⚡️Respublikalıq jumısshı topar aǵzaları Qaraqalpaqstanda

Búgin, 24-yanvar sánesinen baslap, joqarı oqıw orınların 2025-jılda rawajlandırıwdıń baslı baǵdarların hám jumısların jetilistiriw boyınsha usınıslar islep shıǵıw maqsetinde shólkemlestirilgen Respublikalıq jumısshı topar Qaraqalpaqstan Respublikasındaǵı joqarı oqıw orınlarında úyreniw jumısların basladı.

Ózbekstan Respublikası Joqarı bilimlendiriw, ilim hám innovaciyalar ministri, jumısshı topar baslıǵı Qońıratbay Sharipov Ájiniyaz atındaǵı Nókis mámleketlik pedagogikalıq institutında aymaqtaǵı joqarı oqıw orınlarınıń basshıları hám Respublikalıq jumısshı topar aǵzaları menen jıynalıs ótkerdi.

Jıynalısta ministr joqarı oqıw orınlarında oqıw procesin jetilistiriw, sanlastırıw hám bilimlendiriwdiń sapasın arttırıw, ilimiy-izertlewlerdiń nátiyjeliligin arttırıw, ilim, bilimlendiriw hám óndiristiń integraciyasın keńeytiw, sociallıq-ruwxıy ortalıqtı salamatlastırıw, student-jaslarda tárbiyalıq jumıslar sistemasın jetilistiriw hám olardıń bos waqıtların mazmunlı shólkemlestiriw, materiallıq-texnikalıq támiynat, oqıw laboratoriyaların zamanagóy ásbap-úskeneler menen támiyinlew, sırt el bilimlendiriw hám izertlew mákemeleri menen birge islesiw baylanısların jolǵa qoyıw boyınsha ámelge asırılıp atırǵan jumıslar hám orın alıp atırǵan mashqalalardıń sheshimi boyınsha usınıslar islep shıǵıw Respublikalıq jumısshı topardıń tiykarǵı maqseti ekenligin atap ótti.

Videokonferenciyalıq baylanıs tárizinde ótkerilgen jıynalısta barlıq aymaqlarda úyreniw jumısların alıp barıp atırǵan Respublikalıq jumısshı topar aǵzalarına tiyisli tapsırmalar berildi.

Respublikalıq jumısshı topardıń úyreniw jumısları joqarı oqıw orınlarında dawam etpekte.

Rásmiy betlerimizge aǵza bolıń:

📱Telegram 📱Instagram 📱Facebook 📱YouTube