Давлат хавфсизлиги хизматининг фидокор ходимларига самимий табрик!

Ҳурматли давлат хавфсизлиги хизмати ходимлари!

Сизларни 5 апрель — Ўзбекистон Республикаси давлат хавфсизлиги ходимлари куни билан чин қалбимдан табриклаймиз!

Юрт тинчлиги, жамият барқарорлиги ва фуқаролар хавфсизлигини таъминлаш — энг олий бурчлардан саналади.

Сизлар бу муқаддас ва масъулиятли вазифани сидқидилдан бажариб, давлатимиз мустақиллиги ва миллий манфаатларимизни ҳимоя қилиш йўлида қатъият ва жасорат намоён этмоқдасиз.

Меҳнатингизда доимий муваффақиятлар, оилангизга тинчлик ва файз, қалбингизга шижоат ва бардавом ирода тилаймиз! Ватан хизматидан шарафлироқ хизмат йўқ!

Байрамингиз муборак бўлсин!