#ЭСЛАТИНГЭртага, 17.03.2022 й
ШАЪБОН – 13
ПАЙШАНБА!
👉 «Оқ кунлар» ҳақида биласизми?
«Айёмул бийз» «Оқ кунлар» – ҳар ойнинг ўн уч, ўн тўрт ва ўн бешинчи кунлари ой тўлган кунлар энг ойдин, кундуздек ёруғ бўлгани учун шу номни олган.
Имом Дайламий Ибн Аббос розияллоҳу анҳумодан ривоят қилишича, қуёш Одам алайҳиссаломнинг таналарини куйдириб, қорайтириб юборганида Аллоҳ таоло ойнинг ўртадаги уч кунида рўза тутишни буюрган экан. Шу уч кун давомида Одам алайҳиссаломнинг таналари оқарган ва шу сабабли бу кунлар «оқ кунлар» деб аталган экан.
• Бу кунлар ҳижрий-қамарий ойнинг 13, 14, 15-кунлари бўлиб, Пайғамбар соллаллоҳу алайҳи ва саллам шу кунларда рўза тутишга тарғиб қилардилар.
Абу Зарр розияллоҳу анҳудан ривоят қилинади:
"Расулуллоҳ соллаллоҳу алайҳи ва саллам ҳар ойдан уч ойдин кечанинг кундузларида: ўн уч, ўн тўрт ва ўн бешинчи кунлари рўза тутишимизга буюрдилар". Насоий (2422, 2423). Ҳасан ҳадис.
Абдуллоҳ ибн Амр розияллоҳу анҳудан ривоят қилинади: “Менга Набий соллаллоҳу алайҳи ва саллам: “Ҳар ойда уч кун рўза тут. Чунки бир яхшилик ўн мисличадир. Ана ўша йил давоми рўзасига баробар”
дедилар.”
Сиз ҳам қодир бўлсангиз, рўзадорлар карвони билан бирга бўлинг! Агар қодир бўла олмасангиз – бошқа диндошларимизга эслатинг! Зеро, сизнинг эслатишингиз туфайли қанча инсонлар рўза тутар экан! Сиз сабабли рўза тутган киши баробарида сизга ҳам савоб ёзилсин иншоаллоҳ!
⏰Саҳарлик ва ифторлик вақти:
(Тошкент вақти билан)
Пайшанба: 05:13 — 18:36
Жума: 05:11 — 18:37
Шанба: 05:09 — 18:38
Ният:
Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).
Саналар ҳижрий-қамарий тақвимга кўра берилди.
Манба: Mehrob.uz
Манзилимиз
@Chinormasjidi
