Agar siz yoki biz, o‘zimizni haqiqiy musulmonman deb davo qilayotgan bo‘lsak, shu savolni berishimiz kerak, ha, men haqiqiy musulmon bo‘lishligim uchun payg‘ambarimiz alayhissalomning birinchi tavsiyalari, hech kim mening tilimdan ham, qo‘limdan ham ozor topmasin ekan, salomat bo‘lsin ekan, men shunday qila olyapmanmi degan savolni berishimiz kerak. Lekin afsuski bugungi kunda eng katta ozor til orqali bo‘lyapti. Til orqali gapirishlik, til orqali ozor berishlik, bir insonga g‘iybat qilib ozor berishlik, bir insonga tuhmat qilib ozor berishlik, bir insonga qo‘pollik qilib ozor berishlik. Musulmon odam shunday bo‘lish kerak-ki azizlar, bizni ko‘rgan boshqa din vakili bo‘lsin, kim bo‘lsin, bizga nisbatan havas uyg‘onishi kerak, — dedi mufiy hazratlari.