O'zbekiston davlat konservatoriyasining navbatdagi kengaytirilgan kengash majlisi bo’lib o’tdi. Unda qator muhim masalalar ko’rib chiqildi. Xususan, konservatoriya PO’ ish samaradorligini baholash, ilmiy salohiyatini yangi bosqichga olib chiqish hamda ma’naviy-ma’rifiy ishlar samaradorligini oshirish, xalqaro aloqalar izchilligi bo’yicha qarorlar qabul qilindi.
Konservatoriya hududiga yangi zamonaviy, qulay shart-sharoitlarga ega kutubxona barpo etilishining loyihasi taqdim etildi hamda bir ovozdan ma’qullandi.
Jumladan, O‘zbekiston Respublikasi oliy ta'lim, fan va innovatsiya vazirligi huzuridagi Oliy attestatsiya komissiyasiga ilmiy unvon olish uchun hujjatlar taqdim etishini tasdiqlash, PO’ tomonidan tayyorlangan o‘quv adabiyotlar va monografiyalarni nashrga tavsiya etish, doktorant va mustaqil izlanuvchilarning ilmiy rahbari va dissertatsiya mavzulari masalalari muhokama qilindi.
Majlis yakunida kun tartibidagi masalalar yuzasidan kengash a'zolari o‘z fikr-mulohazalari va takliflarini bildirdi.