Toshkentda Aziz Shohakimov va Tekfen filarmoniya orkestrining uzoq kutilib, poytaxt madaniy hayotida yorqin voqeaga aylangan konserti bo‘lib o‘tdi.

Zal mulzam ilhaqlikka cho‘kdi – dirijyor tayoqchasining ilk silkinishi bilanoq dargoh tomoshabinlarni his-hayajonlar girdobiga rom etgan ohanglar bilan to‘ldi. Dovrug‘li sozanda va orkestr asarlarning teran jarangdorligi va bekam-ko‘st talqini bilan tinglovchilarni o‘ziga maftun qilib, ijro mahoratining yuksak cho‘qqisini namoyish etdilar.

Mazkur unutilmas musiqiy oqshomni biz bilan baham ko‘rganingiz uchun sizdan minnatdormiz.