Sayxunobod tumani "Turon" mahallasida istiqomat qiluvchi 17 yoshli iste’dodli o‘quvchi Asilbek Ashurov dunyoning eng nufuzli universitetlaridan biri bo‘lgan "Chicago universiteti"da o‘qish uchun 420,000 dollar miqdoridagi grantni qo‘lga kiritdi. Bu yutuq, Asilbekning ilm-fan, ta’lim va ijodga bo‘lgan katta qiziqishi va mehnatining mahsulidir.

Bu muvaffaqiyat Prezidentimizning yoshlarni qo‘llab-quvvatlash va ta’limga bo‘lgan e’tiborining natijasidir. Davlatimiz tomonidan yaratilgan zamonaviy ta’lim tizimi, ilm-fan va texnologiyalar sohasidagi ilg‘or yondoshuvlar, shuningdek, chet elda ta’lim olish uchun berilgan grantlar yoshlarimizning xalqaro maydonda muvaffaqiyat qozonishiga yordam bermoqda.

Asilbekning bu muvaffaqiyati nafaqat Sayxunobod tumani, balki butun viloyat uchun katta faxrdir. "Chicago universiteti"da o‘qish imkoniyati Asilbekka ta’limda yangi cho‘qqilarni zabt etish va kelajakda o‘z sohasida yetakchi mutaxassis bo‘lish yo‘lida katta imkoniyatlar yaratadi.