#ОтаОналикҲуқуқи
#ОтаОнаҲуқуқиданМаҳрумҚилиш #ЮридикМаслаҳат #ОилаҲуқуқи
#АдвокатМаслаҳати #СудҲуқуқ
#ФарзандҲуқуқлари #Алимент
#ЎзбекистонҚонунчилиги
#АдвокатТошкент

📢 Оталик (оналик) ҳақидаги ёзувга эътироз билдириш мумкинми?

📌 Кўп ҳолатларда боланинг туғилиш гувоҳномасидаги ота ёки она ҳақидаги маълумот автоматик равишда ёзилади ва бу расмий далил ҳисобланади. Лекин, агар шахс боланинг ҳақиқий ота-онаси эмаслигини исботламоқчи бўлса, бу ёзувни суд орқали бекор қилиш ёки ўзгартириш мумкин.

⚖️ Оталик (оналик) ҳақидаги ёзувга эътироз билдириш шартлари.

✅ Оталик (оналик) ҳақидаги ёзувга эътироз билдириш ҳуқуқи боланинг отаси ёки онаси деб ёзилган шахсга берилади.

✅ Эътирозни улар бундай ёзув уларга маълум бўлган вақтдан эътиборан 1 йил ичида билдиришлари керак.

✅ Агар шахс вояга етмаган бўлса, 18 ёшга тўлганидан кейин 1 йил ичида эътироз билдириш имконияти мавжуд.

⚖️ Эътироз бериш тартиби.

📌 Дастлабки қадам – Судга даъво аризаси бериш.

📌 Муҳим далиллар – ДНК таҳлили, гувоҳлар, расмий ҳужжатлар ва бошқа далиллар.

📌 Суд қарорига қараб – Ёзув ўзгартирилиши ёки бекор қилиниши мумкин.

⚠️ Бир йиллик муддатни ўтказиб юборманг!

📲 Ҳуқуқий билимлар олиш учун телеграм каналга обуна бўлинг!

🔹 Telegram: 👉 @advokat_eshonkulov

🔹 Instagram: 👉https://instagram.com/advokat022

#юридикмаслаҳат #отаоналик #оталикнирадэтиш #оналик #Оилакодекси #суд #ҳуқуқ #адвокат #адвокатсамарканд #адвокаттошкент

📌 Паспорт ва ID-карта қоидаларини бузиш – Жаримага сабаб бўлади!

🇺🇿 Ўзбекистон Республикаси Маъмурий жавобгарлик тўғрисидаги кодекснинг 223-моддасига кўра, қуйидаги ҳолатлар маъмурий жавобгарликка сабаб бўлади:

1️⃣ Ўзбекистон Республикаси фуқаросининг
🔹 Паспортсиз ёки ID-картасиз яшаши
🔹 Ҳақиқий бўлмаган паспорт ёки ID-карта билан юриши
🔹 Доимий яшаш ёки вақтинча турган жойи бўйича рўйхатдан ўтмасдан яшаши
🔹 Паспортини ёки ID-картасини қасддан яроқсизлантириши
🔹 Биометрик хориж паспортини қасддан яроқсизлантириши
🔹 Паспортини ёки ID-картасини эҳтиёт қилмасдан йўқотиб қўйиши

2️⃣ Фуқаролиги бўлмаган шахснинг
🔹 Ҳаракатланиш ҳужжатини қасддан яроқсизлантириши
🔹 Уни эҳтиёт қилмасдан йўқотиб қўйиши

3️⃣ Ўзбекистон Республикаси ҳудудида доимий яшовчи чет эл фуқароси ва фуқаролиги бўлмаган шахснинг
🔹 Ҳақиқий бўлмаган ID-карта (Ўзбекистон Республикасида яшаш гувоҳномаси) билан юриши
🔹 Доимий ёки вақтинча турган жойи бўйича рўйхатдан ўтмасдан яшаши
🔹 ID-картасини қасддан яроқсизлантириши
🔹 Уни эҳтиёт қилмасдан йўқотиб қўйиши

📌 Жарималар миқдори (2025 йил учун БҲМ – 375 000 сўм):
✅ Биринчи марта ҳуқуқбузарлик – 0,5 дан 3 БҲМгача (187 500 сўмдан 1 125 000 сўмгача)
✅ Бир йил ичида такрор содир этилса – 5 БҲМ (1 875 000 сўм)
✅ Фуқаролар ўз тураржойларида ҳужжатсиз шахсларни яшатса – 5 БҲМ (1 875 000 сўм)
✅ Бу ҳолат бир йил ичида такрорланса – 10 БҲМ (3 750 000 сўм)

📌 ID-картани ўз вақтида олмаганлик учун жазо борми?
🔹 Агар Ўзбекистон Республикаси фуқароси 16 ёшга тўлиши билан ID-карта олмаса, 18 ёшгача бўлган шахслар маъмурий жавобгарликка тортилмайди.

