Акам сизни соғинаман...

Гох кўнгил шод,гох ғамлардан оринаман
Хаёл суриб орзуларга овунаман
Палахмонни тоши экан қизлар асли
Акам сизни йўлиз пойлаб соғинаман

Бугун бошда рўзғор деган юмушим бор
Минг шукрким арзигулик турмушим бор
Не десам бор лекин кўнгил мехрга зор
Акам сизни йўлиз пойлаб соғинаман

Болаликни қумсайману қайтсам қани
"Ака"дея ортингиздан чопсам қани
Тунлар бирга юлдуз санаб ўтсам қани
Акам сизни йўлиз пойлаб соғинаман

Ўзим ортиб боролмайман ёнингизга
Шукр дейман бу хаётда борингизга
Бироз мехр етиб ортар синглингизга
Акам сизни йўлиз пойлаб соғинаман

Рўзғоримдан нелар ўтди билдирмадим
Ғам еманг деб сизга сира сездирмадим
Сиз бор экан умидимни сўндирмадим
Акам сизни йўлиз пойлаб соғинаман

Билмас эдим турмушларни муштларини
Чин депмана хаёлимни тушларини
Эслаб эслаб шўхлик қилган кезларимни
Акам сизни йўлиз пойлаб соғинаман

Қароғимда қотиб қолди бир томчи ёш
Юзим кулар сизга дардим этмадим фош
Юрагимни туб тубида аламли тош
Акам сизни йўлиз пойлаб соғинаман

Кечагина сиз хам мени кутар эдиз
Жажигина қўлларимдан тутар эдиз
Ўзоқларда келолмайин ўйга толдиз
Акам сизни йўлиз пойлаб соғинаман

Елкангизга бошим қўяй сингил бўлиб
Кўнглингизни ўзим олай кўнгил бўлиб
Хоп десангиз йиғлаб олай тўйиб тўйиб
Акам сизни йўлиз пойлаб соғинаман

Барчиной Йўлдошева.