Minoyliklar ikki yozuv o'ylab topishgan bo'lib, ular Krit ierogliflari va Chiziqli A deb nomlanadi. Bu yozuvlarning hech biri zamonaviy olimlar tomonidan o'rganilmagani tufayli, Minoyliklarning tili borasida aniq ma'lumotlar mavjud emas. Mavjud ma'lumotlarga asoslangan holda olimlar Minoyliklar tili Hind-yevropa, yoki Som kabi mashhur va ma'lum til oilasiga tegishli bo'lmaganini faraz qilishadi. M. a. 1450-yillardan keyin Chiziqli A alifbosining o'zgargan ko'rinishi bo'lmish Chiziqli B alifbosi Mikena yunon tilida qo'llangan va bu til Kritda davlat boshqaruvi tili hisoblangan. Bir nechta Bronza davridan keyingi yozuvlarda qo'llangan Eterokrit tili Minoy tilidan kelib chiqqan bo'lishi mumkin degan tahminlar mavjud.

So'nggi Bronza davri inqirozidan keyin asosan unutilgan Minoy sivilizatsiyasi XX asr boshlarida arxeologik qazishmalar orqali qayta kashf etildi. "Minoy" atamasi "Minoan" shaklida britan arxeologi Arthur John Evans tomonidan muomalaga kiritilgan bo'lib, Artur Evans Knossos saroyini qazishda ishtirok etgan va uni qit'adagi Mikena madaniyatidan o'zgacha ekanini aniqlagan. Ko'p o'tmay, Federico Halbherr va Luigi Pernier Phaistos saroyi va uning yaqinidagi Hagia Triada manzilgohida qazishma ishlarini olib borishgan. Sohada yirik siljish 1952-yilda Michael Ventris Alice Kober tomonidan olib borilgan oldingi tadqiqotlarga tayangan holda Chiziqli B alifbosini qayta kashf etishi bilan sodir bo'ldi. Bu kashfiyot Minoy sivilizatsiyasining so'nggi davrlaridagi iqtisodiy tizim va ijtimoiy tartibotlar bo'yicha ko'plab qimmatli ma'lumotlarning aniqlanishiga imkon yaratdi. Minoy sivilizatsiyasi manzilgohlarida bugungi kunda ham qazishma ishlari davom etmoqda va Armenidagi qabristonda va Kommos port shaharchasida yaqinda kashfiyotlar amalga oshirildi.