O‘zbekiston davlat konservatoriyasida 2024-yil 5-noyabr kuni  La scala teatr akademiyasining Akademik xonandalik va fortepiano sinfi pedagogi Nelson Calzi tomonidan mahorat darsi yakunlandi. Ushbu kunlarda olib borilgan mahorat darslari yuqori darajada o‘tib, dars talabalar uchun to‘liq mashg‘ulotga aylandi hamda ularning ko‘plab yangi ma’lumotlarni o‘zlashtirishlariga sabab bo‘ldi. Konservatoriya talabalari mohir san’atkorga o‘zlarining iqtidorlari va professional ko‘nikmalarini namoyish qilgan bo‘lsalar, u o‘z navbatida ularning yuqori professional tayyorgarligini e’tirof etib, qimmatli tavsiyalar berdi. Mahorat darsida konservatoriya o‘qituvchilari ham ishtirok etdilar. Nelson Calzi dunyoning taniqli Glinka nomidagi XXVII Xalqaro akademik xonandalar ko‘rik tanlovi sovrindori 1-bosqich magistranti Otabek Nazirov, bakalavriat ta’lim yo‘nalishi Xalqaro va Respublika ko'rik tanlovlari sovrindorlari Ridvan Suleymanov, Bekzoda Suyunova, Azizbek Usmonov, Marjona Axadillayeva hamda Alisher Navoiy nomidagi O‘zbekiston davlat akademik katta teatrining bir qator yakkaxonlari Umid Isroilov, Aziza Muhammedova, Begzod Sadikovlar bilan besh kun davomida akademik xonandalik yo‘nalishining muhim va bugungi kundagi dolzarb masalalari xususida ham ish olib borishdi. Shuni ham alohida ta’kidlash kerakki, mahorat darsida asarlarning badiiy, ifodaviy shakllanishi, mazkur jarayonning o‘ziga xos jihatlari va xalqaro tajriba professional jihatdan samarali bo’ldi. Shuningdek, uchrashuv soha mutaxassislari uchun ham mahorat darslarida o‘zaro fikr almashish, xorijiy tajribani o‘rganish uchun yaxshi muhit yarata oldi.