Sultonobodda svetafor ishga tushdi

Paxtachi tumanidagi yirik bozorlardan biri Sultonobod bozori xalqaro M-37 avtomobil yo'li yaqinida joylashgan. Ushbu sababli bozorga keluvchi xaridorlar transportlar qatnovi ko'pligidan yo'ldan o'tishda qiynalishar edi.
Ushbularni inobatga olib, o'tgan 2024 yil avgust oyida Sultonobod bozorida boshlangan keng ko'lamli bunyodkorlik ishlari doirasida svetafor o'rnatish ham rejalashtirilgan edi.
Joriy yilning 23-yanvar sanasidan boshlab, mazkur svetafor ish faoliyatini boshladi. Aholi ushbu qo'layliklardan mamnun bo'lib, davlatimiz rahbari olib borayotgan siyosat tufayli yaratilayotgan sharoitlar uchun minnatdorchiliklarini bildirishmoqda.

Eslatib o'tamiz: O'tgan 2024 yil avgust oyidan boshlab Sultonobod bozori va uning atrofida asfatlash, latok ariqlar, piyodalar yo'laklari yotqizish, ko'cha yoritish chiroqlari, savdo joylari, avtoturargohlar barpo etish, aholi xavfsizligi va transportlar qatnoviga halal bermaslik uchun panjaralar, transportlar tezliklarini nazorat qiluvchi radar va svetafor o'rnatish ishlari bajarildi.

Biz👉 http://myurls.co/paxtachi