Andijon davlat universiteti filologiya fakultetida fakultet dekan o'rinbosari K.Shaxobov hamda tyutorlar bilan talaba-yoshlar o'rtasida “Biz, giyohvandlikka qarshimiz!” shiori ostida targ‘ibot-tashviqot tadbirlari o'tkazildi. Tadbirda mas’ullar tomonidan giyohvandlik va psixotrop moddalarning zararlari, bunday turdagi vositalarning savdosi bilan shug‘ullanish jinoyat ekanligi hamda ushbu turdagi moddalarning inson sog‘ligiga keltiradigan salbiy oqibatlari yuzasidan tushuntirish ishlari olib borildi. Tashkil etilayotgan bu kabi uchrashuvlar mamlakatimizda yosh avlodning har tomonlama sog‘lom va barkamol voyaga yetishi, giyohvandlikka barham berish, aholi sog‘ligi va jamoat xavfsizligiga tahdid solmasligini ta’minlashdan iboratdir.
Ayni shu kuni “Giyohvandlikka qarshi kurash” mavzusida video va giyohvandlikka qarshi kurashni aks ettiruvchi ma’lumotlar taqdim etilib, talabalarning mavzu doirasidagi fikr-mulohazalari tinglandi.