Zulfiya (1915 – 1996) tavalludining 110 yilligi
Zulfiya – bahor shoirasi. Zulfiya – qalblar shoirasi. Zulfiya sadoqatni madh etuvchi dilbar shoira. Ijodkorni go‘zal asarlar yozishga undovchi turli holatlar bor. Zulfiya esa yuragidagi ayriliq azobini misralarga tizar ekan, beixtiyor yozganlarida o‘zining vafo va yorga sadoqat tuyg‘ularini ham ifoda etadi.
Sog‘inganda
Qancha bo‘ldi ko‘rmaganimga,
Ey, qalbimning dilbari, shoir!
Qancha bo‘ldi birga o‘ltirib,
So‘zlashmadik dillarga doir.
Dil-chi, dilim unutib bo‘lmas
Ishq qo‘shig‘i yozilgan kitob.
Xayol xiyol chertib o‘tdimi –
Topib ber deb qiladi xitob.
Ikkimizga ma’lum bir qudrat
Yillar o‘ta senga tortadi.
Unutayin deyman-u, faqat
Dilda uning o‘ti ortadi.
Ham tabiat, ham do‘st, ham raqib,
Barchasini qoldirib dog‘da,
Ko‘rishsag-u, yana tirilsa,
O‘sha o‘lgan bo‘sa dudoqda.
Yuragimning shohi deb seni,
Mayli, bu gal o‘zim tiz cho‘ksam.
Huzuringda baxtdan tebranib,
Ishq va sog‘inch yoshini to‘ksam.
1950
🔸Zabarjad Media – eng yaxshisini ilinamiz!
Zulfiya – bahor shoirasi. Zulfiya – qalblar shoirasi. Zulfiya sadoqatni madh etuvchi dilbar shoira. Ijodkorni go‘zal asarlar yozishga undovchi turli holatlar bor. Zulfiya esa yuragidagi ayriliq azobini misralarga tizar ekan, beixtiyor yozganlarida o‘zining vafo va yorga sadoqat tuyg‘ularini ham ifoda etadi.
Sog‘inganda
Qancha bo‘ldi ko‘rmaganimga,
Ey, qalbimning dilbari, shoir!
Qancha bo‘ldi birga o‘ltirib,
So‘zlashmadik dillarga doir.
Dil-chi, dilim unutib bo‘lmas
Ishq qo‘shig‘i yozilgan kitob.
Xayol xiyol chertib o‘tdimi –
Topib ber deb qiladi xitob.
Ikkimizga ma’lum bir qudrat
Yillar o‘ta senga tortadi.
Unutayin deyman-u, faqat
Dilda uning o‘ti ortadi.
Ham tabiat, ham do‘st, ham raqib,
Barchasini qoldirib dog‘da,
Ko‘rishsag-u, yana tirilsa,
O‘sha o‘lgan bo‘sa dudoqda.
Yuragimning shohi deb seni,
Mayli, bu gal o‘zim tiz cho‘ksam.
Huzuringda baxtdan tebranib,
Ishq va sog‘inch yoshini to‘ksam.
1950
🔸Zabarjad Media – eng yaxshisini ilinamiz!