O‘zbekiston Respublikasi Prezidentining 2022-yil 30-apreldagi PQ-232-sonli Qarori bilan tasdiqlangan “Ichki turizmni diversifikatsiya qilish dasturi”ning 3-bandida ko‘rsatilgan, O‘quvchi, talaba va yoshlar (7 — 30 yosh) o‘rtasida “Yoshlar turizmi oyligi” va “Yoshlar turizmi haftaligi”ni doimiy ravishda tashkil etish va o‘tkazish yuzasidan vazifalar belgilangan. Shu munosabat bilan, 2024-yil 25-sentabr kuni Respublikamizdagi 8 ta ilg‘or
universitetlar o‘rtasida tuzilgan o‘zaro hamkorlikni kuchaytirishga qaratilgan Memorandum ijrosini ta‘minlash hamda Zahiriddin Muhammad Bobur tavalludining 542 yilligini munosib nishonlash maqsadida Toshkent viloyati, Chirchiq shahridagi Toshkent harbiy okrugining dala o‘quv maydonida Qalqon jamoatchilik guruhi a'zolari uchun estafeta tashkil etildi.

AK-74 noto‘liq qismlarga ajratish va yig‘ish, sportning turnikda tortilish, tosh ko‘tarish, Mohir mergan pnevmatik qurollardan otish kabi turlaridan iborat musobaqa shaklida o'tkazildi.

Ommaviy huquq fakulteti 2-kurs talabasi "Qalqon" jamoatchilik guruhi faol a'zosi Arabov Asadbek Anvar oʻgʻli tosh ko'tarish musobaqasida 3-o'rinni qo'lga kiritdi;
Jinoiy odil sudlov fakulteti 3-kurs talabasi "Qalqon" jamoatchilik guruhi faol a'zosi Toʻxtanazarov Muhammadumar Muhammadamin oʻgʻli turnikka tortilish musobaqasida 3-o'rinni qo'lga kiritdi.