Har doim Zulfiyaxonim yurtimizga o‘zi bilan bahorni boshlab kiradi. Olam yangilanadi, atrof go‘zallikka, nafosatga to‘ladi. Xuddi shoira qalblarga she’riyati, dostonlari bilan yorug‘lik, ezgulik olib kirgan kabi. Joriy yilning 28-fevral kuni Respublika Maʼnaviyat va maʼrifat markazi Toshkent viloyat bo‘limi tashabbusi bilan Maʼnaviyat maskanida "Bahor keldi seni so‘roqlab" mavzusida Zulfiyaxonim tavalludning 110 yilligiga maʼnaviy-maʼrifiy tadbir tashkil qilindi. Ushbu tadbirda O‘zbekiston xalq shoiri, O‘zbekiston Yozuvchilar uyushmasi Toshkent viloyat bo‘limi rahbari Mahmud Toir mehmon sifatida tashrif buyurdi. Mazkur tadbirni Respublika Maʼnaviyat va maʼrifat markazi Toshkent viloyati bo‘limi rahbari Sanjar Toʻxtayev ochib berdi.