Buyuk bobokalonlarimiz Alisher Navoiy va Zahiriddin Muhammad Bobur faoliyatiga bagʻishlangan "Kichik mutafakkirlar " Respublika tanlovining viloyat bosqichi oʻtkazildi. Tanlovda viloyatimizning 10 dan ortiq tumanlaridan kelgan qatnashchilar 4 ta shart asosida bellashishdi. Yakkabogʻ tumani MMTB ga qarashli 77-umumiy oʻrta taʼlim maktabining "Buyuk siymolar" jamoasi aʼzolarining Bobur va Navoiy hayotiga bagʻishlangan chiroyli sahna koʻrinishlari, gʻazallar musiqiy uygʻunligi, savol-javob va safarlar xaritasi shartlarida oʻzining topqirligi, tezkorligi, tarixiy davrni ochib bera olganligi barcha tomoshabinlar tomonidan yuksak eʼtirofga sazovor boʻldi. Tanlov natijalariga koʻra Qashqadaryo viloyati Yakkabogʻ tumani MMTB ga qarashli 77-umumiy oʻrta taʼlim maktabi "Kichik mutafakkirlar"Respublika tanlovining mutlaq gʻolibi boʻldi va tanlov tashkilotchilari tomonidan oliy darajali diplom, esdalik sovgʻalar bilan taqdirlandi. Respublika laureati deb eʼlon qilindi.