⚠️ Ҳужжатларингизни ўз вақтида расмийлаштиринг, рўйхатдан ўтиш талабларига амал қилинг!

📌 Обуна бўлинг!

📱 📱 @advokat_eshonkulov


#Қонун #Паспорт #МаъмурийЖавобгарлик #IDкарта

🔥⚠️ ДИҚҚАТ! ПАСПОРТНИ ГАРОВГА ОЛИШ – ҚОНУНГА ХИЛОФ! ⚠️🔥

Ҳурматли фуқаролар, билиб қўйинг! Паспорт ёки ID-картангизни қарз ёки бошқа сабаблар билан гаров сифатида олиш мутлақо НОҚОНУНИЙ!

❌ Қарзга пул олганда паспортингизни гаровга қўйманг!
❌ Иш жойингизда раҳбарият паспортингизни олиб қўйса, бу ҳам қонунбузарлик!
❌ Ломбард ёки бошқа ташкилотлар паспортни гаров сифатида қабул қилишга ҳақли эмас!

📜 Ўзбекистон Республикаси Маъмурий жавобгарлик тўғрисидаги кодексининг 223-3-моддасига кўра:

👉 Паспорт ёки ID-картани қонунга хилоф равишда олиб қўйиш ёки гаровга олиш мансабдор шахсларга БҲМнинг 10-15 баравари миқдорида жарима солинишига сабаб бўлади.

📌 Бу нима дегани?

Ҳозирда бир БҲМ 375,000 сўмни ташкил этади. Демак, бу қонунбузарлик учун жарима 3,750,000 сўмдан 5,625,000 сўмгача бўлиши мумкин!

🔴 Кўпчилик қандай хатолар қилади?

"Қарз олганман, паспортимни гаровга қўйишим керак" – ЙЎҚ! Қонуний йўли фақат расмий шартнома!

"Иш жойим паспортимни олди, кейин қайтаришади" – ЙЎҚ! Бу ҳуқуқларингизни поймол қилиш демакдир!

"Ломбард паспортимни олса, менга қулай" – ЙЎҚ! Бу қонунга хилоф!

✅ Паспорт – бу шахсий ҳужжат! Уни ҳеч кимга гаров сифатида олиш ёки олиб қўйиш мумкин эмас! Агар сиз ёки танишларингиз бундай ҳолатга дуч келган бўлса, зудлик билан ҳуқуқ-тартибот органларига мурожаат қилинг.

📢 Бизнинг Телеграм каналига обуна бўлинг! Ҳуқуқий маслаҳатлар ва муҳим маълумотлар учун:

Каналга ўтиш 📱📱@advokat_eshonkulov

📢 Бу хабарни дўстларингизга ҳам юборинг! Ҳуқуқларингизни билинг ва ҳимоя қилинг! ⚖️

#паспорт #ҳуқуқ #гаров #қонун #маърифат

🚗 ОДДИЙ ТИЛХАТ БИЛАН МАШИНА ОЛГАН БЎЛСАНГИЗ – ХАТАРГА ТАЙЁР ТУРИНГ! ⚖️

Кўпчилик ўзаро ишончга таяниб, тилхат ёки оддий ёзма битим асосида машина сотиб олади. Бироқ бунинг ҳуқуқий қиймати кам ва катта муаммоларга олиб келиши мумкин!

Тилхат – ҳужжат эмас, исбот воситаси!

Ҳуқуқий нуқтаи назардан тилхат фақат пул олган-берганингизни исботлайди, лекин мулк ҳуқуқини ўзгартирмайди. Машина эгаси ўзгариши учун нотариал тасдиқланган шартнома ва давлат рўйхатидан ўтказиш керак.

