Sirojbek Urinov blogi

"Arzon narsaning o'zi yo'q, bekorchi gaplardan, g'iybatchi suhbatidan boshqa".

Agar qirg'oqni tark etishdan qo'rqsang, hech qachon ummonni zabt etolmaysan.

Xristafor Kolumb🔖

@Sirojbek_Urinov

Мана бўларкану! Биринчи қор билан қадрдонлар.

Qadriyatga aylangan odat
#xulosa

Har safar ustoz va uning shogirdlari endigina ibodat qilmoqchi bo'lib turganida ibodatxonaga mushuk kirib kelar va ularga halaqit berardi. Shunda ustoz shogirdlariga ibodat vaqtida mushukni bog'lab qo'yishni buyurdi. Ustoz o'lganidan keyin ham shogirdlar odatga ko'ra mushukni bog'lab qo'yib ibodat qilishda davom etishdi. Mushuk o'lganidan so'ng shogirdlar ustozning buyrug'iga amal qilish uchun boshqa mushuk boqib olishdi va ibodat qilayotganlarida uni bog'lab qo'yadigan bo'lishdi. Oradan asrlar o'tdi. Ustozning davomchilari katta olimlarga aylanib kitoblar yozishdi. Ular kitoblarida ibodat vaqtida mushukni bog'lab qo'yish juda muhim ahamiyatga ega ekanligini taʼkidlashgandi. (©️Adashmasam qaysidir android dasturidan saqlab qo'ygan edim)

Hayotimizda ham maqsad va mazmunini aniqlamay turib ishonadigan haqiqatlarimiz va bajaradigan amallarimiz anchagina topiladi (bularga turli irimlar, stereotip va boshqalar). Biror nimani qilishdan oldin nima maqsadda shuni qilayotganimizni aniqlashtirsak o'zimizga ham yonimizdagilarga ham foyda bo'ladi. Bo'lmasa bekorga "mushukni qiynaganimiz" qoladi.

@Sirojbek_Urinov

Uslub

Uslub — bu barchasiga javob.
Zerikarli, xavfli narsaga yangicha qarash.
Uslub bilan bajarilgan zerikarli ish usiz qo‘l urilgan xavflisidan avlo.
Xavfli ishga uslub bilan yondashish — mana shuni san’at deb atayman.

Buqalar jangi san’at bo‘lishi mumkin.
Boks san’at bo‘lishi mumkin.
Sevgi san’at bo‘lishi mumkin.
Sardina idishini ochish san’at bo‘lishi mumkin.

Hamma ham uslubga ega emas.
Hamma ham uni o‘zida saqlab qololmaydi.
Uslub ba’zan odamdan ko‘ra itda ko‘proq uchraydi,
Garchi aksar itlar undan mosuvo.
Mushuklarda esa to‘lib-toshib yotibdi.

Hemingeuy to‘pponcha bilan o‘z miyasini devorga chaplab qo‘yishida uslub bor edi.
Ba’zan odam ham uslubga misol bo‘la oladi.
Janna dArkda uslub bo‘lgan.
Yahyo,
Iso,
Suqrot,
Qaysar,
Garsiya Lorka.

Men qamoqxonada uslubga ega kishilarni uchratdim.
Qamoqdagilarda tashqaridagilardan ko‘ra ko‘proq uslub bor edi.
Uslub — bu farq qilish, ish-harakat yo‘sini, qanday bo‘lish yo‘li.
Hovuzda miq etmay turgan olti qarqara
Yoki sen meni ko‘rmay hammomdan yalang‘och chiqib kelishing.

Charlez Bukovski

Rafiq O‘zturk tarjimasi

@Sirojbek_Urinov

Аҳмоқлигимча қолишдан қўрқаман

Асмаий айтади: «Бир ёш араб боладан «Юз минг дирҳаминг бўлишини, лекин ўзинг аҳмоқ бўлишингни истайсанми?» деб сўрадим. «Йўқ», деди у. «Нега?» дедим. У шундай деди: «Аҳмоқлигим туфайли бирор жиноят қилиб қўйсам, мол-мулким қўлдан кетиб, аҳмоқлигимча қолишдан қўрқаман», деди бола».

@Sirojbek_Urinov

ЁМОНГА ЯХШИ МУОМАЛА

Расулуллоҳ соллаллоҳу алайҳи васаллам Оиша розияллоҳу анҳо онамиз билан бирга ўтирган эдилар. Бир киши киришга рухсат сўради. Расулуллоҳ алайҳиссалом уни кўриб: «Бу ёмон одам», дедилар. Аммо унга чиройли муомала қилиб, очиқ юзли бўлдилар. У одам кетганидан сўнг Оиша онамиз: «Ё Расулуллоҳ! Бу одамни кўрганда «Яхши одам эмас», дедингиз. Лекин очиқ чеҳра билан кутиб олдингиз, бунинг боиси нима?» деб сўради.

