Saudiyadagi O’zbeklar

⚠️ Makka shahriga kirish yopildi — postlar qattiq nazorat ostida ⚠️

🔴 2025-yil 22-aprel, shom namozidan keyin Makka shahriga olib boruvchi yo‘llarda nazorat kuchaytirildi.

✅ Endilikda faqat quyidagi shaxslar Makkaga kira oladi:
💚 Rasmiy Haj ruxsatnomasi borlar
💚 Iqomasi Makka shahriga tegishli bo‘lgan rezidentlar
💚 Makkada ishlash uchun rasmiy ruxsatnomasi bor shaxslar.

👎 Hatto Umra vizasi egalari ham Makka shahriga kira olmaydi.

✅Yo‘l postlarida hujjatlar sinchkovlik bilan tekshirilib, qonunbuzarliklarga nisbatan tegishli choralar ko‘rilmoqda. Tashrif buyuruvchilarga belgilangan tartib-qoidalarga rioya qilish tavsiya etiladi.

@Saudiadagi_Uzbeklar

Kecha Taif viloyatining sharqiy qismida joylashgan Hadn yo‘li va Jabal Al-Barth oralig‘ida kuchli yomg‘ir va do‘l kuzatildi.

Bu bo’taloqga esa do’l tasir qilmas ekan 😅

@Saudiadagi_Uzbeklar

2025-yilgi Saudiya Arabistoni Grand Prisi 18–20 aprel kunlari Jidda Kornish trassasida bo‘lib o‘tdi va ushbu sport festivalining 5-yilligi nishonlandi.

Musobaqa yakunida McLaren jamoasi vakili, avstraliyalik haydovchi Oskar Piastri g‘alabani qo‘lga kiritdi. Mazkur natija bilan u haydovchilar reytingida chempionat yetakchiligini egalladi hamda jamoasining mavsumdagi muvaffaqiyatiga muhim hissa qo‘shdi.

@Saudiadagi_Uzbeklar

Bu videoni aslida chiqarmoqchimas edik, biroq boshqalarga saboq bo‘lishi uchun chiqarishga qaror qildik. Gunoh ish qilishdan qo‘rqmasa ham, hech bo‘lmasa internetda tarqalib ketishidan cho‘chib, bu kabi harakatlardan tiyilar degan umiddamiz.

Videoda bir o‘zbek yigit Masjid Al-Haram hududidagi do‘konlardan birida sotuvchini yoqasidan olib, unga tajovuz qilayotgani ko‘rinadi. Atrofdagi odamlarning e’tibori ham aynan shu voqeaga qaratilgan. Vaziyatning asl sababi bizga noma’lum, biroq shuni unutmaslik kerakki, Masjid Al-Haramning o‘ziga xos tartib va odob qoidalari mavjud.

Ushbu video nafaqat o‘zbek segmentida, balki boshqa millatlar orasida ham tarqalmoqda. Videoda ingliz tilida “POV: You're shopping in Makkah” deb yozilgan bo‘lib, bu “Go‘yoki sen Makkada savdo qilyapsan” degan ma’noni anglatadi.

Shuni yodda tutish kerakki, xorijga chiqqaningizda siz faqat o‘zingiz emas, balki butun o‘zbek xalqini namoyon qilasiz. Shuning uchun harakatlarimiz bilan vatanimiz sha’nini himoya qilishimiz kerak.

@Saudiadagi_Uzbeklar

Masjid Al-Haramning Makka shahrining osmonidan ko'rinishi

P.s: Video ramazon oyida olingan*

@Saudiadagi_Uzbeklar

Hurmatli ziyoratchilar!

So‘nggi paytlarda internetda Umra safarlari bilan bog‘liq bir nechta shikoyat videolari tarqalmoqda. Ammo shuni unutmaslik kerakki, bu videolarning hammasi to‘liq va haqqoniy ma’lumot emas. Shu sababli har bir videoni kanalga joylashtirishga shoshilmaymiz.

Ushbu sohada uzoq yillardan beri faoliyat yuritayotgan insonlar yaxshi bilishadi — bunday holatlarda ayb har doim ham 100% tour firmalarda bo‘lmaydi. Ko‘pincha vaziyat bir tomonlama ko‘rsatiladi, va afsuski, videolarni tarqatuvchilar orasida boshqa millat vakillari ham bo‘lmoqda. Yaqinda tarqalgan videoda ham aynan videoga olgan odamning o‘zbek emas, balki afg‘on millatiga mansubligi bilinib turibdi.

Aslida muammoning ildizi nimada?

Ko‘pchilik fuqarolarimiz litsenziyaga ega, ishonchli tour firmalar orqali emas, balki "arzonroq" paketlar orqali safarga chiqishadi. Natijada, safar chog‘ida muammolar yuzaga keladi. Agar ushbu holat litsenziyalangan tour firma orqali ro‘y berganida, fuqarolarimiz O‘zbekiston elchixonasiga murojaat qilish orqali tezda yordam olishlari mumkin edi.

Ogohlantiramiz:

Arzon paket tanlayotgan bo‘lsangiz, u holda taqdim etilayotgan sharoitlarga ham tayyor bo‘lishingiz kerak. Chunki xizmat ko‘rsatuvchi tashkilotlar narxni imkon qadar arzon ushlab turish uchun aviachiptadan tortib, yashash joyigacha eng arzon variantlarni tanlashadi. Bu esa kutishlar, kechikishlar va noqulayliklarga olib kelishi mumkin.

Shuningdek, Saudiya Arabistoni qonunlariga ko‘ra, birovning ruxsatisiz uni videoga olish mumkin emas. Agar ushbu holatda ellikboshi 911 raqamiga qo‘ng‘iroq qilganida, videoga olgan shaxs jarimaga tortilishi mumkin edi.

Tarqalgan videoda muammo Jat Travel firmasi bilan bog‘langani aytilmoqda. Shuni alohida ta’kidlaymizki, biz bu firma bilan hech qanday shartnoma qilmaganmiz. Biz hech qachon biror tour firmani yomonlash niyatida emasmiz. Maqsadimiz — sizni ogohlantirish. Qarorni, albatta, o‘zingiz qabul qilasiz.

@Saudiadagi_Uzbeklar