Ҳали кичкина тарихимизда бунақа ҳолат кузатилганми ё йўқ, билмадиму, 23 август куни ўзбек медиаси билан боғлиқ оламшумул воқеа содир бўлибди. Гап шундаки, Буюк Британиянинг энг олд прессаларидан ҳисобланадиган The Times интернет-нашри шу куни эълон қилган Россияда мигрантларни урушда жанг қилишга мажбурлашаётгани ҳақидаги хабарида бир олди-қочди (узр энди, тўғрисиям-да) ўзбекча телеграм-канал — OPER UZ’дан (@oper_uz) иқтибос олибди!
Қайтараман: THE TIMES нашри РОССИЯ ҳақидаги хабарида ЎЗБЕКЧА КАНАЛДАН иқтибос олган.
Скриншотларни қуйида келтиряпман. Нашр мамлакатда мигрантларга қарши рейдлар бошлангани ҳақида қандайдир ноунейм каналга таяняпти, ваув! Лекин линк беришмабди ярамаслар. :)
Бу ҳолатдан ўзим учун иккита феномен кашф қиляпман. Биринчиси — узоқ чириган Ғарбда, Лондондаги офислардан бирида ўтирган яхши журналистлар бизнинг қоракўз каналларни ҳам биларкан, кузатаркан, турли тасдиқланмаган тезкор маълумотлар айнан шунақа жойларда эълон қилинишига ақли етаркан. Аммо улар расмий манба эмаслигини, ёзганлари бирор оғирроқ тош босмаслигини билишмас экан.
Иккинчиси, жахонда катта обрўга эга нашрлардаям шунақа майда ғалатиликлар, тушунарсиз ишлар бўлиб тураркан. Чунки OPER UZ ёзган нарса ҳеч қандай инсайдмас, ҳеч қандай янгиликмас. У кўпинча ўзига ўхшаган, акахони бўлган, андоза оладигани — рус хайпожор каналларидан кўчириб қўя қолади видеоларни.
Умуман олганда, хурсанд бўлишга арзийди. Камида ҳозирги ўзбек матбуоти ҳозирги рус матбуотидан эркинроқ экани учун. Вазият шу даражага етиб келибдики, хориждагилар Россиядаги воқеаларни ўзбек каналлари орқали билволяпти, чунки мамлакатнинг ичида бунинг иложи йўқ.
Сўз якунида мен ҳам таъкидлайман: Мусофирда юрган дўстлар, ҳушёр бўлинглар.
Қайтараман: THE TIMES нашри РОССИЯ ҳақидаги хабарида ЎЗБЕКЧА КАНАЛДАН иқтибос олган.
Скриншотларни қуйида келтиряпман. Нашр мамлакатда мигрантларга қарши рейдлар бошлангани ҳақида қандайдир ноунейм каналга таяняпти, ваув! Лекин линк беришмабди ярамаслар. :)
Бу ҳолатдан ўзим учун иккита феномен кашф қиляпман. Биринчиси — узоқ чириган Ғарбда, Лондондаги офислардан бирида ўтирган яхши журналистлар бизнинг қоракўз каналларни ҳам биларкан, кузатаркан, турли тасдиқланмаган тезкор маълумотлар айнан шунақа жойларда эълон қилинишига ақли етаркан. Аммо улар расмий манба эмаслигини, ёзганлари бирор оғирроқ тош босмаслигини билишмас экан.
Иккинчиси, жахонда катта обрўга эга нашрлардаям шунақа майда ғалатиликлар, тушунарсиз ишлар бўлиб тураркан. Чунки OPER UZ ёзган нарса ҳеч қандай инсайдмас, ҳеч қандай янгиликмас. У кўпинча ўзига ўхшаган, акахони бўлган, андоза оладигани — рус хайпожор каналларидан кўчириб қўя қолади видеоларни.
Умуман олганда, хурсанд бўлишга арзийди. Камида ҳозирги ўзбек матбуоти ҳозирги рус матбуотидан эркинроқ экани учун. Вазият шу даражага етиб келибдики, хориждагилар Россиядаги воқеаларни ўзбек каналлари орқали билволяпти, чунки мамлакатнинг ичида бунинг иложи йўқ.
Сўз якунида мен ҳам таъкидлайман: Мусофирда юрган дўстлар, ҳушёр бўлинглар.