#Muolaja
Tanishlaring bir dunyo, kontaktingdagilarni ko‘pligidan baʼzilarining ismi yodingdan chiqqan hatto. Biroq, ularning hech biri sendan xabar olmaydi, holingni so‘ramaydi, ruhiy holating bilan ishi yo‘q. Baʼzi paytlar, hatto eng yaqining deb bilganing insonlar hayolidan-da ko‘tarilib qolasan. Buni sezasan, biroq sezdirmaysan. Tunlari yolg‘izlikdan qiynalasan, keraksizlik seni qiynaydi. To‘g‘ri, ayrimlar goh-goh yo‘qlab turishi mumkin: boshiga bir savdo tushsa, yoki senga zaruratlari bo‘lsa, lekin yaxshi kunlarida seni xayoldan o‘tkazib qo‘yadiganlar juda-juda kam bu xuddi o‘zimiz kabi xudbin dunyoda...
Shunday paytlar, tanholik qalbingni o‘rtab yuborsa, ajib bir muolaja bor: esla, eslaki, ko‘zlaringdan emas, qalbingdan firoq yoshlari otilib chiqsin: bundan o‘n to‘rt asr avval, hali sen borliq uchun mavhum bo‘lgan bir paytingda, bir Zot o‘lim sakarotini boshlaridan o‘tkaza turib, ko‘zlarida yosh bilan sen g‘aribni eslagandilar! Sen g‘aribni sog‘ingandilar! Senchi, o‘zingni yolg‘iz sezganingda, bir suhbatdosh qidirganingda, tarmoqda online bo‘laturib, xabar yozmadiya, deb kimdandir xafa bo‘lganingda, seni hali sen bo‘lmagan paytingda eslab, muborak ko‘zlaridan sog‘inch yoshlarini to‘kkan Zotni bir bor esladingmi, ey g‘ofil?! Javobing "Yo‘q"mi, unda boshla, hali ham kech emas. Qo‘y o‘zgalarni do‘stim, ikki dunyo Sarvarining seni eslashlari, seni sog‘inishlari sen uchun hammasidan ustun, hammasidan yetarli emasmi aslida...?
@Xudoyberdiyev_blogi
Tanishlaring bir dunyo, kontaktingdagilarni ko‘pligidan baʼzilarining ismi yodingdan chiqqan hatto. Biroq, ularning hech biri sendan xabar olmaydi, holingni so‘ramaydi, ruhiy holating bilan ishi yo‘q. Baʼzi paytlar, hatto eng yaqining deb bilganing insonlar hayolidan-da ko‘tarilib qolasan. Buni sezasan, biroq sezdirmaysan. Tunlari yolg‘izlikdan qiynalasan, keraksizlik seni qiynaydi. To‘g‘ri, ayrimlar goh-goh yo‘qlab turishi mumkin: boshiga bir savdo tushsa, yoki senga zaruratlari bo‘lsa, lekin yaxshi kunlarida seni xayoldan o‘tkazib qo‘yadiganlar juda-juda kam bu xuddi o‘zimiz kabi xudbin dunyoda...
Shunday paytlar, tanholik qalbingni o‘rtab yuborsa, ajib bir muolaja bor: esla, eslaki, ko‘zlaringdan emas, qalbingdan firoq yoshlari otilib chiqsin: bundan o‘n to‘rt asr avval, hali sen borliq uchun mavhum bo‘lgan bir paytingda, bir Zot o‘lim sakarotini boshlaridan o‘tkaza turib, ko‘zlarida yosh bilan sen g‘aribni eslagandilar! Sen g‘aribni sog‘ingandilar! Senchi, o‘zingni yolg‘iz sezganingda, bir suhbatdosh qidirganingda, tarmoqda online bo‘laturib, xabar yozmadiya, deb kimdandir xafa bo‘lganingda, seni hali sen bo‘lmagan paytingda eslab, muborak ko‘zlaridan sog‘inch yoshlarini to‘kkan Zotni bir bor esladingmi, ey g‘ofil?! Javobing "Yo‘q"mi, unda boshla, hali ham kech emas. Qo‘y o‘zgalarni do‘stim, ikki dunyo Sarvarining seni eslashlari, seni sog‘inishlari sen uchun hammasidan ustun, hammasidan yetarli emasmi aslida...?
@Xudoyberdiyev_blogi