Doimo buyuksiz, buyuk ayollar.
(Hazil she'r)
Bahor kirib keldi o'lkamga arang,
Sakkizinchiga ham oz qoldi qarang.
Yigitlar yurarlar asabi tarang,
Doimo buyuksiz, buyuk ayollar.

"Gap" o'ynang mayliga biz rozimiz xo'p,
G'iybat qilmangda lek siz biro'vni ko'p.
Jahlingiz chiqarsam olmang qo'lga cho'p,
Doimo buyuksiz, buyuk ayollar.

Gulday ochilib oy kabi yuring,
Ko'zgudan o'zizga qasirlar quring.
Bayram kuni mayli sal kechroq turing,
Doimo buyuksiz, buyuk ayollar.

Biringiz onamsiz biringiz opam,
Yuzingizda hech ham ko'rmayin men nam.
Kulib yuring doim, yig'lamang hech ham,
Doimo buyuksiz, buyuk ayollar.

★Ramazon
Zamoniy★