Расулуллоҳ соллаллоҳу алайҳи васаллам: «Эй Оиша! Менинг одамларга ёмон муомала қилганимни кўрганмисан? Аллоҳнинг даргоҳида Қиёмат куни энг ёмон одам бу дунёда одамлар унинг ёмонлигидан сақланиш учун қочиб юрадиганидир», дедилар.

Изоҳ: У одам мусулмон бўлмаган ёки мусулмон бўлса-да, хулқи ёмон эди. Расулуллоҳ соллаллоҳу алайҳи васаллам одамларга билдириб қўйиш учун унинг ёмон эканини айтганлар. Лекин ўзига айтмаганлар. Чунки ёмонга ёмонлигини айтишдан фойда йўқлигини билганлар. Айни пайтда, ёмонга ёмон муомала эмас, яхши муомала қилиш фойдалироқ эканини билдирганлар.

“Расулуллоҳ соллаллоҳу алайҳи васалламнинг ҳаётларидан 101 қисса” китобидан.

@Sirojbek_Urinov

Ey xudo, zurriyotlarimizdan o‘n sakkiz million so‘mga psixogenetiklarning bir soatlik kursini sotib oladigan va ellik ming so‘mni qimmat, deb kitob sotib olmaydiganlarni chiqarmagin!

©️Said Komil Muhammad Karim

Ҳозиргина Абдуқодир Хусановнинг «Манчестер Сити» таркиби билан машғулотидан парчалар кўрдим. Ютубда клубнинг расмий каналида бор, кўрсангиз бўлади. Томоша қилаётиб бир нарсани ўйладим.

Хусанов ҳақида Ўзбекистонда бир неча кундан бери тинмай гапириляпти. Подкастлар, мақолалар, видеолар, расмлар, нафақат мамлакатимиз, қўшни давлатлар, рус каналларида ҳам айланди. Ҳатто президент сиёсий учрашувда тилга олди, тасаввур қилаверинг энди. Хуллас, у қаҳрамон, йил одами, сўнгги кунларда ҳаммага ҳамма нарсани унуттирган бош мавзу. Бизга ўхшаган футболдаги кейинги дунё мамлакатлари учун мутлақо табиий жараён. Менимча, Триндад Тобагодаям, Грузиядаям, Либерия ёки Кореяда ҳам худди шунақа бўлган бир пайтлар. Табиий.

Ва мана, машғулот майдонида турибди. Холанд (ёнидан ўтиб кетаётса, катталигидан қўрқиб кетдим, йўқ, унчаликмас, ракурсда шунақа кўринганакан, шунчаки) чиқиб келяпти, Бернарду турибди, Фоден ва яна бошқалар, у ерда Хусанов «ҳеч ким», оддий йигитча, энг кўпи билан улардан бири, ортиқ эмас. Бу ҳам табиий ҳолат мутлақо.

Энди шу бир бири билан ер билан осмонча фарқ қиладиган икки табиий жараён бир инсон билан бир пайтда содир бўлиши ва бу ҳар куни такрорланиши, алмашиб туриши, тасаввур қиляпсизми? Психологик кино олса бўлади, ишонаверинг.

Худди шу ҳақида бир пайтлар турк стендап комиги Жем Йилмаз айтиб берганди. У армияга боришидан аввалроқ анча машҳур бўлиб кетган экан. Саҳналарга чиқиб, олқишларга ўрганган. Хизматга боргач, табиийки, уни танишади, у ерда ҳам баъзи тадбирларда, катта давралар орасида ҳам чиқиб юрган, бошқа шаҳарларга ҳам олиб боришган. Жем Йилмаз айтишича, шундай концертларда яна юлдузлик онларига шўнғир, табриклар, қарсаклар остида саҳнани тарк этиб, эртасига оддий аскарлик вазифаларини қилишга мажбур бўлар, муомала ҳам худди шу шаклда кетаверар экан. Ўйлаб кўринг, генераллар қотиб қотиб кулади, келиб бирга расмга тушади, бир соатдан кейин оддий юзбоши сўкишни бошлайди. Жинни бўлиб қолишимга сал қолган, дейди у.

Менимча, футбол, тактика, машғулот, тил кабилардан бошқа яна бир ўзига хос синов бу Хусанов учун. Ишонамиз, бир кун у Манчестерда ҳам севимли юлдузга айланиб, биздагидек қадр топар, фарқ ҳам йўқолар. Унгача, менга қолса, Абдуқодир ҳозирча Ўзбекистонда у ҳақида бўлаётганлардан бироз четда бўлиши, иложи бўлса, ҳеч нарса кўрмаслиги, эшитмаслиги, ҳеч нарсани ўқимаслиги яхшироқ. Шу ёзганимни ҳам.

