"KO‘HNA DUNYO"NI O‘QIB

To‘yib-to‘yib yig‘layman,
Kuyib-kuyib yig‘layman,
Sabhu o‘rniga o‘zni
Qo‘yib-qo‘yib yig‘layman!

Jon Sadafim, Sadafjon,
Umring dorga osildi...
Piri Bukriy, o bunda
O‘lim — nafsing hosili!

Sabhu ishqi suronsiz
Paydo bo‘lgan bo‘ronmi?
Sevardi-ya shunchalar
Sadaf Abu Rayhonni?

Sen kimga zor, jon Sadaf?
Senga zorlar kim edi?
Ishq elida bebaxtlar,
Yulduzlardan kammidi?!

Sevmoq — og‘ir bo‘lsada,
Ba'zan yordan kechmoqlik.
Chin yurakdan baxt tilab
Xayollarni quchmoqlik!

Sabhu Sadaf yodini,
Qalbiga qadab qo‘yar!
Daf bo‘lsin, kerak emas
Ishqqa piri Bukriylar!