#премьера

Янги кун истаклари...

Салом Қадрдоним! Тонглар муборак!
Янги кун, янги бахт, шонлар муборак!
Аллоҳим эркалаб ризқини қўшган,
Янги ташвишлару онлар муборак!

Қувониб кетаман, кетаман яшнаб,
Тонгнинг шаббодаси юзим силаса.
Аллоҳим буюрди турибман яшаб,
Янги умр билан севиб сийласа.

Майли ташвиш бўлсин, майли  бўлсин ғам,
Жонингиз, танингиз соғми? Шудир бахт.
Ахир тугамайди рўзғорда ҳеч кам,
Бугуннинг туҳфаси тиллолардан тахт.

Биласизми дўстим, сиз биз бахтлимиз,
Аллоҳнинг назари тушибди бизга.
Янги кун ўзига достон ёзсин деб,
Янги дафтарини тутибди бизга.

Ёзинг! Сарлавҳаси «Бахт» деб бошлансин,
Мисралар қувончдан куйласин ёниб.
Армонлар, аламлар бугун ғашлансин,
Ғамлар кетиб қолсин ўзидан тониб.

Салом Қадрдоним! Тонглар муборак!
Аллоҳим сийлаган онлар муборак!

Санобар Юсупова.
26.06.2024 йил. 09:40.

XAYR𑀉I T𐌏𐌽Ᏽ 𐌽𐌏I𑀉A