📃ESLARMIKANSAN!

Muzlagan qalbimga otashlar solib,
Sen meni sevmoqqa kelarmikansan?
Ayt takror sen meni qaytadan sevib,
Bir kunda bir bora eslarmikansan?

Ko'zlarim ummoni misoli tubsiz,
Ko'zlarim tubiga cho'karmikansan?
Sen bilan  o'tgan  xotiralarni,
Bir kunda bir bora eslarmikansan?

Savobim o'zingsan, gunohim o'zing,
Qalbimning sururi bo'larmikansan?
Oshiq bu yurakning soʻrogʻi o'zing,
Bir kunda bir bora eslarmikansan?

Sog'indim men seni har lahza, har on,
Sog'indim,  azizim bilarmikansan?
Sevgimdan sen aslo qilmagin gumon,
Bir kunda bir bora eslarmikansan?

Kel endi kelaqol,  o'rtaydi firoq,
Sen meni mendayin sevarmikansan?
Sevgining yoʻllari bunchalar yiroq,
Bir kunda bir bora eslarmikansan?

Ishongin sensiz bu dunyo zimiston,
Sensiz yashamoqlik azobdir bilsang.
Otashin yuragim berardim ishon,
Sevaman azizam, deya sen kelsang.

Soʻzlaring bilsayding qilgay devona,
Bir suhbat qurgani kelarmikansan?
Men otash olovdek sevaman yana,
Sen meni shundayin sevarmikansan?