✍🌺☘ Юртга чаман келди.☘🌺

Лолага бурканди тоғлар
Яшил кийди боғу-роғлар
Юксакка парпозда сорлар
Босилди соғинч хуморим,
Хуш келибсан гулбаҳорим.

Дала -даштга ҳаёт кулди,
Дарёлар зилолга тўлди,
Заминдан майсалар унди
Босилди соғинч хуморим
Хуш келибсан гулбаҳорим.

Чаманлар ранго-ранг алвон
Пуштигул кўкламга сарбон
Қоқигул тўрт тараф ҳайрон
Босилди соғинч хуморим
Хуш келибсан гулбаҳорим.

Булбуллар навоси хушҳол
Чаманлар ифори хушбўй
Чўпонлар найида хуш куй
Босилди дилда хуморим
Хуш келибсан гулбаҳорим.

Жам бўлди бори гўзаллик,
Гўё бежирим заргарлик
Табиатда ажиб ҳадик,
Босилди дилда хуморим
Хуш келибсан гулбаҳорим.

Атиргул чаманда гулгун
Мажнунтоллар сочи узун,
Бари жонзот бўлиб мамнун
Босилди дилда хуморим
Хуш келибсан гулбаҳорим.

1.03.2025 йил
Шоирабегим.

XAYR𑀉I T𐌏𐌽Ᏽ 𐌽𐌏I𑀉A