ҲАЁТДАН ОЛИНГАН ВОҚЕА:

Бир шахс “Isuzu” русумли машинани 71 млн сўмга сотиб олишга келишади. У пулнинг бир қисмини беради ва қолганини кейинроқ тўлашга рози бўлади. Икки томон ўртасида тилхат ёзилади, машина эса сотиб олувчига берилади.

✔️ Биринчи суд инстанцияси тилхатни расмий олди-сотди шартномаси деб қабул қилади.

❌ Аммо Олий суд бу қарорни бекор қилади ва тилхат орқали мулк ҳуқуқи ўтмаслигини таъкидлайди.

НЕГА ТИЛХАТ БИЛАН ИШ БИТМАЙДИ?

1️⃣ Мулк ҳуқуқи ўтишининг қонуний тартиби бор.

Автомашина сотиш жараёнида нотариус орқали расмий шартнома тузиш керак.
Шартнома тузилгандан кейин, машинани Давлат Йўл Ҳаракати Хавфсизлиги хизматида (ГАИ) рўйхатдан ўтказиш зарур.

2️⃣ Тилхат – бу мулк сотилганини эмас, пул берилганини кўрсатади.

Агар тилхат бўйича судга мурожаат қилинса, суд буни фақат қарздорлик ёки пул олганлик далили деб қабул қилиши мумкин.

3️⃣ Сотувчи кейинчалик тан олмаслиги мумкин.

Агар расмий ҳужжат тузилмаган бўлса, машина ҳали ҳам олдинги эгаси номида қолади.
Сотувчи ёки унинг қариндошлари кейинчалик машинага даъво қўйиши мумкин.

Нима қилиш керак?

✅ Ҳар қандай олди-сотдини нотариус орқали расмийлаштиринг!

✅ Автомашинани расмий номга ўтказмагунча пулнинг 100%ини тўлашга шошилманг!

✅ ДЙҲХХ (ГАИ) да расмий рўйхатдан ўтказилганлигини текширинг!

✅ Тилхат ёзиш билан чекланиб қолманг – расмий шартнома талаб қилинг!

🚨 Шундай қилиб, тилхат асосида машина сотиб олиш ҳуқуқий хатарлидир. Агар сизнинг автомобил сотиб олиш ёки сотиш бўйича саволларингиз бўлса, бизнинг каналимиз орқали ҳуқуқий маслаҳат олишингиз мумкин!

👉 📱 📱 @advokat_eshonkulov

#Ҳуқуқ #АвтоСавдо #Машина #Тилхат #Суд #МулкҲуқуқи

🚦 Йўл ҳаракати қоидаларини бузсангиз – жарима баллари тизими ишлайди! 🚔

Ўз.Р Маъмурий жавобгарлик тўғрисидаги кодексининг 34 1-моддасига мувофиқ,
айрим йўл ҳаракати қоидаларини бузган ҳайдовчиларга нисбатан жарима баллари тизими амалга татбиқ этилди.

📌 Жарима баллари қандай ҳисобланади?

🔹 Ҳар бир қоидабузарлик учун энг кўпи 2 балл берилади.

🔹 Баллар 1 йил давомида йиғилади ва кейин автоматик ўчирилади.

🔹 Бир йил ичида 12 баллдан ошса, ҳайдовчи камида 6 ойга ҳайдовчилик ҳуқуқидан маҳрум қилинади.

🔹 Жазо жиноят ишлари бўйича туман (шаҳар) суди томонидан белгиланади.

📌 Қайси қоидабузарликлар учун баллар ҳисобланади?

✅ 125-модда – Техник носозлик ёки рухсатсиз жиҳозланган машина бошқариш.

✅ 126-модда – Қорайтирилган ёки кўринмасликка олиб келувчи ойналардан фойдаланиш.

✅ 127-модда – Асоссиз товуш сигнали бериш ёки ноқонуний ёритувчи қурилмалар ўрнатиш.

✅ 128³-модда – Белгиланган ҳаракат тезлигини ошириш.

✅ 128⁴-модда – Светофорнинг қизил чироғида ўтиш.

✅ 128⁵-модда – Йўлнинг қарши йўналишига чиқиш ёки хавфли манёврлар қилиш.

✅ 128 6-модда – Қоидага зид равишда тўхташ ёки тўхтаб туриш.

✅ 128 8-модда – Одам ташиш қоидаларини бузиш.

✅ 128 9-модда – Қоидабузарлик билан қувиб ўтиш.