#aslanov

@Sirojbek_Urinov

𝐇𝐚𝐲𝐨𝐭𝐢𝐧𝐢𝐧𝐠 𝐬𝐨'𝐧𝐠𝐢𝐝𝐚

Quyoshli kunlarning birida o'zini yaxshi his qilmayotgan Jobs uyning ortidagi bog'da o'tirib, ovoz chiqarib o'lim haqida so'z yuritardi. U deyarli qirq yil avvalgi Hindistonga sayohati, buddizimni o'rgangani, reinkarnatsiya va transtendentsiya haqidagi o'z qarashlari haqida aytib berdi.
Men Xudoga ellik foiz ishonaman. Menga har doim bizning borlig'imiz ko'zga ko'rinib turgan narsalar bilan cheklanmaydigandek tuyulgan, - dedi u.
U hozir o'lim yoqasida turgan payt o'limdan keyin hayot borligiga unchalik ishonmasligini, biroq bunga juda ham ishonishni xohlayotganini aytdi.
O'lganimizdan keyin bizdan biron narsa qoladi deb o'ylash menga yoqadi. Sen shuncha tajriba va hatto, oz bo'lsa-da, aql-zakovat to'playsan, keyin esa u shunchaki yo'q bo'lib ketishini o'ylash aqlga sig'maydi. Shuning uchun sening bir qisming yashashda davom etishiga, ong qandaydir tarzda mavjud bo'lishda davom etishiga juda-juda ishonishni xohlayman.
U uzoq sukunatga cho'mdi va yana shunday dedi:
Biroq, boshqa tarafdan, bu shunchaki o'chirish moslamasi bo'lishi ham mumkin. Shiq! Va sen yo'qsan.
Yana jim turdi-da, biroz kulimsiraganday qo'shimcha qildi:
Aynan shuning uchun men Apple qurilmalarida o'chirish tugmasi bo'lishini hech qachon yoqtirmagan bo'lsam kerak.
𝐔𝐨𝐥𝐭𝐞𝐫 𝐀𝐲𝐳𝐞𝐤𝐬𝐨𝐧
"𝑆𝑡𝑖𝑣 𝐽𝑜𝑏𝑠"
@Sirojbek_Urinov

Rulda ishlatish - avtohalokatga

Ertalab ishlatish - diqqat yo’qolishiga

Uxlashdan oldin ishlatish - sifatsiz uyquga

Ovqatlanishda ishlatish - ko’p yeyishga

Suhbatlashganda ishlatish - nizolarga

Hojatxonada ishlatish - gemorroyga olib boradi.

Telefon jonivorni shu joylarda ishlatmay qo’ysak nima bo’larkin?

G’olib kim?

Bahslashayotgan ikki do‘stni suhbatini tingladim. Birinchisi haq lek o‘z so‘zida oxirgacha tura olmadi, sen haqsan deya qutildi.

Ikkinchisi haq bo‘lmasa ham talashaverdi, o‘zicha g‘olib…

Hech qachon ahmoqlar bilan bahslashmang, ular sizni o‘zlarining darajachasiga olib tushib, so‘ngra bahsda g‘olib bo‘lganlarini eʼlon qiladilar.
(Mark Tven)

@Sirojbek_Urinov

Ҳикоят қилинишича, олис бир қишлоққа табиблар бориб, шу ерлик аҳолини тиббий кўрикдан ўтказмоқчи бўлишибди. Табиблар шикоят билан келган беморларга бирма-бир ташхис қўйиб, муолажа қилишибди. Аммо шунча беморлар орасида бирортаси ҳам қалб касаллигидан шикоят қилмабди. Илгари бундай ҳолатга дуч келмаган табиблар бунинг сабабини ахтара бошлашибди. Қишлоқнинг ҳавоси ва сувида ёки яна қандайдир шифобахш жиҳатлари бордир, дея гумон қилишибди. Аммо бирорта ҳам тахминлари тўғри чиқмабди. Ниҳоят, бунинг сирини қишлоқ аҳлидан сўрашса, кексалари шундай дейишган:
“Биз ғийбат, ҳасад, кўролмаслик, кек ва адоват каби иллатлардан ҳазар қиламиз. Бирор кимсага нисбатан бундай муносабатда бўлмаймиз. Аксинча, ўзаро ҳурмат ва иззатда яшаймиз. Ана шунинг учун ҳам бирортамизнинг қалб касаллигидан шикоятимиз йўқ”.

@Sirojbek_Urinov