* * *

Амал қилиш муддати бор севгининг ҳам,
Дўстликнинг ҳам эскиради қисмлари.
Нима дейсиз бир кун келиб жигарнинг ҳам,
Ёдингиздан кўтарилса исмлари?!

Амал қилиш муддати бор севгининг ҳам,
Сифатига қараб сананг фурсатини.
Бир умр деб кунда бир бор ичиб қасам,
Вақти келиб беркитмаслар нафратини!

Амал қилиш муддати бор...
Билинг шуни,
Чин ошиқлар, маъзур тутинг,
Кечиргайсиз!
Йўқ деб кўринг, янги ишқдан ёнган куни,
"Эскисини" рақамин ҳам ўчиргайсиз!

Амал қилиш муддати бор,
Гоҳ-гоҳида,
Эътиборсиз қолиб ишдан чиқар у ҳам.
Занглаб, синиб золим ёрнинг фироғида,
Мана шундай яралганда асли олам!

Бир кун келиб тугашини билсак агар,
Ҳатто синаб кўрмас эдик қудратини.
Яхшиямки раҳм қилиб Парвардигор,
Кўрсатмайди унинг тугаш муддатини!

Малика Тавфиқ

@Zamonaviy_Psixolog