Учқўрғон туманидаги бозорга олиб борувчи кўприк 1983 йилда қурилган бўлиб, бугунги кунгача аҳоли ва транспорт воситалари учун муҳим йўл бўлиб хизмат қилиб келмоқда. Бироқ, йиллар давомида кўприкдаги конструкциялар эскириб, таъмирлашга муҳтож ҳолга келган.

Мазкур муаммони бартараф этиш мақсадида кўприкда капитал таъмирлаш ишлари бошлаб юборилди. Таъмирлаш жараёнида кўприкнинг конструкциялари мустаҳкамланади, асфальт қопламаси янгиланади ҳамда ҳаракат хавфсизлигини таъминлаш учун замонавий иншоотлар ўрнатилади.

Ушбу ишлар натижасида аҳоли ва тадбиркорлар учун транспорт ҳаракатини янада қулай ва хавфсиз қилиш, шунингдек, ҳудуд инфратузилмасини яхшилашга эришилади.

➡️ @UCHQORGONLIKLAR24 – Тезкор ва ишончли хабарлар макони!!!