"Millionlab diplomli savodsizlar mamlakatni xarob qilyapti" — Alisher Qodirov
"Milliy tiklanish" partiyasi Markaziy kengashi raisi Alisher Qodirov mamlakatdagi oliy taʼlim haqida fikr bildirdi.
Uning aytishicha, koʻp yoshlar qoʻshni davlatlarning oliygohlaridan oʻqishlarini Oʻzbekistonga koʻchirish talablari qiyinligidan norozi boʻlib, undan bu masalada yordam berishini soʻramoqda. Alisher Qodirov yordam bera olmasligini, chunki ularning oʻrniga imtihon topshira olmasligini aytgan. Taʼkidlanishicha, mamlakat oliygohlariga oʻqishni koʻchirish uchun topshiriladigan testda minimum 67 ball toʻplash talab qilinmoqda.
"Bu juda past ball. Qolaversa, qoʻshni davlatlardagi oliygohlarga nima maqsadda oʻqishga kirilayotganini hammamiz ham yaxshi bilamiz. Shu bilan birga, oʻqishga intilayotgan yoshlarni shu kabi ‘oʻyinlar’ga majburlayotgan saralash tizimini ham oʻzgartirish haqida oʻylash vaqti keldi. Albatta, odamlarda shakllanib qolgan: ‘oliy maʼlumot diplomi — kafolatlangan farovonlik’ degan qarashni ham oʻzgartirish kerak. Maktab shahodatnomasi bilan, aql va mantiqni ishlatgan tadbirkor ikkita diplom bilan 8 dan 22 gacha, boshini egib 5 million soʻm maosh olayotgan davlat xizmatchisidan bir necha barobar koʻp daromad topyapti va yaxshiroq yashayapti", — deydi quyi palata spikeri oʻrinbosari.
Unga koʻra, oliy maʼlumot olish ishtiyoqi boʻlgan yoshlarga imkoniyat berish kerak. Prezidentlikka nomzod kirish imtihonlarini osonlashtirib, 1–2 yil ichida zoʻrlar va zoʻrakilarni ajratib olishni va ularga davlat va biznes grantlarini taqdim etishni taklif etgan.
"Mashaqqatli bilim olish jarayoni tonnalab ruda ichidan grammlab oltinni ajratib olgandek soha mutaxassislarini tasodiflardan ajratib oladi. Bir parcha qogʻoz uchun, oʻzini aldab, oʻzi topmagan pulni sovurib yurganlar esa juda qimmatga ‘oʻzini anglash’ saboqlarini sotib oladi. Oliy taʼlim olish uchun ‘kirish oson, lekin chiqish qiyin’ tizim boʻlishi tarafdoriman. Oliy taʼlim juda qimmat mahsulot. U nafaqat mablagʻ, balki kuchli ishtiyoq va mehnat talab qiladi.
Diplom — darajaning belgisi boʻlishi kerak, koʻzboʻyamachilik quroli emas. Keskinroq gapirgan boʻlsam uzr soʻrayman, meni qoʻllab-quvvatlamasligingiz mumkin, lekin oʻzimizni aldashni bas qilaylik. Hamma sohaga yaxshi mutaxassislar kerak. Millionlab diplomli savodsizlar mamlakatni xarob qilyapti. Bu muqarrar inqiroz yoʻli. Oliy taʼlim berish tizimi jiddiy isloh qilinishi shart!", — deydi u.
Kanalga aʼzo boʻling
https://t.me/talim_yangiliklari_1
"Milliy tiklanish" partiyasi Markaziy kengashi raisi Alisher Qodirov mamlakatdagi oliy taʼlim haqida fikr bildirdi.
Uning aytishicha, koʻp yoshlar qoʻshni davlatlarning oliygohlaridan oʻqishlarini Oʻzbekistonga koʻchirish talablari qiyinligidan norozi boʻlib, undan bu masalada yordam berishini soʻramoqda. Alisher Qodirov yordam bera olmasligini, chunki ularning oʻrniga imtihon topshira olmasligini aytgan. Taʼkidlanishicha, mamlakat oliygohlariga oʻqishni koʻchirish uchun topshiriladigan testda minimum 67 ball toʻplash talab qilinmoqda.
"Bu juda past ball. Qolaversa, qoʻshni davlatlardagi oliygohlarga nima maqsadda oʻqishga kirilayotganini hammamiz ham yaxshi bilamiz. Shu bilan birga, oʻqishga intilayotgan yoshlarni shu kabi ‘oʻyinlar’ga majburlayotgan saralash tizimini ham oʻzgartirish haqida oʻylash vaqti keldi. Albatta, odamlarda shakllanib qolgan: ‘oliy maʼlumot diplomi — kafolatlangan farovonlik’ degan qarashni ham oʻzgartirish kerak. Maktab shahodatnomasi bilan, aql va mantiqni ishlatgan tadbirkor ikkita diplom bilan 8 dan 22 gacha, boshini egib 5 million soʻm maosh olayotgan davlat xizmatchisidan bir necha barobar koʻp daromad topyapti va yaxshiroq yashayapti", — deydi quyi palata spikeri oʻrinbosari.
Unga koʻra, oliy maʼlumot olish ishtiyoqi boʻlgan yoshlarga imkoniyat berish kerak. Prezidentlikka nomzod kirish imtihonlarini osonlashtirib, 1–2 yil ichida zoʻrlar va zoʻrakilarni ajratib olishni va ularga davlat va biznes grantlarini taqdim etishni taklif etgan.
"Mashaqqatli bilim olish jarayoni tonnalab ruda ichidan grammlab oltinni ajratib olgandek soha mutaxassislarini tasodiflardan ajratib oladi. Bir parcha qogʻoz uchun, oʻzini aldab, oʻzi topmagan pulni sovurib yurganlar esa juda qimmatga ‘oʻzini anglash’ saboqlarini sotib oladi. Oliy taʼlim olish uchun ‘kirish oson, lekin chiqish qiyin’ tizim boʻlishi tarafdoriman. Oliy taʼlim juda qimmat mahsulot. U nafaqat mablagʻ, balki kuchli ishtiyoq va mehnat talab qiladi.
Diplom — darajaning belgisi boʻlishi kerak, koʻzboʻyamachilik quroli emas. Keskinroq gapirgan boʻlsam uzr soʻrayman, meni qoʻllab-quvvatlamasligingiz mumkin, lekin oʻzimizni aldashni bas qilaylik. Hamma sohaga yaxshi mutaxassislar kerak. Millionlab diplomli savodsizlar mamlakatni xarob qilyapti. Bu muqarrar inqiroz yoʻli. Oliy taʼlim berish tizimi jiddiy isloh qilinishi shart!", — deydi u.
Kanalga aʼzo boʻling
https://t.me/talim_yangiliklari_1