#ajoyib

Синглимни йўқлолмайман.

Синглим мени кечиргин,
Ишончинг оқлолмайман.
Ўн беш кунда ойда бир,
Синглимни йўқлолмайман.

Ишим бахона қилиб,
Кўнглим бир чоғлолмайман.
Қишни бахона қилиб,
Синглимни йўқлолмайман.

Рўзғор яна бахонам,
Ғафлат менинг парвонам.
Бу оламда ягонам,
Синглимни йўқлолмайман.

Сочига оқлар тушган,
Буни хеч хохлолмайман.
Юзига доғлар тушган,
Синглимни йўқлолмайман.

Ғафлат домига қолиб,
Қалбимга мехр солиб,
Тўртта иссиқ нон олиб,
Синглимни йўқлолмайман.

Отабек ғамим шундан,
Кўздаги намим шундан,
Кечмам армон тугундан,
Синглимни йўқлолмайман.

Айтинг мени кечирсин,
Айбларимни ўчирсин,
Дунё тургунча турсин,
Синглимни йўқлолмайман.

Синглимни йўқлолмайман...

✍Отабек Юсуф

@Yoshlar_uchun_yangiliklar