✅ 129-модда – Йўл ҳаракати хавфсизлигига таҳдид солувчи гуруҳ бўлиб ҳаракат қилиш.

✅ 130-модда – Темир йўл кесиш қоидаларини бузиш.

✅ 137-модда – Йўл-транспорт ҳодисаси юз берган жойдан кетиб қолиш.

🚗 Йўл ҳаракати қоидаларига амал қилмаслик ҳайдовчилик ҳуқуқидан маҳрум бўлишга олиб келади.

⚖️ Вазирлар Маҳкамаси жарима балларини ҳисоблаш тартибини белгилайди.

📢 Қоидабузарликлардан ҳимояланиш ва янги қонунлардан хабардор бўлиш учун Telegram каналга қўшилинг!

👉 КАНАЛГА УЛАНИШ: @advokat_eshonkulov

#ЙҲҚ 🚦 #ҲайдовчиларУчун 📢 #ЖаримаБаллари ⚖️ #МаъмурийЖазо 🚔 #ҚоидагаАмалҚил ✅ #ҲуқуқийСаводхонлик 📖

‼️🚨 Ҳурматли @advokat_eshonkulov Телеграм канали кузатувчилари!

Ҳозирда кўпчиликни қизиқтираётган йўл ҳаракати қоидабузарликлари ва жарима баллари бўйича муҳим маълумот тайёрлаяпмиз! 🚦🚔

⚠️ Жарима баллари белгиланган миқдордан ошса, нима бўлади?

Қандай ҳолларда ҳайдовчилик ҳуқуқидан маҳрум қилиниши мумкин?

АЙНАН, қайси турдаги Йўл ҳаракати қоидабузарликлари содир этилганда жарима баллари қўлланилиши?

Қоидабузарликлар қандай ҳисобланади ва бу қандай тасир қилади?

Барчасини содда, тушунарли ва оддий халқ тилида батафсил ёритиб берамиз! ✅

📅 Тез орада 📱 @advokat_eshonkulov Telegram каналида!

Каналимизга аъзо бўлинг, дўстларингиз, қариндошларингиз ва таниш-билишларга ҳам тавсия қилинг! ⚖️📲

👉 Каналга уланиш: 📱 @advokat_eshonkulov

#ЙҲҚ 🚦 #ҲайдовчиларУчун 📢 #ЖаримаБаллари ⚖️ #МаъмурийЖазо 🚔 #ҚоидагаАмалҚил ✅ #ҲуқуқийСаводхонлик 📖

Маъмурий жазо қачон қўлланади? Қонунчиликда белгиланган муддатлар.

Ҳурматли фуқаролар!

Маъмурий ҳуқуқбузарлик содир этилганидан кейин жазо қўлланиши мумкин бўлган муддат бор. Бу муддат ўтгандан сўнг, шахсга нисбатан маъмурий жазо қўлланилмайди.

⚖️ Ўзбекистон Республикаси Маъмурий жавобгарлик тўғрисидаги кодексининг 36-моддасига мувофиқ:

🔹 Ҳуқуқбузарлик содир этилган кундан бошлаб бир йилдан кечиктирмай маъмурий жазо белгиланиши шарт.

🔹 Агар ҳуқуқбузарлик давом этаётган ҳолатда аниқланган бўлса, шу кундан бошлаб бир йил ичида жазо қўлланиши мумкин.

🚨 Бу нимани англатади:

✅ Ҳуқуқни муҳофаза қилувчи органлар ҳар қандай ҳуқуқбузарлик учун белгиланган муддат ичида чора кўриши керак.

✅ Агар бир йил ўтгандан кейин маъмурий иш қўзғатилса, бу қонунбузарлик ҳисобланади ва шахс маъмурий жавобгарликка тортилиши мумкин эмас.

✅ Фуқаролар ўз ҳуқуқларини билиши ва ноқонуний жазоларга учрамаслиги керак.

📢 Қонунлар ва ҳуқуқий тартиблар ҳақида янада кўпроқ маълумот олиш учун Telegram каналга қўшилинг!

👉 📱 📱 @advokat_eshonkulov

#МаъмурийЖавобгарлик #ҲуқуқингниБил #ҚонунВаТартиб
#ЖазоМуддатлари #ФуқароларУчунМаълумот #ҲуқуқийСаводхонлик